ভারতকী কোবিদ-১৯ ভেক্সিনেসন কবরেজ অসি ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না করোর ১৮৭.৪৬ (১,৮৭,৪৬,৭২,৫৩৬) হেনখ্রে। মসি সেসন ২,২৯,৭৯,৭১৪গী খুত্থাংদা য়ৌবা ঙমখি।

চহি কাংলুপ ১২-১৪গী কোবিদ-১৯ ভেক্সিনেসন অসি মার্চ ১৬, ২০২২দগী হৌখি। হৌখিবা পুং ২৪দা এদোলেসেন্ত করোর ২.৬১ (২,৬১,৯৫,২৪৮)দা কোবিদ-১৯ ভেক্সিনগী অহানবা দোজ কাপখ্রে। মসিগা মান্নবা মওংদা চহি কাংলুপ ১৮-৫৯গী মনুংদা লৈবা মীওইশিংগী কোবিদ-১৯গী প্রিকোসন দোজ কাপ্পা অসি এপ্রিল ১০, ২০২২দগী হৌখি। হৌখিবা পুং ২৪দা প্রিকোসন দোজ ৩,১০,৭০১ কাপখি।

ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না অপুনবা মশিংগী ব্রেক-অপতা পীরিবশিং অসি য়াওরি:

মখা তানা অদুমক হান্থরকপগী ত্রেন্দ অসি তুং ইল্লদুনা, ভারতকী এক্তিব কেসলোদ অসি মখা তানা ঙসি ১৫,০৭৯দা হন্থখ্রে, লৈবাক্কী অপুনবা পোজিতিব কেসশিং ০.০৪%দা লৈরি।

মসিনা মরম ওইরগা ভারতকী রিকবরী রেৎ অসি ৯৮.৭৫%দা লৈরি। হৌখিবা পুং ২৪দা মীওই ১,৬৫৬নাবা ফগৎখি অমসুং নাবা ফগৎখিবা মীওইশিংগী অপুনবা মশিং (লাইচৎনা হৌরকপদগী) অসি হৌজিক ৪,২৫,১৭,৭২৪ শুখ্রে।

হৌখিবা পুং ২৪দা অনৌবা কেস ২,৫২৭ রিপোর্ত তৌরকখি।

হৌখিবা পুং ২৪দা পুন্না কোবিদ-১৯গী তেস্ত ৪,৫৫,১৭৯ তৌখি। ভারতনা হৌজিক ফাওবদা অপুনবা তেস্ত করোর ৮৩.৪২ (৮৩,৪২,৮১,১৭০) হেন্না তৌখ্রে।

চয়োলগী অমসুং নুমিৎ খুদিংগী ওইবা পোজিতিবিতী রেৎশিংদসু চাউনা হন্থরকখি। লৈবাক্কী ওইনা হৌজিক চয়োলগী ওইবা পোজিতিবিতী রেৎ অসি ০.৫০% অমসুং নোংমগী ওইবা পোজিতিবিতী রেৎ অসি ০.৬% ওইরি হায়না রিপোর্ত তৌরকখি।

****