কম্মর্স অমসুং ইন্দস্ত্রী, কঞ্জুমর এফ্যার্স, ফুদ এন্দ পব্লিক দিস্ত্রিব্যুসন অমসুং তেক্সতাইলগী কেন্দ্র মন্ত্রী শ্রী পিয়ুস গোয়লনা স্তেতশিংদা এন.আই.সি.দি.সি. প্রোজেক্তশিং খোঙজেল য়াঙশিলহন্নবা অমসুং ইন্দস্ত্রিএল নোদ অমসুং ক্লস্তরশিংদা লম লৌশিনবা অমদি পীবগী থবক অকক্নবা মতমদা পাঙথোক্নবা ৱাফম থমখ্রে‍।

“স্তেত ১৮দা মখোয়গী ফিরেপ থুনা লৌনবা, লম পীননবা ৱাফম থম্লি, মদু নৎত্রগদি হায়রিবা প্রোজেক্তশিং অসি তোক্তুনা ইনভেস্তমেন্ত থুনা তৌনিংবা অতোপ্পা স্তেত পীখিবা য়াই,” হায়না শ্রী গোয়লনা মফমসিদা ঙরাং নুমিদাং পাঙথোকখিবা নেস্নেল ইন্দস্ত্রিএল কোরিদোর দেভেলপমেন্ত প্রোগ্রামগী ইনভেস্তর রাউন্ত তেবল কন্ফরেন্সতা ৱা ঙাঙবদা ফোঙদোকখি‍।

আইন কায়না লম খোপচিনবা লৈহল্লোইদবনি অদুগা য়ুনিৎশিং থুনা লিংখত্তুনা অনৌবা তেক্নোলোজীশিং লৌশিন্নবা অমদি থবক পীননবা ৱাফম মন্ত্রীনা থমখি‍।

“লৈবাকসিগী লনথুমশিং অফবা লম্বীদা শীজিন্নগদবনি‍। ঐখোয়গী লনথুম হেক ঙম্লিবমখৈ মথৌ তৌহনসি হায়না বিজিনেস মেনেজমেন্তকী তর্মিনোলোজীদা হায়নবগুম, মফম অমদা হেক্তা শেমগৎলিবা ইনফ্রাস্ত্রকচর নৎত্রগা ফেসিলিতীশিংবু হেক য়ারিবমখৈ য়াম্না শীজিন্নদুনা মথৌ তৌহনসি,” হায়না মহাক্না হায়খি‍।

নেস্নেল ইন্দস্ত্রিএল কোরিদোর কোর্পোরেসন (এন.আই.সি.দি.সি.) অসি তাঙ্কক মরি থোক্না প্রোজেক্ত ৩২না শেমবা কোরিদোর ১১দা পায়খৎলি‍।

এন.আই.সি.দি.সি. প্রোজেক্ত অমদি থবক হৌগদবগী ঙাইদুনা লৈরে হায়রদুনা, স্তেত কয়ানা এন.আই.সি.দি.সি. প্রোজেক্তকী মখাদা ইন্সেন্তিব পীননবা ৱাফম পুথোরক্লি হায়না শ্রী গোয়লনা ফোঙদোকখি‍। সি.ই.ও. গ্রেতর নোইদানা নুমিৎ ২০নিগী মনুংদা লম পীননবা অদুগা সি.ই.ও. ধোলেরানা লৈরিবা প্লোতকী অহানবা ৩০%দা অহানবা এঙ্করশিংদা লমগী মমল ৫০% তানা পীননবা ৱাফম থম্লি‍।

এন.আই.সি.দি.সি.গা পি.এম. গতিশক্তি অমসুং এন.এস.দব্লিউ.এস.কা মরী শমজিন্নগনি হায়বা ৱাফম থম্লদুনা শ্রী গোয়লনা এন.আই.সি.দি.সি. প্রোজেক্তকী মখাদা লিংখৎপা অহানবা তাউন্সিপ মরিদা ইনভেস্ত ইন্দিয়াগী ওফিস থমগনি অমদি মচিন তুমখৎলক্লিবা ইন্দস্ত্রিএ ক্লস্তরশিংদা বি.আই.এস./ক্যু.সি.আই.না তেস্তিং লেবশিং লিংখৎকনি হায়খি‍।

