থবক শুবা, মীয়ামগী ৱাকৎ অমসুং পেন্সন মন্ত্রালয়
azadi ka amrit mahotsav

এস্পিরেস্নেল দিস্ত্রিক্তকী ৱাখল্লোন পান্দম লৈবা পেরামিতরশিংদা য়ুম্ফম ওইবনি: প্রোগ্রাম অসি সাইন্তিফিক ওইবা মওংদা শেমবনি


কেন্দ্র মন্ত্রী দোক্তর জিতেন্দ্র সিংহনা সিতামারহিদা চত্তুনা এস্পিরেস্নেল দিস্ত্রিক্ত প্রোগ্রাম (এ.দি.পি.)গী মখাদা পায়খৎলিবা চাউখৎ থৌরাংগী ফীভম য়েংশিনখ্রে

মন্ত্রীনা দিস্ত্রিক্ত এদমিনিস্ত্রেসনবু মহৈ মশিং, লৌউ-শিংউ অমসুং হকশেলগী লমদা ফংলিবা মায় পাকপশিংগীদমক থাগৎখ্রে

দোক্তর জিতেন্দ্র সিংহনা ওফিসিএলশিংদা ফাইনেন্সিএল ইনক্লুজন মপুং ফানা য়ৌহন্নবা হায়বদি ‘জন ধন একাউন্ত হাংবা মশিং’ শুহন্নবা থবক পায়খৎনবা ৱাফম থমখি

Posted On: 07 MAY 2022 10:07AM by PIB Imphal

কেন্দ্রগী সাইন্স এন্দ তেক্নোলোজীগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেস, দোক্তর জিতেন্দ্র সিংহনা এস্পিরেস্নেল দিস্ত্রিক্তকী ৱাখল্লোন অসি পান্দম লৈবা পেরেমিতরশিংদা য়ুম্ফম ওইবনি অমসুং এস্পিরেস্নেল দিস্ত্রিক্ত প্রোগ্রাম (এ.দি.পি.) অসি অকক্নবা মরুওইবা ইন্দাইসশিংদা য়ুম্ফম ওইবা ইভালুএসনগা লোয়ননা সাইন্তিফিক ওইবা মওংদা শেমবনি হায়না ফোঙদোকখ্রে‍।

অসুম্না তৌদুনা, অওনবা পুরকপদা অখন্নবা মীৎয়েঙ থম্নবগীদমক লৈবাক শিনবা থুংবদগী দিস্ত্রিক্ত ১১২ মশক খঙদোকখিবনি‍।

দোক্তর জিতেন্দ্রনা হায়খিবদা, চহি মরিগী মমাঙদা প্রধান মন্ত্রীনা হৌদোকখিবা এস্পিরেস্নেল দিস্ত্রিক্ত প্রোগ্রাম অসিনা সস্তেনেবল দেভেলপমেন্ত গোলশিং লোকেলাইজ তৌদুনা লৈবাক্কী চাউখৎ খোঙজেল য়াঙ্খৎহন্নবা পান্দম থম্লি‍। ৱাফম অসি হৌখিবা নুমিদাংৱাইরমদা এস্পিরেস্নেল দিস্ত্রিক্ত প্রোগ্রাম (এ.দি.পি.)গী মখাদা বিহারগী সিতামারহি দিস্ত্রিক্ততা পায়খৎলিবা থবকশিংগী খোঙজেল য়েংশিনবদা মন্ত্রীনা ফোঙদোকখিবনি‍। সিতামারহি অসি বিহারগী এস্পিরেস্নেল দিস্ত্রিক্ত ১৩গী মনুংদা অমনি‍।

https://static.pib.gov.in/WriteReadData/userfiles/image/image001LI71.jpg

এ.দি.পি. অসি শোত্থহৌরবা দিস্ত্রিক্তশিংবু অহানবদা মখোয়গী স্তেত্তা লৈরিবা খ্বাইদগী চাওখৎলবা দিস্ত্রিক্তশিংগী থাক্তা কাখৎলক্নবা, অদুগা মতুংদা অতোপ্পদগী মতৌ তমদুনা অমদি হিদান্নদুনা লৈবাকসিগী খ্বাইদগী চাওখৎলববা দিস্ত্রিক্তশিংগী মরক্তা অমা ওইবা ঙম্নবা তেংবাংদুনা অমদি পুক্নিং থৌগত্তুনা হিদান্নবা অমসুং তেংবাংনবা মওংগী ফেদরেলিজমগী তরং তরংবা খুদম অমা ওইরক্লি হায়না দোক্তর জিতেন্দ্র সিংহনা ফোঙদোকখি‍। প্রোগ্রাম অসিগী চাউরাকপা মশক মওংদি কনভর্জেন্স (কেন্দ্র অমসুং স্তেতকী স্কিমশিং), কোলাবোরেসন (কেন্দ্র, স্তেত থাক্কী ‘প্রভারি’ ওফিসরশিং অমসুং দিস্ত্রিক্ত কলেক্তরশিং), অমসুং মীয়ামগী ইহৌনা লমজিংদুনা থা-থাগী ওইবা দেল্তা রেঙ্কিংগী খুত্থাঙদা দিস্ত্রিক্তশিংগী মরক্তা হিদান্নবগী ফীভম থমবনি‍।

