খুমাঙ চাওশিনবা ভারতকি অথোইবা চহি ৭৫, মসিগী ইনাক খুল্লবা পুৱারী, নাৎ অমসুং মায় পাকপশিং হরাও তয়াম্না পাঙথোক্নবগীদমক ভারত লৈঙাক্কী থৌরাং অমা ওইরিবা অজাদি কা অমৃৎ মহোৎসবকী শরুক অমা ওইনা “কিসান ভাগিদারি প্রথমিক্তা হমারি” কেম্পেন ২৫.০৪.২২দগী ৩০.০৪.২০২২ ফাওবা পাঙথোক্লি‍।

কেম্পেন অসিগী শরুক অমা ওইনা, ফুদ প্রোসেসিং ইন্দস্ত্রিজ মন্ত্রালয়না প্রধান মন্ত্রী ফোর্মেলাইজেসন ওফ মাইক্রো ফুদ প্রোসেসিং এন্তরপ্রাইজেজ (পি.এম.এফ.এম.ই.) স্কিমগী মখাদা জম্মু অমসুং কাস্মিরগী কিস্ত্বর দিস্ত্রিক্তা ৱালনৎ প্রোসেসিং অমসুং ভেল্যু এদিসনগী মতাঙদা ও.দি.ও.পি.দা য়ুম্ফম ওইবা ৱর্কসোপ পাঙথোক্লি‍।

থৌরম অদু শ্রী অসোক কুমার শর্ম, দিপুতী কম্মিস্নর, কিস্ত্বরনা হৌদোকখি‍। ও.দি.ও.পি. ৱর্কসোপনা ফুদ-তেক স্তেকহোল্দর পুম্নমক্কী মফমদা ফুদ প্রোসেসিংগী মতাঙদা নৌনা থোরক্লিবা মওং মতৌশিং অমসুং কিস্ত্বর দিস্ত্রিক্তা ৱালনৎ প্রোসেসিংগী তেক্নোলোজিকেল ইনোভেসনগী মতাঙদা খঙহন্নবা অমদি খন্ন-নৈননবা ফম্পাক অমা শেমগৎপগী পান্দমদা পাঙথোকপনি‍।

শ্রী বিসেস পোল মহাজন, দাইরেক্তর, হোর্তিকলচর (প্লান্নিং এন্দ মার্কেতিং) জম্মু অমসুং কাস্মিরনা হৌদোক ৱারোল পীখি‍। মহাক্না মাইক্রো ফুদ প্রোসেসিং সেক্তরবু ভারতকী শেন্মিৎলোন মমায় চুমবদা মরু ওইরিবা অমদি পি.এম.এফ.এম.ই. স্কিমগী খুত্থাঙদা লৈঙাক্না ভারত্তা ফুদ প্রোসেসিং পুক্নিং থৌগৎনবা হোৎনরিবশিংগী মরমদা মচং ওইবা ৱাফম কয়া ফোঙদোকখি‍। থৌরম অদু শ্রী সুনিল সিংহ, দিস্ত্রিক্ত নোদেল ওফিসর, কিস্ত্বরনা ৱাতেমখি‍।

ৱর্কসোপ অদুদা মমিং লৈরবা ইন্দস্ত্রী ৱাঙাঙলোয়শিংনা মাইক্রো এন্তরপ্রাইজশিংগী মরমদা অমদি লৌমীশিংনা মখোয়গী লমদা ৱালনৎনা শাবা পোত্থোকশিং পুথোক্লমবদগী মালেমগী থাক্তা চাওখৎলক্নবগী লম্বীশিংগী মরমদা ৱা ঙাঙখি‍।

মশক নাইরবা ৱাঙাঙলোয়শিংগী মরক্তা শ্রী অসোক কুমার শর্ম, দিপুতী কম্মিস্নর, কিস্ত্বর, দোক্তর ব্রিজ পোল এস.এম.এস. (পি.পি.) দিপার্তমেন্ত ওফ হোর্তিকলচর, কিস্ত্বরনা দিস্ত্রিক্ত অদুদা ও.দি.ও.পি.গী কান্নবশিংগী মরমদা ৱা ঙাঙখি‍। থৌরমদুদা ৱা ঙাঙলদুনা দিপুতী কমিস্নর কিস্ত্বরনা হৈকোল তৌরিবা/লৌমীশিংনা থোরক্তুনা মখোয়গী শেন্থোক হেনগৎহন্নবগীদমক দিপার্তমেন্তশিংগী স্কিমশিং পায়খৎপদা মাঙজিল থানা থবক তৌনবা ৱাফম থমখি‍। দিপুতী কমিস্নর কিস্ত্বরনা দিস্ত্রিক্ত অদুদা “মন্দি’ মোদেল শেমগৎনবা দিস্ত্রিক্ত এদমিনিস্ত্রেসন্না থবক পায়খৎলি হায়নসু পাউদমখি‍। পোত্থোকশিং থেন্দুনা থম্নবা অমদি য়োন্নবা কমন ওইবা ফম্পাক অমা ওইগদবা অমদি লৌমীশিংগী লৈবাক্কী থাক্তা চঙশিনবা ঙম্নবা মন্দি শেমগৎনবা দিস্ত্রিক্ত অদুগী নেস্নেল হায়ৱেগী নাকনদা কনাল ৫০গী লমসু মশক খঙদোক্তলে হায়নসু মহাক্না পাউদমখি‍।

