অৱাং নোংপোক লমদমগী চাউখৎ-থৌরাং মন্ত্রালয়
নোর্থ ইস্ত ফেস্তিবেল ২০২২না মীয়াম্না শরুক য়াদুনা হরাও-তয়াম্না গুৱাহাতীদা লোইশিনখ্রে
রাস্ত্রপতি শ্রী রাম নাথ কোবিন্দনা নোর্থ ইস্ত ফেস্তিবেল লোইশিনবগী থৌরমদা শরুক য়াখি
অৱাং নোংপোক লমদমগী চাউখৎ-থৌরাং হেনগৎহন্নবগী ৱাফম কয়াসু নোর্থ ইস্ত ফেস্তিবেল ২০২২গী মনুংদা খন্ন-নৈনখি
Posted On:
05 MAY 2022 12:42PM by PIB Imphal
রাস্ত্রপতি শ্রী রামনাথ কোবিন্দনা লো অমসুং জস্তিস মন্ত্রী, শ্রী কিরেন রিজিজু, শিপ্পিং মন্ত্রী, শ্রী সর্বানন্দ সোনোৱাল, অসমগী মুখ্য মন্ত্রী, শ্রী হিমন্তা বিস্বা সর্মা, দোনরগী এম.ও.এস., শ্রী বি.এল. ভর্মা অমদি অসম অমসুং নাগালেন্দগী রাজ্যপাল, শ্রী জগদিশ মুখীগুম্বা শক্নাইবা মীথুংলেন কয়াগা লোয়ননা ভেলেদিক্তরী থৌরমদা শরুক য়াখি।
অৱাং নোংপোক লমদমগী চাউখৎ-থৌরাং মন্ত্রী, শ্রী জি. কিশন রেদ্দীনা চাউরবা থৌরম অসিদা লাকখিবা মুখ্য মন্ত্রী অমসুং অতোপ্পা মীথুংলেনশিংবু তরাম্না ওক্লদুনা থৌরম অসিদা ঐখোয়গী রাস্ত্রপতি, শ্রী রামনাথ কোবিন্দনা শরুক য়াবসিদা য়াম্না চাউথোকচবগা লোয়ননা নুংঙাইবা ফাওই হায়না ফোংদোকখি।
থৌরম অসিবু ‘চাউখৎ-থৌরাংগী অনৌবা হৌরকফম অমসুং নোংঙাল্লমদাই’ হায়না কৌরদুনা, শ্রী রেদ্দীনা প্রধান মন্ত্রী, শ্রী নরেন্দ্র মোদীগী লুচিং মখাদা পাংথোক্লিবা ৱাখল্লোন, মিৎয়েং, হৈ-শিংবা অমসুং হোৎনজমনগী অসিগুম্বা মওংদা পুনবা অসিনা অৱাং নোংপোক লমদমগী চাউখৎ-থৌরাং অমসুং শাহৌ লৌবদা মখা তাবা থৌনা হাপকনি হায়না ফোংদোকখি।
অৱাং নোংপোক রাজ্যশিংদা অমৃত মহোৎসবকী হরাওবা ফোংদোকপগী থৌরম পাংথোক্লিবা অসিনা কেন্দ্র অমসুং রাজ্যনা লমদমসিগী মীয়ামগী য়াইফ-য়ুম্বালগীদমক্তা থম্মোই শেংনা হোৎনমিন্নবা অমসুং খোঙফম চেৎপগী খুদম অমনি হায়না শ্রী রেদ্দীনা ফোংদোকখি।
শান্ন-খোৎনবা হায়বসিনা লমদম অসিগী মীওইশিংগী থম্মোইগা য়াম্না নক্না মরী লৈনবা থৌওং ওইদুনা লাক্লি হায়না মন্ত্রী, শ্রী রেদ্দীনা ফোংদোকখি। ঐখোয়না সিক্কিমদা ‘দ্রগ চাবা মীওই লৈতবা খুন্নাই’ হায়বগী থীমদা য়ুম্ফম ওইদুনা ফুৎসাল তুর্নামেন্ত পাংথোকখি। চয়োল অমা চুপ্না চত্থবা রিজনেল স্পোর্ত মীত অমা মনিপুরদা পাংথোকখি। ফুৎবোল, বেদমিন্তন, আর্চরী অমসুং বোক্সিংগুম্বা তোঙানবা মশান্না কয়া য়াওদুনা, হায়রিবা স্পোর্ত মীত অসিবু মীয়াম্না, মরু ওইনা, য়ুবাশক্তীগী মরক্তা, য়াম্না পাম্নখি।
এন.ই.আর.দা লৌউ-শিংউ, থবক লৈহনবা, স্কিল দিভেলপমেন্ত, কন্নেক্তিবিতী অমসুং ইনফ্রাস্ত্রকচর, হকশেল অমসুং মহৈ মশিং য়াওবা সোসিএল সর্বিস অমসুং তুরিজম চাউখৎপগুম্বা মরু ওইবা হীরম কয়াগা লোয়ননা ইনফাস্ত্রকচর চাউখৎহনবগী হীরম কয়াদা মশক থোকপা অহোংবা অমা লাক্লে হায়না রাস্ত্রপতি, শ্রী রাম নাথ কোবিন্দনা থৌরম অসিগী মনুংদা ফোংদোকখি।
****
(Release ID: 1822897)
Visitor Counter : 133