ଅର୍ଥ ମନ୍ତ୍ରଣାଳୟ
୧୪୩ପ୍ରକାର ସାମଗ୍ରୀ ଉପରେ ଜିଏସ୍ଟି ହାର ବୃଦ୍ଧି ସଂକ୍ରାନ୍ତ ବିଭ୍ରାନ୍ତିକର ଖବର ସମ୍ପର୍କରେ ସ୍ପଷ୍ଟୀକରଣ
Posted On:
25 APR 2022 8:19PM by PIB Bhubaneshwar
ନୂଆଦିଲ୍ଲୀ, ୨୫ ।୪(ପିଆଇବି) କେତେକ ଗଣମାଧ୍ୟମରେ ପ୍ରକାଶ ପାଇଛି ଯେ ୧୪୩ ପ୍ରକାର ସାମଗ୍ରୀର ଜିଏସ୍ଟି ହାର ବଢାଇବାକୁ ରାଜ୍ୟ ସରକାରମାନଙ୍କଠାରୁ ମତାମତ ମଗାଯାଇଛି । କିଛି ଗଣମାଧ୍ୟମ ମଧ୍ୟ ଏସବୁ ସାମଗ୍ରୀର ସଂଖ୍ୟା ଓ ବର୍ଣ୍ଣନା ଉପସ୍ଥାପନ କରିଛନ୍ତି । ତେବେ ସରକାରୀ ଭାବେ ସ୍ପଷ୍ଟ କରାଯାଇଛି ଯେ ଏହି ସମ୍ବାଦ ବିଭ୍ରାନ୍ତିକର ଏବଂ ଏଥିରେ କୌଣସି ସତ୍ୟତା ନାହିଁ । ଦ୍ରବ୍ୟ ଓ ସେବାକର (ଜିଏସ୍ଟି) ହାର ବୃଦ୍ଧି ପାଇଁ ରାଜ୍ୟ ସରକାରମାନଙ୍କ ମତାମତ କର୍ତ୍ତୃପକ୍ଷ ମାଗିନାହାନ୍ତି । ଏହା ଏକ ମନଗଢା ଖବର ଏବଂ ଏଥିରେ ପରିବେଶିତ ତଥ୍ୟ ଅସତ୍ୟ ।
ଜିଏସ୍ଟି ପରିଷଦ ଏହାର ୪୫ତମ ବୈଠକରେ ଟିକସହାରକୁ ଯୁକ୍ତିଯୁକ୍ତ କରିବା ପାଇଁ ଏକ ମନ୍ତ୍ରିସ୍ତରୀୟ ଗୋଷ୍ଠୀ ଗଠନ କରିଥିଲା । ଏହି ଗୋଷ୍ଠୀ ସମ୍ପୃକ୍ତ ପ୍ରସଙ୍ଗ ଉପରେ ବିଚାର ଆଲୋଚନା ଜାରି ରଖିଛି । ୨୦୨୧ ସେପ୍ଟେମ୍ବରରେ ଏହି ମନ୍ତ୍ରିସ୍ତରୀୟ ଗୋଷ୍ଠୀ ଗଠନ ହେବା ପରେ ବ୍ୟବସ୍ଥା ମୁତାବକ ଜିଏସ୍ଟି ଟିକସ ହାରର ଯୁକ୍ତିଯୁକ୍ତକରଣ ନେଇ ରାଜ୍ୟମାନଙ୍କର ମତାମତ ମଗାଯାଇଛି । ଏହା ଏକ ଅନୁସ୍ରୁତ ପନ୍ଥା ଓ ବ୍ୟବସ୍ଥା । ଏଥିରେ ଟିକସ ହାର ବୃଦ୍ଧି ନେଇ କୌଣସି ପ୍ରସଙ୍ଗ ନାହିଁ । ସମ୍ପୃକ୍ତ ମନ୍ତ୍ରୀଗୋଷ୍ଠୀ ମଧ୍ୟ ଏହାର ରିପୋର୍ଟ ଏଯାଏ ଜିଏସ୍ଟି କାଉନସିଲକୁ ଦେଇନାହିଁ ବୋଲି ଏହି ସ୍ପଷ୍ଟୀକରଣରେ କୁହାଯାଇଛି ।
****
TKM/ SLP
(Release ID: 1820061)
Visitor Counter : 163