লৈবাক অসিদা ইথানোল পুথোকপগী কেপাসিতী হেনগৎনবা অমসুং ২০২৫ ফাওবদা ২০% ব্লেন্দিং ফংবা ঙম্নবা, ভারত সরকারনা ১-জি. ইথানোল পুথোক্নবগীদমক অনৌবা দিস্তিলরীশিং লিংখৎপগী নত্ত্রগা হান্ননা দিস্তিলরীশিং লৈরবশিংনা লম চাউথোক্নবগী অনৌবা এপ্লিকেসন কৌবগীদমক থা তরুক্কী থোঙ হাংদোক্নবা ৱারেপ লৌখ্রে।

মসিনা মরম ওইরদুনা, ফুদ অমসুং পব্লিক দিস্ত্রিব্যুসনগী দিপার্তমেন্ত (দি.এফ.পি.দি.)না অয়াবা পীরবা চৎন-কাংলোন্দা শোইরোইদবা প্রোজেক্ত প্রোপোনেন্তশিংদা পীনবা, প্রোজেক্তকী লম লৈবা অমসুং এনভাইরোনমেন্ত ক্লিয়ারেন্স লৈবাশিংদা অনৌবা এপ্লিকেসনশিং কৌনবা থোঙ হাংলি। 

কেন্দ্রগী ৱারেপনা অনৌবা দিস্তিলরীশিং লিংখৎনবা অমসুং হান্ননা লৈরবা দিস্তিলরীশিং পাকথোক চাউথোক্নবা চীনিগী মিলশিদা হেন্না লায়থোকহল্লগনি অমসুং ইথানোলগীদমক চু/চীনি হেন্না শুংবদা মতেং ওইরগনি। শোৎথরবা রাজ্যশিং হায়বদি অৱাং-নোংপোক্কী রাজ্যশিং, খা-থংবা রাজ্যশিং হায়বদি তামিল নাদু, আন্ধ্র প্রদেশ, তেলঙ্গনাগুম্বা অমসুং অতৈ বিহার, মধ্য প্রদেশগুম্বদা অনৌবা গ্রেন্দা য়ুম্ফম ওইবা দিস্তিলরীশিং থম্নবা পারি; হায়রিবা অসিনা ইথানোল পুথোকপগী য়েনবদা মতেং ওইরগনি।

মোলালেস্তা য়ুম্ফম ওইবা দিস্তিলরীশিংগী ইথানোল দিস্তিলেসন তৌবগী কেপাসিতী অসি ২০১৪গী মমাংদা লিতর করোর ২১৫ খক্তমক ওইখি। অদুম ওইনমক, হৌখিবা চহি ৭ অসিদা কেন্দ্রনা শেমখিবা পোলিসীদা অহোংবা লৈবনা মরম ওইদুনা, মোলালেস্তা য়ুম্ফম ওইবা দিস্তিলরীশিংগী কেপাসিতী অসি শরুক অমা তঙ্খাই খক্তমক ওইখি অমসুং হৌজিক্কী ওইনা লিতর করোর ৫৬৯ ওইরি।  গ্রেন্দা য়ুম্ফম ওইবা দিস্তিলরীশিংনা ২০১৩দা লিতর করোর ২০৬দগী লিতর করোর ২৮০ হেনগৎলক্লি। অদুম ওইনমক ইথানোল পুথোকপগী কেপাসিতী অসি ২০২৫তা ব্লেন্দিং ২০% ফংননবা লিতর করোর ১৭০০দা হেনগৎহনবা মথৌ তারি। থোঙ হাংবা অসিনা ইথানোল পুথোকপগী কেপাসিতী হেনগৎহনবদা মতেং ওইগনি।

২০১৩গী চহি ফাওবদা, ও.এম.জি.দা ইথানোল পীবা অসি ২০১৩-১৪দী ইথানোল সপ্লাই ইয়ার (ই.এস.ৱাই.)দা ১.৫৩ খক্তমক ব্লেন্দিং থাক ওইদুনা লিতর করোর ৩৮ খক্তমক ওইখি। ফুইল গ্রেদ ইথানোল পুথোকপা অমসুং মসি ও.এম.জি.দা সপ্লাই তৌবা অসি২০১৩-১৪দগী ২০২০-২১ ফাওবদা শরুক ৮ থোক্না হেনগৎখি। ই.এস.ৱাই. ২০২০-২১দা, ঐখোয়না পুৱারী ওইরগদবা য়াম্না ৱাংবা ফিগর চাউরাক্না লিতর করোর ৩০২.৩০ রোম য়ৌদুনা মসিনা ব্লেন্দিং ৮.১০% পংবা ঙমখি। হৌজিক চৎলিবা ই.এস.ৱাই. ২০২১-২২দা, চাউরাক্না ইথানোল লিতর করোর ১৫৮ রোম ১৭.০৪.২০২২ ফাওবদা পেত্রোলগা লোয়ননা য়ানশিন্নদুনা ব্লেন্দিং ৯.৭৭% ফংবা ঙম্লি। ২০২১-২২গী ইথানোল সপ্লাই তৌবগী হৌজিক চৎলিবা চহি অসিদা পানরিবা অসি ঐখোয়না ব্লেন্দিংগী পান্দমদা ১০% ফংবা ঙম্বা অসিনি।  

এগ্রীকলচরেল ইকোনোমী ফগৎহনবগী মিৎয়েংগা লোয়ননা, মপাল লমদগী ফুসিল ফুইল পুশিল্লকপগী মীপাল তাংবা হন্থনবা ক্রুদ ওইল ইম্পোর্ত বিলগী একাউন্দা ফোরেন একচেঞ্জ কন্ননবা অমসুং নুংশিৎতা মোৎশিনবা হন্থহন্নবা, ভারত সরকারনা ২০২২ ফাওবদা পেত্রোলদা ফুইল গ্রেদ ইথানোল ১০% য়ান্নবা ১০   % পান্দম থম্লি অমসুং ২০২৫ ফাওবদা ব্লেন্দিং ২০%দা পান্দম থম্লি।

কেন্দ্র সরকারনা ইথানোল পুথোকপা অমসুং পেত্রোলগা লোয়ননা ইথানোল ব্লেন্দেদ (ই.বি.পি.) প্রোগ্রামগী মখাদা, মরুওইনা অহেনবা পান্থাদা অমসুং মসিনা লৌমীশিংগী কেন প্রাইস এরিয়ারশিং শেংদোক্তুনা চীনিগী মিলশিংগী লৈরিবা শেলশিংগী ফিভম ফগৎহনবা, ২০১৮-২০২১ ফাওবগী মনুংদা চীনিগী মিলশিং অমসুং দিস্তিলরীশিংগী স্কীমশিং কয়া অমা খঙহন্নবা মিৎয়েং থম্লি। সরকারনা চহিদা @৬%গী ইন্তরেস্ত সববেন্সনগী শেলগী মতেং পীননবা নত্ত্রগা ৫০% অমা বেঙ্কশিংনা শোইদোইগী চার্জ লৌদুনা, হায়রিবা অসিদা খ্বাইদগী নেম্বা, চহি অমা মোরাতোরিয়ম ওইবগা লোয়ননা চহি মঙাগী লোন বেঙ্কশিংনা পীহল্লি।

***********