মিস্তর খালিদ মলিক, জেনেরেল মেনেজর, দি.আই.সি., কিস্ত্বরনা “মাইক্রো এন্তরপ্রাইজশিংগী লৈরিবা খুদোংচাবশিং অমসুং তেক্নোলোজী”গী মতাঙদা সেসন অমসু পাঙথোকখি‍।

দোক্তর সয়েদ জমীর হুসেন, হেদ, দিভিজন ওফ ফুদ সাইন্স এন্দ তেক্নোলোজী, এস.কে.য়ুঊ.এ.এস.তি.-কে.না জম্মু অমসুং কাস্মিরদা, মরুওইনা কিস্ত্বর দিস্ত্রিক্তা ৱালনৎ প্রোসেসিং অমসুং ভেল্যু এদিসনগী মীৎয়েঙ অমসুং তুংগী লাল্লোং” হায়বসিদা সেসন অমা পাঙথোকখি‍।

কিসান ভাগিদারি প্রথমিক্তা হমারি কেম্পেনগী মখাদা পাঙথোক্লিবা ও.দি.ও.পি. ৱর্কসোপ অসি হৌজিক লৈরিবা ফীভমসিদা মখোয়গী ৱালনৎ প্রোসেসিংগী ফুদ বিজিনেস চাওথোকহন্নবগদমক জম্মু অমসুং কাস্মিরগী কিস্ত্বর দিস্ত্রিক্তকী লৌমীশিংদা নীংথিনা খঙলবা মতুংদা ফিরেপ অমা লৌজবা ঙম্নবা তাকপি তমবিনবা অমদি লমজিং পীননবা মশক নাইরবা ইন্দস্ত্রী এক্সপর্তশিংগী ঙাক্লৌগা লোয়ননা ফুদ প্রোসেসিং মন্ত্রালয়না পায়খৎবা থৌরাং অমনি‍।

মমিং লৈরবা ৱাঙাঙলোয় কয়ানা শরুক য়াবগী মথক্তা, থৌরম অদুদা য়ু.তি. অসিগী মফম শিনবা থুংবদগী লৌমী অমসুং হৈকোল তৌরিবা মীওই ৩০০লোম, লৈঙাক্কী ওফিসিএলশিং অমসুং ফুদ প্রোসেসিং মাইক্রো এন্তরপ্রাইজশিংনা শরুক য়াখি‍। থৌরমদু লাইব ওইনা উত্তুনা স্তেকহোল্দর পুম্নমক্না পাক শন্না শরুক য়াখি‍।

পি.এম.এফ.এম.ই. স্কিমগী মরমদা:

আত্মনিরভর ভারত অভিয়ানগী মখাদা হৌদোকখিবা প্রধান মন্ত্রী ফোর্মেলাইজেসন ওফ মাইক্রো ফুদ প্রোসেসিং এন্তরপ্রাইজেজ (পি.এম.এপ.এম.ই.) স্কিম অসি ফুদ প্রোসেসিং ইন্দস্ত্রীগী অনওর্গনাইজ সেক্তরদা লৈরিবা লনাই মাইক্রো-এন্তরপ্রাইজশিংগী মরক্তা হিদান্নবা হেনগৎহন্নবা, অমদি সেক্তর অসিবু ফোর্মেলাইজ তৌনবা অমসুং ফার্মর্স প্রদ্যুসর ওর্গনাইজেসনশিং, সেল্ফ হেল্প গ্রুপশিং, অমসুং প্রদ্যুসর্স কোওপরেতিবশিংদা মখোয়গী ভেল্যু চেন পুম্নমক্তা ঙাক্লৌ পীননবা পান্দমদা পায়খৎপা সেন্ত্রেল্লী স্পোন্সর স্কিম অমনি‍। ২০২০-২১দগী ২০২৪-২৫ ফাওবা চহি মঙাগী মতমগী ওইনা লুপা করোর ১০,০০০গী শেনফমগা লোয়ননা স্কিম অসিনা মাইক্রো ফুদ প্রোসেসিং য়ুনিৎ ২,০০,০০০দা লৈরিবা মাইক্রো ফুদ প্রোসেসিং এন্তরপ্রাইজশিং পাকথোক চাউথোকহন্নবগীদমক শেলথুমগী, তেক্নিংকেল অমসুং লল্লোন ইতিক্কী লমদা হকথেংননা মতেং পীননবা মীৎয়েঙ থম্লি‍।

অহেনবা অকুপ্পা মরোলগীদমক চঙবিয়ু: https://pmfme.mofpi.gov.in/pmfme/#/Home-Page

****