ত্রাইবেল এফিয়র্সকী কেন্দ্রগী মন্ত্রী, অর্জুন মুন্দানা চয়োল অসিদা নুমিৎ-নিনিগী ওফিসিএল ওইবা খোঙচৎতা নাগালেন্দ চৎখ্রে।

মহাক্কী খোঙচৎ মনুংদা, কেন্দ্রগী মন্ত্রী অর্জুন মুন্দানা ময়াম পুম্নমকপু শরুক য়ানবগী পুক্নিং থৌগৎনবা অমসুং ত্রাইবেলশিংদা শান্ন-খোৎনবদা মকোক থোংনবগী পুক্নিং থৌগগৎনবা, নাগালেন্দগী দিমাপুরদা ‘কুদো স্পোর্তস কমপ্লেক্স’শঙ্গাখ্রে। কমপ্লেক্স অসিগী লিংখৎনবগী ফন্দ অসি ত্রাইবেল এফিয়র্সকী কেন্দ্রগী মন্ত্রালয়না তৌখিবনি।

মহাক্কী খোঙচৎকী অহানবা নুমিৎতা, কেন্দ্রগী মন্ত্রীনা কোহিমা ভিলেজ মল্তিপর্পজ কম্ম্যুনিতী বিল্দিংগী উরেপ উয়ুংসু তমখি। কম্ম্যুনিতী বিল্দিং অসিনা খুঞ্জাশিংগী পুন্সি মহিং ফগৎহনবদা মতেং ওইরগনি।

মহাক্কী খোঙচৎকী অনিশুবা নুমিৎতা, কেন্দ্রগী মন্ত্রীনা নাগালেন্দগী কিফিরেদা, হায়রিবা অসিনা ত্রাইবেলগী মহৈরোইশিংদা অফবা মহৈ-মশিং ফংহনবদা মতেং ওইরগদবা একলব্যা মোদেল রেসিদেন্সিএল স্কুলগী উরেপ উয়ুং তমখি। কিফিরেদা লোকেলগী এদমিনিস্ত্রেসনশিংগা লোয়ননা পাংথোকপা রিভ্যু মিতিংদা ৱা ঙাংলদুনা শ্রী অর্জুন মুন্দানা হায়খি মদুদি মাইকৈ খুদিংদা চাউখৎ থৌরাং লৈগদবনি অমসুং লৈবাক পুম্নমক্কী ওইনা চংশিল্লিবা চাউখৎ থৌরাংদা খ্বায়দগী শোৎথরবা দিস্ত্রীক্তশিং চাউখৎহন্নবগী পান্দম অমগা লোয়ননা প্রধান মন্ত্রী শ্রী নরেন্দ্র মোদীগী মিৎয়েং মখাদা এস্পিরেস্নেল ওইবা দিস্ত্রীক্তশিং মশক খঙদোকখ্রে।  

শ্রী অর্জুন মুন্দানা কিফিরেগী দিপুতী কম্মিসনর শ্রী তি. ৱাতি অয়র অমসুং অতৈ ওফিসিএলশিংগা লোয়ননা হৌজিক নাগালেন্দগী কিফিরে দিস্ত্রীক্তা চৎথরিবা ইনফ্রাস্ত্রকচরী প্রোজেক্তশিং অমসুং পায়খৎকদৌরিবা চাউখৎ থৌরাংগী থবকশিং মতাংদা ফম্বা রিভ্যু মিতিং অমদা ময়াই তাংবলসু লৌখি।

কেন্দ্রগী মন্ত্রীনা কোহিমা সাইন্স কোলেজনা শিনবা থাগৎপা ফোংদোকপা থৌরম অমদসু শরুক য়াখি অমসুং নাগালেন্দগী, য়োৎসমাদা কোহিমা সাইন্স কোলেজকী অফবা মহৈরোইশিংগা উনখি। ইন্সতিত্যুৎ অসিদা তম্লিবা মহৈরোই অয়াম্বা ত্রাইবেল এফিয়র্স মন্ত্রালয়গী স্কোলার্শিপকী বেনিফিসরীশিং ঙাক্তনি।

মন্ত্রী অসিনা ‘কোহিমা ৱার সিমিত্রি’সু চৎখি, ১৯৪৪গী এপ্রিলদা নাগালেন্দগী কোহিমাদা মালেমগী অনিশুবা লালগী মনুংদা থৱায় থাখিবা লান্মীশিংদা দেদিকেত তৌখি। 

*****