এ.দি.পি.গী মখাদা বিহারগী সিতামারহিদা পায়খৎলিবা থবকশিংগী মরমদা তোঙান তোঙানবা খুন্নাই-শেন্মিৎলোনগী ইন্দিকেতরশিংদা মশক থোক্না ফগৎলক্তুনা এজুকেসন স্কিমগী মখাদা দিস্ত্রিক্ত অসিনা স্তেত অসিগী খ্বাইদগী মাঙজিল থানা থবক পায়খৎলিবশিংগী মরক্তা অমা ওইরকপদা দোক্তর জিতেন্দ্র সিংহনা অপেনবা ফোঙদোকখি‍। মহৈ মশিংগী লমদা, দিস্ত্রিক্ত অসিনা হৌখিবা চহি ৪সিদা ইলিমেন্তরী স্কুলদা মহৈরোয়-ওজাগী রেসিও ১৬%দগী ৩৫%দা হেনগৎহন্নবা থবক পায়খত্তুনা লৈঙাক্লোন অমসুং মতিং শেমগৎপগী লমদা ফীভম ফগৎলকপা উৎলি‍। স্কুল ইনফ্রাস্ত্রকচরগী মরী লৈনবা ইন্দিকেতরশিংদা সিতামারহিনা মপুং ফানা চঙশিনবা ঙমবগী ফীভম নকশিল্লক্লি অমদি অতোপ্পা দিস্ত্রিক্তশিংনা তমজনিংঙাই ওইবা মওংদা মতমগী চুনবা লাইব্রেরী থমবা, মহৈরোয়, ওজা অমসুং মমা-মপাশিং মপুং ফানা শরুক য়াহন্নবগী মীয়ামগী ওইবা ইহৌ শাগৎপনচিংবা ইনোভেতিব ওইবা খ্বাইদগী ফবা থৌওংশিং হৌদোক্লি‍।

দোক্তর জিতেন্দ্র সিংহগী মফমদা দিস্ত্রিক্ত মেজিস্ত্রেৎ সুনিল কুমার য়াদবনা মচা খায়বা প্রজেন্তেসন অমা উৎলদুনা এম.এম.আর. অমসুং আই.এম.আর.নচিংবা ৱাফমশিংগী ৱাখৈ পুরক্লিবা মীরোনবী নুপীশিংগী হকশেল অমসুং অঙাঙদা মচি ওইবা চীঞ্জাক ফংহনবগা মরী লৈনবা মরুওইবা ইন্দিকেতরশিংদা লৈরিবা খোঙজেলগী মতাঙদা পাউদমখি‍। দিস্ত্রিক্ত অসিনা ‘ইন্সতিত্যুস্নেল দেলিভরীগী পর্সেন্তেজ’, মপুং ফানা তিকা থাদোক্লবা অঙাঙগী পর্সেন্তেজ’, ‘চহি ৬কী মখাদা লৈরিবা অরুমবা য়ৌদবা অঙাঙশিংগী পর্সেন্তেজ’ অসিনচিংবা ইন্দিকেতরশিংদা দিস্ত্রিক্ত অসিদা ফীভম ফগৎলকপা উরি‍। মন্ত্রীনা মরী লৈনবা ওফিসরশিংদা প্রোগ্রাম অসিগী মকোক্তা লৈবা ঙম্নবা কত্থোকপগা লোয়ননা থবক পায়খৎনবা ৱাফম থমখি‍।

