প্রাইম মিনিস্তরস এৱার্দ ফোর এক্সলেন্স ইন এদমিনিস্ত্রেশন  অসি ভারত সরকারনা দিস্ত্রিক্তশিংগা লোইন-লোইননা কেন্দ্র অমসুং রাজ্য সরকারশিংনা ময়ামদগী থোইদোক-হেন্দোকপা অমসুং ইন্নোভেতিব ওইবা থবক তৌখিবগীদমক্তা য়ানিংবা, মশক খঙবীবা অমসুং মনা পীনবগীদমক্তা শেমখিবনি। চই ২০২১গীদমক্তা মসিগী এৱার্দ অসিনা পোশন অভিয়ানদা “জন ভাগিদারি” নত্রগা মীয়াম্না শরুক য়াবা; খেলো ইন্দিয়া স্কীমগী খুত্থাংদা স্পোর্তস অমসুং ৱেলনেসতা এক্সেলেন্স প্রোমোত তৌবা; পি.এম. এস.ভি.এ. নিধি য়োজনাদা দিজিতেল পেমেন্তশিং অমসুং অফবা গোবর্নেন্স; ৱান দিস্ত্রিক্ত ৱান প্রোদক্ত স্কীমগী খুত্থাংদা দেবেলপমেন্ত; হ্যমেন ইন্তরভেন্সন য়াওদনা সীমলেস, এন্দ-তু-এন্দ দিলিভরী; অমসুং ইন্নোভেশনশিংগী কেতেগোরীশিং অসিদা সিভিল সর্ভেন্তশিংগী কন্ত্রিব্যুশনবু মশক খঙনবগী পান্দমদা ওইখি।

 “খেলো ইন্দিয়া – নেস্নেল প্রোগ্রাম ফোর দেবেলপমেন্ত ওফ সপওর্তস” (খেলো ইন্দিয়া স্কীম) অসি ২০১৬-১৭দা হৌদোকখিবা সরকারগী মখা চত্থরক্লিবা ফ্লেগশিপ স্কীমনি। মসিনা লৈবাক অসিদা স্পোর্তস কলচর অমসুং স্পোর্তিং এক্সেলেন্সতা পান্দম থম্লি, মসিনা অঙাংশি অমসুং নহাশিংগী হোলিস্তিক দেবেলপমেন্ত, কম্যুনিতী দেবেলপমেন্ত, সোসিয়েল ইন্তিগ্রেশন, জেন্দর ইক্বালিতী, হেল্দী লাইস্তাইল, নেস্নেল প্রাইদ অমসুংস্পোর্তস দেবেলপমেন্তকা মরি লৈনবা ইকোনোমিক ওপোর্চুনিতীশিংগ খুত্থাংদা মীয়ামদা স্পোর্তসকী পাৱরগী কান্নবা লৌবা ঙমহল্লি। স্কীম অসিনা রাজ্যশিং/য়ু.তি.শিংদা স্পোর্তস চাউখৎহনবা ঙমহল্লি অমসুং প্রজাশিংগী ৱেল বিংফগৎহল্লি। সওর্তসকী মরু ওইবা অদুনা মরম ওইরগা স্কীম অসি পি.এম এৱার্দকীদমক্তা খল্লিবসি, মসিনা ফিজিকেল ফিতনেস প্রোমোত তৌবা , ইনখৎলক্লিবা স্পোর্তস তেলেন্তশিংবু মশক খঙদোকপা অমসুং হেন্না ৱাংবা প্লেতফোর্মদা ময়ামদগী থোইদোক-হেন্দোকপা ওইনবা মথৌ তাবা সপোর্ত পুম্নমক পী।

ৱিন্নরশিং অদুবু থাগৎলদুনা কন্দ্রগী য়ুথ এফিয়র্স অমসুং স্পোর্তসকী মন্ত্রী, শ্রী অনুরাগ সিং থাকুরনা হায়খি, “ধুথ এফিয়র্স অমসুং স্পোর্তসকী মন্ত্রালয়গীদমক্তা য়াম্না চাউথোকচনিংঙাই ওইবা ৱাফম্নি মদুদি প্রধান মন্ত্রীনা খেলো ইন্দিয়া স্কীম অসিবু এৱার্দশিং অসিগী খুত্থাংদা সিভিল সর্ভেন্তশিংগী কন্ত্রিব্যুশন অদুবু মশক খঙবীনবগীদমক্তা ওইবা হিরম অমা ওইনা খনখি। পি.এম.গী এৱার্দতা খেলো ইন্দিয়া অসি য়াওহনবা অসি লৈবাক অসিদা স্পোর্তসকী দেবেলপমেন্ততা পুৱারি ওইহৌরগদবা খোংথাং অমনি।”

এৱার্দ অসিনা প্রজাশিংগী ৱেল-বিং প্রোমোত তৌবা, স্পোর্তসকী কলচর য়োকখৎপা, স্পোর্তস অমসুং ফিজিকেল ফিতনেসতা এক্সেলেন্স পুরক্নবা হোৎনবদা খ্বাইদগী হেন্না ফজনা থবক তৌবা জিলাশিংগী এচীবমেন্তশিং অদু মশক খঙবীনবা হোৎনবনি, মসিনা মরম ওইরগা স্পোর্তস ইকো-সীস্তেম পুম্নমক অসিবু ফগৎহল্লগনি। 

পি.এম.গী এৱার্দকীদমক্তা এপ্লিকেশন অদু লৈবাক অসিগী জিলা খুদিংমক্তা ওপন ওইখি অমসুং খেলো ইন্দিয়া কেতেগোরিদা এপ্লিকেশন ১৮৩ লাকখি। জিলা খুদিংমক স্পোর্তস ইনফ্রসস্ত্রকচর/প্লেফীল্দ দেবেলপমেন্ত, স্পোর্তস অমসুং ফিতনেসতআ শরুক য়াবা, অমসুং মাইপাক্লবা জিলাশিং অদু য়াম্নআ চেকশিনবা অমসুং কুপথনা য়েংশিনবা থৌওং অমগী খুত্থাংদা খনখি। “খেলো ইন্দিয়া স্কীমগী খুত্থাংদা স্পোর্তস অমসুং ৱেলনেসতা এক্সেলেন্স প্রোমোত তৌবা” অসিগী কেতেগোরীদা, চুরু, রাজস্থাননা খআইদগী হেন্না ফজনা পাংথোকপা জিলা ওইখি অমসুং অনিশুবা মফমদা মনিপুরগী বিস্নুপুর জিলানা ওইখি।

মথংশিৎনা চুরু অমসুং বিস্নুপুরগী দিস্ত্রিক্ত কলেক্তরশিংনা ঙসি অয়ুক ভিগ্যান ভাৱনদা পাংথোকখিবা থৌরম অদুদা মশানা ওইনা প্রধান মন্ত্রীদগী মনা অসি লৌখি।

*******