نوجوانوں کے امور اور کھیل کود کی وزارت
رنگا رنگ تقریب کے ساتھ کھیلو انڈیا یونیورسٹی گیمز 2021 کا افتتاح
نائب صدر جمہوریہ نے زمینی سطح پر کھیلوں کی سرگرمیوں کی حوصلہ افزائی کرنے پر زور دیا
ہمارے دیہی اور مقامی کھیلوں کے تحفظ اور فروغ کو اولین ترجیح دی جانی چاہئے: جناب ایم وینکیا نائیڈو
وبائی مرض کے چیلنجز کے درمیان کھیلوں کا انعقاد نئے بھارت کے عزم اور جنون کا اظہار ہے۔ یہ جنون بھارت کو ہر میدان میں نئی رفتار عطا کر رہا ہے: وزیراعظم
ایماندارانہ نظریہ اور 100 فیصد دلجمعی کھیل اور زندگی میں کامیابی کے کلیدی تقاضے ہیں: جناب نریندر مودی
Posted On:
24 APR 2022 8:40PM by PIB Delhi
نائب صد رجمہوریہ ہند جناب ایم وینکیا نائیڈو نے آج بنگلورو میں کھیلو انڈیا یونیورسٹی گیمز 2021 کی شروعات کا اعلان کردیا۔ وزیراعظم جناب نریندر مودی نے افتتاحی تقریب کے دوران ورچوئل طریقے سے کھیلو انڈیا یونیورسٹی گیمز کے افتتاح پر اپنا پیغام شیئر کیا۔
اس موقع پر کرناٹک کے گورنر کے جناب تھاور چند گہلوت ، وزیراعلیٰ جناب بسو راج بومئی، امور نوجواں اور کھیل کے مرکزی وزیر جناب انوراگ سنگھ ٹھاکر ، امور نوجواں اور کھیل کے وزیر مملکت جناب نتیش پرمانک، اسپورٹ کی سکریٹری محترمہ سجاتا چترویدی بھی موجود تھی۔
اس موقع پر بولتے ہوئے نائب صدر جمہوریہ جناب ایم وینکیا نائیڈو نے گاؤں کی سطح تک کھیل سے متعلق سرگرمی کی حوصلہ افزائی کرنے پر زور دیا۔ انہو ں نے مرکز ، ریاست اور مقامی ادارو ں کی مشترکہ کوششوں سے زمینی سطح پر کھیل سے متعلق بنیادی اور ضروری ڈھانچے تیار کرنے کی اپیل کی۔ انہوں نے کہا کہ اس قسم کی مشترکہ کوششو ں سے ہندوستان کی کھیل سے متعلق صلاحیتوں کو نئی بلندی حاصل ہوگی۔ نائب صدر جمہوریہ نے کالج کے داخلوں میں کھلاڑیوں کو کچھ اضافی نمبرات دینے اور متعدد محکموں میں انہیں پروموشن دینے کی بھی اپیل کی۔ انہوں نے کہا کہ ‘‘اس قسم کی ترغیب سے ملک میں کھیلوں کی حوصلہ افزائی کرنے میں کافی مدد ملے گی’’۔
نائب صد رجمہوریہ نے اپنی جڑوں کی جانب لوٹنے کی اپیل کی اور تمام متعلقین سے کہا کہ وہ ہمارے دیسی اور دیہی اور کھیلوں کو ترجیح دیں۔ انہوں نے اس بات پر خوشی کا اظہار کیا کہ کھیلو انڈیا کے اس ایڈیشن میں 20 قسم کے کھیلوں میں پہلی بار ‘یوگاسن’ اور ‘ملکھمب’ جیسے دیسی کھیلوں کو شامل کیا جا رہا ہے۔ انہوں نے کہا کہ ‘‘ ہمارے دیہی اور دیسی کھیلوں کو محفوظ کرنے اور انہیں فروغ دینے کے لئے یہ انتہائی ضروری ہے، کیونکہ ان کھیلوں کی جڑیں ہماری راویت میں پیوستہ ہیں اور ہمارے ثقافتی ورثے کا حصہ ہیں۔’’
وزیراعظم نے اپنے پیغام میں کہا کہ بنگلورو ملک کے نوجوانوں کے حوصلے کی ترجمانی کرتا ہے اور پیشہ وروں کا فخر ہے۔ انہوں نے کہا کہ اسٹارٹ اپس اور کھیلوں کا یہاں ایک ساتھ منعقد ہونا کافی اہمیت رکھتا ہے۔ انہوں نے کہا کہ ‘‘بنگلورو میں کھیلو انڈیا یونیورسٹی گیمز منعقد کرنے سے اس خوبصورت شہر کی توانائی میں اضافہ ہو گا۔’’ وزیراعظم نے وبائی مرض کے چیلنجز کے درمیان ان کھیلوں کو منعقد کرنے پر منتظمین کے حوصلے کو سلام کیا اور کہا کہ یہ ان کے عہد اور جنون کی ترجمانی کرتا ہے۔ وزیراعظم نے مزید کہا کہ یہی جنون نئے بھارت کو ہر میدان میں نئی رفتار عطا کر رہا ہے۔
