কম্যুনিকেসন অমসুং ইনফোর্মেসন তেক্নোলোজী মন্ত্রালয়
শ্রী অস্বিনি ভৈস্নবনা কম্ম্যুনিকেসন মন্ত্রালয়গী ইন্তরনেস্নেল দে ওফ য়োগ (আই.দি.ৱাই.) ২০২২গী কাউন্তদাউন প্রোগ্রাম লুচিংলি
পোস্ত ওফিস ৫০,০০০দগী গ্রামিন দাক সেৱক য়াওনা পোস্তেল স্তাফ লাখ ২ হেনবনা দিজিতেল ওইনা শরুক য়ারি
Posted On:
25 APR 2022 2:31PM by PIB Imphal
দিপার্তমেন্ত ওফ পোস্ত, মিনিস্ত্রী ওফ কম্ম্যুনিকেসন্না এপ্রিল ২৫, ২০২২দা পাঙথোক্কদৌরিবা ইন্তর্নেস্নেল দে ওফ য়োগ (আই.দি.ৱাই.) ২০২২গী কাউন্তদাউন থৌরম পাঙথোক্লি। কম্ম্যুনিকেসনগী মন্ত্রী শ্রী অস্বিনি ভৈস্নব অমসুং কম্ম্যুনিকেসনগী রাজ্য মন্ত্রী শ্রী দেবুসিন্হ চৌহান (গুজরাৎকী নাদিয়ারদগী দিজিতেও ওইনা শরুক য়ারকপা) লোয়ননা সেক্রেতরী (পোস্ত), সেক্রেতরী (তেলিকম্ম্যুনিকেসন), দাইরেক্তর জেনেরেল (পোস্তেল সর্ভিসেস)না থৌরমসিদা শরুক য়ারি। মপুং ওইবা থৌরম দিপার্তমেন্ত ওফ পোস্ত (দি.ও.পি.) অমসুং দিপার্তমেন্ত ওফ তেলিকম্ম্যুনিকেসনগী (দি.ও.পি.)ওফিসর ১৫০রোমগা লোয়ননা এম.ও.সি. মশামক শরুক য়াদুনা নই দিল্লীগী তালকতোরা স্তেদিয়মদা পাঙথোকখি।
মপুং ওইবা থৌরমদা পোস্ত ওফিস ৫০,০০০দগী গ্রামিন দাক সেৱক য়াওনা পোস্তেল স্তাফ লাখ ২ হেনবনা দিজিতেল ওইনা শরুক য়াখি। স্তেচু ওফ য়ুনিতী, কেৱরিয়া, গুজরাৎ, সন তেম্পল, কোনার্ক, ওরিসা, ফ্লোতিং পোস্ত ওফিস, শ্রীনগর, কাস্মির, চিত্তোর্গর ফোর্ত, রাজস্থান, বিবেকানন্দ মেমোরিএল রোক, কন্যাকুমারি (তামিল নাদু) সাঞ্চি (এম.পি.)নচিংবা ভারত পুমবগী মফমদগী পোস্তেল স্তাফশিংনা থৌরমদুদা শরুক য়াখি। থৌরম অদু ভারত ভি.সি., এন.আই.সি., ৱেবকাস্ত অমসুং য়ুত্যুব লাইবকী খুত্থাঙদা লাইব ওইনা শন্দোকখি। পুং অমগী য়োক থৌরম অদু অয়ুক পুং ৭:৩০দগী অয়ুক পুং ৮:৩০ ফাওবা পাঙথোকখি।
কম্ম্যুনিকেসনকী মন্ত্রী শ্রী অস্বিনি ভৈস্নবনা কাউন্তদাউন থৌরম অদুবু লাক্কদৌরিবা ইন্তরনেস্নেল য়োগ দে ২০২২ হৌদোকপগী থৌরম অমা ওইনা শিংথাখি। য়োগগী মরমদা মীয়ামদা পাক শন্না খঙহন্নবগী পাম্বৈ ওইরিবা অসিগুম্বা য়োগগী থৌরমশিংগী মরুওইবা অমদি মসিবু ঐখোয়গী পুন্সিগী শরুক অমা ওইহনবগী তঙাই ফদবা ৱাফম থমখি। পোস্তমেন অমসুং জি.দি.এস. স্তাফশিং মশা মউ ফনা লৈনবা অমদি পোস্তে দিপার্তমেন্তকী য়াইফনবগীদমক থবক তৌবা ঙম্নবা চাং নাইনা য়োগ ত্রেনিং পাঙথোক্নবা ৱাফম মন্ত্রীনা থমখি। অদুগা লাক্কদৌরিবা থা অনিসিদা পোস্ত ওফিসতা লাক্লিবা মীয়ামদা য়োগ অমসুং মসিগী কান্নবশিংগী মরমদা খঙহনগদবনি হায়না মহাক্না মখা তাখি।
কম্ম্যুনিকেসনগী রাজ্য মন্ত্রী, শ্রী দেভুসিন্হ চৌহান্না মহাক্কী ৱারোলদা ঐখোয়গী হকচাঙ ফনবখক্কী নত্তনা পুক্নিং অমসুং ৱাখল ফনা থমবদসু য়োগগী মরুওইবা ৱাফমশিং থমখি। মহাক্না পি.এম.বু ভারতকী নাৎ অমুক হিংগৎহনবা অমসুং ভারত মচাশিংগী ঐখোয়নী ইনাক খুল্লবা নাৎকী লনশিংদা চাউথোকচবা ফাওহনবগীদমক্তা থাগৎখি।
মাঙজৌননা পাবগী মতুং ইন্না, মফম ৩০,০০০ হেনবদা পোস্তেল এমপ্লোয়ী লাখ কয়ানা দিজিতেল ওইনা শরুক য়াদুনা, কম্মন য়োগ প্রোতোকোল পাঙথোক্কনি অমদি য়োগগী মরমদা অমদি মসিগী কান্নবা খুন্নাইদা খঙহন্নবা ৱাশক লৌগনি।
#YogaWithIndiaPost
থৌরম:
সন তেম্পল কোনার্ক, ওরিসাদা ইন্তরনেস্নেল দে ওফ য়োগ (আই.দি.ৱাই. ২০২২গী কাউন্তদাউন থৌরম পাঙথোকপা
স্তেচু ওফ য়ুনিভর্সিতী, গুজরাত্তা ইন্তরনেস্নেল দে ওফ য়োগ (আই.দি.ৱাই. ২০২২গী কাউন্তদাউন থৌরম পাঙথোকপা
সাঞ্চি, মধ্য প্রদেশতা ইন্তরনেস্নেল দে ওফ য়োগ (আই.দি.ৱাই. ২০২২গী কাউন্তদাউন থৌরম পাঙথোকপা
নেহরু পার্ক, ফ্লোতিং পোস্ত ওফিস, স্রিনগরদা ইন্তরনেস্নেল দে ওফ য়োগ (আই.দি.ৱাই. ২০২২গী কাউন্তদাউন থৌরম পাঙথোকপা
চিত্তোরগর ফোর্ত, রাজস্থান্দা ইন্তরনেস্নেল দে ওফ য়োগ (আই.দি.ৱাই. ২০২২গী কাউন্তদাউন থৌরম পাঙথোকপা
**********
(Release ID: 1819844)
Visitor Counter : 155