য়ুমলৈ-কৈরৈ মন্ত্রালয়
পদ্ম এৱার্দ-২০২৩গী নোমিনেসন সেপ্তেম্বর ১৫, ২০২২ ফাওবা হাংলি
Posted On:
05 MAY 2022 3:26PM by PIB Imphal
রিপব্লিক দে, ২০২৩গী থৌরমদা লাউথোক্কদবা পদ্ম এৱার্দ ২০২৩গী ওনলাইন নোমিনেসন/ রিকমেন্দেসন মে ১, ২০২২দগী হাংদোকখ্রে। পদ্ম এৱার্দকী নোমিনেসন তৌনবগী অরোইবা তাং সেপ্তেমবর ১৫, ২০২২নি। পদ্ম এৱার্দকী নোমিনেসন/ রিকমেন্দেসন নেস্নেল এৱার্দ বোর্তেল https://awards.gov.in খক্তদা ওনলাইন্দা লৌশিনগনি।
পদ্ম এৱার্দশিং, মমিং ওইনা পদ্ম বিভুসন, পদ্ম ভুসন অমসুং পদ্ম শ্রী, হায়রিবশিং অসি লৈবাকসিগী খ্বাইদগী থাক ৱাংবা মীচম মীয়ামদা পীবা মনাশিংগী মনুং চল্লি। ১৯৫৪দা লিংখৎখিবা মনাশিং অসি চহি খুদিংগী রিপব্লিক দে থৌরমদা হেক হেক লাউথোকই। মনা অসি “তোপ তোপ্না তৌরকবা থবকশিং” শকখঙবা ওইনা পীবনি অমসুং মসি আর্ত, লিতরেচর অমসুং মহৈ মশিং, শান্ন-খোৎনবা, মেদিসিন, সোসিএল ৱর্ক, সাইন্স অমসুং ইঞ্জনিনিয়রিং, পব্লিক এফ্যার্স, সিভিল সর্ভিস, ত্রেদ অমসুং ইন্দস্ত্রীনচিংবা হীরমশিংদা তোপ তোপ্না অমদি ময়ামদগী শিংথানিংঙাই ওইনা মায় পাক্লকপা নৎত্রগা থবক তৌবগীদমক্তা লান্থোকপনি। ফুরূপ, শিনফম, ফম নৎত্রগা পা-পীগী খেন্নবা লৈতনা মীপুম খুদিংমক মনা অসি ফংবা য়াই। দোক্তর অমসুং সাইন্তিস্ত নত্তনা পি.এস.য়ু.শিং য়াওনা লৈঙাক্কী থবক তৌবা মীওইশিংদি পদ্ম এৱার্দ ফংবা য়াদে।
লৈঙাক অসিনা পদ্ম এৱার্দপু “মীয়ামগী পদ্ম” হায়না ওন্থোক্নবা ফিরেপ লৈ। মরম অসিনা মীপুম খুদিংদা মশানা মশাবু নোমিনেসন তৌজবা য়াওনা নোমিনেত/ রিকমেন্দ তৌরক্নবা খঙহল্লি।
নোমিনেসন/ রিকমেন্দেসন অদুদাৱারী লীবগী মওংদা ইবা সাইতেসন অমে (য়াম্লবদা ৱাহৈ ৮০০) য়াওরগা মথক্তা পল্লিবা পদ্ম পোর্তেলসিদা পীরিবা ফোর্মেত অসিদা পল্লিবা মরী লৈনবা ৱাফমশিংগী মচা খায়বা ৱারোলশিং য়াওগদবনি অমদি রিকমেন্দ তৌরক্লিবা মীওইদুনা হীরমদুদা তৌখিবা তোপ তোপ্পা অমসুং মশক থোকপা মায় পাকপা/থবকশিং ময়েক শেংনা পনগদবনি।
হোম এফ্যার্স মন্ত্রালয়না কেন্দ্রগী মন্ত্রালয়/ দিপার্তমেন্ত, স্তেত/য়ু.তি. লৈঙাকশিং, ভারত রত্ন অমসুং পদ্ম বিভুসন মনা ফংলবশিং, ইন্সতিত্যুৎ ওফ এক্সেলেন্সশিংদা নুপী, অশোনবা কাঙলুপ, এস.সি. অমসুং এস.তি.শিং, শোইনাইরবা মীওই অমসুং খুন্নাইগীদমক্তা ওইজবা থাদোক্তুনা থবক তৌরিবা মীওইশিংগী মশক থোকপা থবকশিং অমসুং মায় পাকপশিং মশক খঙদোক্নবা পুন্না হোৎনমিন্ননবা ৱাফম থম্লক্লি।
মসিগী মতাঙদা মখা তাবা অকুপ্পা ৱারোলশিং হোম এফ্যার্স মন্ত্রালয়গী ৱেবসাইত্তা (https://mha.gov.in) ‘এৱার্দ এন্দ মেদল্স’ হায়রিবা হেদিং অসিগী মখাদা অমসুং পদ্ম এৱার্দ পোর্তেল (https://padmaawards.gov.in ) দা ফংগনি। মনা অসিগা মরী লৈনবা চৎন-পথাপ অমসুং কাঙলোনশিং লিঙ্ক অসিদা পীরিবা ৱেবসাইত https://padmaawards.gov.in/AboutAwards.aspx অসিদা ফংবিগনি।
*****
(Release ID: 1823062)
Visitor Counter : 159