وزیراعظم نے ٹیم کے جذبے کو کامیابی کا پہلا منتر قرار دیا۔ وزیراعظم نے کہا کہ ‘‘ہمیں ٹیم کا یہ جذبہ کھیلوں سے سیکھنے کو ملتا ہے۔ آپ اس کا تجربہ کھیلو انڈیا یونیورسٹی گیمز میں براہ راست کریں گے۔ ٹیم کا یہ جذبہ ہمیں زندگی کو ایک نئے نظریئے سے دیکھنے کا موقع بھی عطا کرتا ہے۔’’ اسی طرح ایماندارانہ نظریہ اور 100 فیصد دلجمعی کھیلوں میں کامیابی کے کلیدی تقاضے ہیں۔ کھیل کے میدان سے حاصل ہونے والی طاقت اور سیکھا جانے والا سبق ہمیں زندگی میں آگے لے جاتا ہے۔ جناب مودی نے زور دے کر کہا کہ ‘‘ کھیل حقیقی معنوں میں زندگی کا اصلی امدادی نظام ہے۔’’ اس کے علاوہ وزیراعظم نے کھیلو ں اور زندگی کےد رمیان موجود بہت سی مماثلتوں کا بھی ذکر کیا ، جیسے کہ جنون، چیلنج، شکست سے سبق حاصل کرنا، ہر لمحہ یکجہتی اور زندگی کو جینے کی صلاحیت وغیرہ ۔ انہوں نے کہا کہ ‘‘جیت کو صحیح طریقہ سے اپنانا اور شکست سے سبق حاصل کرنا ایک اہم ہنر ہے، جوہم کھیلوں کے میدان سے سیکھتے ہیں۔’’
ہندوستان کی ٹیکنالوجی کی راجدھانی بنگلورو میں تقریبا 4000 کھلاڑیوں کا استقبال کرتے ہوئے کرناٹک کے وزیراعلیٰ جناب بسو راج بومئی نے کہا کہ ‘‘بنگلورو میں کھیلو انڈیا یونیورسٹی گیمز (کے آئی یو جی) 2021 منعقد کرنا ہمارے لئے خوشی اور فخر کی بات ہے۔ یہ ہمارے لئے مزید خوشی کی بات ہے کہ عزت مآب نائب صدر جمہوریہ ہند جناب وینکیا نائیڈو اور امور نوجواں اور کھیل کے مرکزی وزیر جناب انوراگ ٹھاکر بنگلورو میں اتنے اہم ٹورنامنٹ کی افتتاحی تقریب میں ہمارے ساتھ شامل ہوئے۔ کے آئی یو جی – 2021 ہمیں اپنی مہمان نوازی ثابت کرنے اور اپنے ملک اور ثقافت کی قومی سالمیت کو برقرار رکھنے کے ہمارے عزم کو ثابت کرنے کا ایک بڑا حصہ ہے۔ وزیراعظم نریند رمودی نے کھیلو انڈیا کے اپنے مشن کے ذریعہ ہماری کھیل کی دنیا کو نئی سمت اور نئی رفتار عطا کی ہے۔’’
امور نوجواں اور کھیل کے مرکزی وزیر جناب انوراگ سنگھ ٹھاکر نے کہا کہ پہلی مرتبہ جب اڈیشہ میں کے آئی یو جی کا انعقاد ہوا تھا تو لوگوں میں کافی جوش ولولہ تھا اور وہ فخر محسوص کر رہے تھے۔ لیکن اس کے بعد کووڈ کی وجہ سے ہم تمام لوگوں کی زندگی متاثر ہوئی اور ہمیں کھیلو انڈیا یونیورسٹی گیمز 2021 کی طرف لوٹنے کے لئے تقریبا 2 سال کا انتظار کرنا پڑا۔ دو سال کے بعد یونیورسٹی گیمز کے لئے ایک ساتھ جمع ہونے کا ہم سب کے لئے یہ پہلا موقع ہے اور میں یہاں موجود نوجوانوں میں وہی جوش وجذبہ دیکھ رہا ہوں۔ تقریبا 200 یونیورسٹیوں سے 4000 کے قریب کھلاڑیوں کا شریک ہونا ریاست کرناٹک میں ایک بڑا پروگرام ہے۔ میں نے ان کھیلوں کا انعقاد کرنے والی میزبان یونیورسٹی ، جین یونیورسٹی کا دورہ کیا تھا ، جہاں میری ملاقات 500 نوجوان کھلاڑیوں سے ہو ئی جو کہ ان مقابلوں میں حصہ لیں گے۔ مجھے یہ دیکھ کر بھی خوشی ہوئی کہ وہاں پر کھیلوں کے لئے ورلڈ کلاس سہولیات کا انتظام کیا گیا ہے۔’’
اتوار، 24 اپریل 2022 کو شری کانتی راؤ انڈور اسٹیڈیم میں دوسرے کھیلو انڈیا یونیورسٹی گیمز 2021 کی افتتاحی تقریب میں کرناٹک کے بیش قیمتی ثقافتی ورثے ، مل کھمب، یوگاسن کی پیشکش کے ساتھ ساتھ مسحور کن لائٹ اور ساؤنڈ پروگرام پر بھی پیش کئے گئے۔
کے آئی یو جی 2021 میں میزبان جین یونیورسٹی کی نمائندگی کرتے ہوئے اولمپک اسٹینڈرڈ ٹائم حاصل کرنے والے سب سے کم عمر ہندوستانی تیراک شری ہری نٹراج نے جناب ایم وینکیا نائیڈو کے ذریعہ ان کھیلوں کی شروعات کا اعلان کرنے کے بعد تمام کھلاڑیوں کی طرف سے حلف اٹھایا۔ اس موقع پر ہندوستان کے مشہور ومعروف سابق کھلاڑی جیسے ومل کمار ، انجو بابی جارج، ریتھ ابراہم، اشونی نچپّا ، ملاتھی ہولّا، بی آر بیڈو، اے بی سبیاہ، ایس وی سنیل، وی آر رگھوناتھ، کے وائی وینکٹیش، سہانا ایس ایم، ششی کانت نائک، منی کندن، تانیہ ہیمنت، فرمان باشا بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح-ق ت- ق ر)
U-4636
(Release ID: 1819724)
Visitor Counter : 115