এ.দি.পি. ইন্দিকেতরশিংগী মতাঙদা ‘লৌউ-শিংউ অমসুং ঈশিংগী রিসোর্স’কী লমদা পায়খৎলিবা থবক থৌরাংশিংদা য়ুম্ফম ওইদুনা সিতামারহিবু চেঙ্গুম চারা পুথোকপগী য়ুনিৎ লিংখৎপা অমসুং সিতামারহিদা লৌউ-শিংউগী থবকপু মেকানাইজেসন তৌনবগীদমক্তা কস্তম হাইয়রিং সেন্তর ওফ ফার্ম মেচিনরী লিংখৎপা য়াওনা চাউরাক্না লুপা লাখ ৩০২.৬৯গী ওইগদবা প্রোজেক্ত ৫ মার্চ ২২, ২০২২দা পীরকখিবগী মতাঙদা দিস্ত্রিক্ত মেজিস্ত্রেৎনা পাউদমখি‍।

ফাইনেন্সিএল ইনক্লুজনগী লমদা প্রধান মন্ত্রীগী অখন্নবা মীৎয়েঙগী মরমদা পল্লদুনা, দোক্তর জিতেন্দ্র সিংহনা ওফিসিএলশিংদা ফাইনেন্সিএল ইনক্লুজন মপুং ফানা য়ৌহন্নবা হায়বদি ‘জন ধন একাউন্ত হাংবগী মশিং’ অমসুং হকশেলগী লমদা হায়বদি ‘মপুং ফানা তিকা থাদোক্লবা অঙাঙগী (থা ৯-১১) পর্সেন্তেজ’ অকনবা থবক পায়খৎনবা ৱাফম থমখি‍। দিস্ত্রিক্ত অসিনা এদমিনিস্ত্রেতিব রিপোর্তেদ তেদাগী ক্বালিতী ফগৎহনবা মথৌ তাই হায়নসু মন্ত্রীনা মখা তাখি‍।

https://static.pib.gov.in/WriteReadData/userfiles/image/image002NGRD.jpg

পনবা য়ামদি, কেন্দ্রনা কেন্দ্রগী মন্ত্রীশিংবু তোঙান তোঙানবা এস্পিরেস্নেল দিস্ত্রিক্তশিংদা পায়খৎলিবা থৌরাংশিংগী মরমদা লৈমায়দা কুমথদুনা য়েংশিন্নবা ওফিসিএল ওইবা খোঙচৎশিং চৎনবা পাউতাক পীখিবনি‍। জনুৱারী ২০১৮দা প্রধান মন্ত্রীনা হৌদোকখিবা এ.দি.পি.না লৈবাক শিনবা থুংনা লৈরিবা শোত্থহৌরবা দিস্ত্রিক্তশিংবু থুনা অমদি মতিং লৈনা অওনবা পুরক্নবা পান্দম থম্লি‍। প্রোগ্রাম অসিবা চাউরাকপা মশক মওংদা মীয়ামগী ইহৌনা থৌদুনা থা-থাগী ওইবা দেল্তা রেঙ্কিংগী খুত্থাঙদা দিস্ত্রিক্তশিংগী মরক্তা পুনশিন্নবা, খুৎশম্নবা অমদি হিদান্নবগী ফীভম পুরকপগী থৌরাং য়াওরি‍।

স্তেতশিংনা মরুওইবা থৌদাং লৌদুনা, প্রোগ্রাম অসিনা দিস্ত্রিক্ত খুদিংমক্কী মপাঙ্গলদা মীৎয়েং থমদুনা খুদক্কী ওইনা ফীভম ফগৎহন্নবা খুমাঙ চাওশিল্লবা হীরমশিং মশক খঙদোকপা অমসুং থা-থাগী ওইবা মওংদা দিস্ত্রিক্ত রেঙ্কিং শেমদুনা খোঙজেলগী পাদম ওনবা মীৎয়েঙ থম্লি‍। রেঙ্কিং অসি হকশেল অমসুং মচি ওইবা চিঞ্জাক, মহৈ মশিং, লৌউ-শিংউ অমসুং ঈশিংগী রিসোর্স, ফাইনেন্সিএল ইনক্লুজন অমসুং স্কিল দেভেলপমেন্ত অমদি ইনফ্রাস্ত্রকচর হায়রিবা চাউরাকপা খুন্নাই-শেন্মিৎলোনগী থীম ৫গী মখাদা লৈবা কি পর্ফোর্মেন্স ইন্দিকেতর (কে.পি.আই.) ৪৯দা চঙশিল্লিবা খোঙজেল হেনগৎলকপদা য়ুম্ফম ওইরগা শেমবনি‍। এস্পিরেস্নেল দিস্ত্রিক্তশিংগী দেল্তা রেঙ্কিং অমসুং দিস্ত্রিক্ত পুম্নমক্কী পর্ফোর্মেন্স চেম্পিয়ন্স ওফ চেঞ্জ দেসবোর্দতা ফংলি‍।

<><><><><>



(Release ID: 1823478) Visitor Counter : 79