অৱাং নোংপোক লমদমগী চাউখৎ-থৌরাং মন্ত্রালয়
নোর্থ-ইস্ত ফেস্তিবেলদা অজাদি কা অমৃৎ মহোৎসব পাঙথোক্লি
কলচর, তুরিজম অমসুং দোনরগী কেন্দ্র মন্ত্রী শ্রী জি. কিসন রেদ্দী নুমিৎ নিনিগী খোঙচত্তা মনিপুরদা হয়েং লাক্কনি
Posted On:
01 MAY 2022 4:40PM by PIB Imphal
নোর্থ-ইস্ত ফেস্তিবেলদা অজাদি কা অমৃৎ মহোৎসব পাঙথোক্লিবসিগী শরুক অমা ওইনা কলচর, তুরিজম অমসুং দোনরগী কেন্দ্র মন্ত্রী শ্রী জি. কিসন রেদ্দী মনিপুরদা লাক্কদৌরি। মে ২গী নুংথিল পুং ৩:২০ তাবা মতমদা খুমন লমপাক্তা আই.এস.তি.তি. মন্ত্রীনা ভর্চুএল ওইনা শঙ্গাগনি। শ্রী জি.কে. রেদ্দীনা খুমন লমপাক্তা লৈবা স্পোর্তস য়ুনিভর্সিতীগী তেম্পররী কেম্পসতা চত্তুনা নুংথিল পুং ৪:৩০ তাবা মতমদা য়ুনিভর্সিতী অদুগী মহৈরোয়শিংগা ৱারী ৱাতায় শানগনি। তুংদা মহাক্না ফুতবোল ফাইনেল মেতচ অমসুং কলচরেল থৌরমশিং মীৎয়েঙ তাগনি। নুমিদাংৱাইরমদা মহাক্না স্তেত অসিগী মুখ্য মন্ত্রী শ্রী এ. বিরেনগা উনগনি।
মে ৩গী অয়ুক পুং ৮:০৫ তাবা মতমদা কেন্দ্র মন্ত্রীনা ইম্ফালগী পি.এম. কলেজ কেম্পসতা বেদমিন্তন তুর্নামেন্ত হৌদোক্কনি। পুং ৯:৩০ তাবা মতমদা শ্রী রেদ্দীনা মোইরাংগী লোক্তাক পাত্তা পায়খৎলিবা তুরিজম প্রোজেক্তশিংগী ফীভম য়েংশিনগনি। তুংদা মহাক্না আই.এন.এ. ম্যুজিয়মদা পায়খৎলিবা কলচরেল প্রোজেক্তশিংগী ফীভম য়েংশিনগনি।
মদুগী মতুংদা কেন্দ্র মন্ত্রী গুৱাহাতিগীদমক ইম্ফাল থাদোকখিগদবনি।
থৌরম অসি এপ্রিল ২৮ ২০২২দগী মে ৪ ২০২২ ফাওবা অৱাং নোংপোক স্তেত নিপান শিনবা থুংনা পাঙথোক্লিবা অজাদি কা অমৃৎ মহোৎসব: নোর্থ ইস্ত ফেস্তিবেলগী শরুক অমনি। মসি দোনর মন্ত্রালয়না “ঐখোয় কনাদগীসু হন্থদে” হায়বা ৱাখল্লোন্দা য়ুম্ফম ওইরবা পাঙথোকপনি। ভারতনা হৌজিক মহাক্কী নীংতমবগী ৭৫শুবা কুমওন, মহাক্কী মতিং লৈরবা পুৱারী, মীয়াম, নাৎ অমসুং মায় পাকপশিংবু নীংশিংদুনা থৌরম পাঙথোক্লি অমদি অজাদি কা অমৃৎ মহোৎসব মনুংসিদা মন্ত্রালয়না অৱাং-নোংপোক লমদমগী ফজবা অমসুং তোঙান তোঙানবা হীরমশিংদা মফমসিগী মায় পাকপশিং কুমহৈ অসিদা উত্থোক্লি। হৌজিক চত্থরিবা কুমহৈ অসিগী মনুং চন্না অৱাং নোংপোক স্তেশিংগী কোনুং ময়োল্লমশিংদা খেন্নবা থীমশিংদা য়ুম্ফম ওইরগা মান্নবা থৌরম কয়া পাঙথোক্লি।
*****
(Release ID: 1821832)
Visitor Counter : 149