ভারতনা মালেমগী খ্বাইদগী খোঙজেল য়াঙবা শেন্মিৎলোন অমুক হন্না ওইবা ঙম্লে অমদি দোলর বিলিয়ন ৬৭০গী খ্বাইদগী ৱাংবা এক্সপোর্ত য়ৌবা ঙম্লে হায়রদুনা, শ্রী গোয়লনা ওনত্রপ্রিন্যুরশিংদা এন.আই.সি.দি.সি., দিজিতেল ইন্দিয়া, স্মার্ত সিতিজ, নেস্নেল ইনফ্রাস্ত্রকচর পাইপলাইনগী মখাদা লৈরিবা দোলর ত্রিলিয়ন ১.৪গী চাউরবা ইনফ্রাস্ত্রকচর প্রোজেক্তশিং, এন.আই.সি.দি.সি. ফেসিলিতীশিং অমসুং ফাইনেন্সিএল ইনক্লুজন্নচিংবা লৈঙাক্কী থৌরাংশিংগী কান্নবা লৌনবা ৱাফম থমখি‍।

ওন্ত্রপ্রিন্যুরশিংবু “এক্সপোর্তকী চাউরবা বিল্দিং ব্লোকশিংগী” কান্নবা লৌনবা পুক্নিং থৌগৎলদুনা, মালেমসিনা ঐখোয়গী লল্লোন ইতিক তৌবা পাম্লি অমদি হায়রিবা তাঞ্জাসিবু লৌহৌবা হায়বসি ঐখোয়দা লৈরে হায়না শ্রী গোয়লনা হায়খি‍। ঐখোয়না চাউখৎলক্লিবা লৈবাক্তগী চাউখৎলবা লৈবাক্কী মায়কৈদা চঙশিল্লকপগা লোয়ননা অমৃৎকালগী মতমসিদা ঐখোয়ন লান্মীগী শক্লোন লৌবা য়াই, হায়না মহাক্না হায়খি‍।

“অদোম্না লৈবাক কয়ানা ভারতকা পুন্না থবক তৌমিন্ননিংবগী অপাম্বা ফোঙদোক্নরক্লিবশিং অসি অদোমসু উরবনি, থা অনিগী মনুংদা এফ.তি.এ. অনি ঐখোয়গী খুত্তা লৈরে অদুগা ৩ নৎত্রগা ৪সু য়ানবগী খুমাঙ চাওশিনবা থাক্তা লৈরে,” হায়না মহাক্না হায়খি‍।

গ্রেতর নোইদা অমসুং মুম্বাইগী মথক্তা দিল্লীগী প্রগতি মৈদান অমসুং আই.আই.সি.সি.-দ্বার্কাদা মালেমগী থাক্কী একজিবিসন অমসুং কনভেন্সন ফেসিলিতীশিং শেমগৎলি হায়রদুনা, ভারতনা হৌজিক এম.আই.সি.ই. (মীতিংস, ইন্সেন্তিব্স, কন্ফরেন্স অমসুং একজিবিসন)দা হেন্না মরুওইবা থৌদাং লৌবা পাম্লি‍। ভারতপু শেল থাদফম ওইনা শেমগৎপা ঐখোয়না পাম্মি‍।

“ভারতনা চঙশিল্লিবা চাউখৎপগী লমবীসিদা ঐখোয় শরু য়াসি অদি ঐখোয়গী লৈরিবা ফেসিলিতীশিং খ্বাইদগী ফবা মওংদা কমদৌনা শীজিন্নগদগে য়েংসি অমদি তুংগীদমক ৱাখল্লোন কয়াসু পুথোকসি,” হায়না মহাক্না হায়খি‍।

ঙসি প্রধান মন্ত্রী শ্রী নরেন্দ্র মোদীনা মালেমগী দিমোক্রেসীশিংগী মরক্তা খ্বাইদগী মশক নাইবা লুচিংবা ওইরি হায়রদুনা, শ্রী গোয়লনা হায়খিবদা, “পি.এম. মোদীনা ‘য়েহি সময় হে, সহি সময় হে’, (হৌজিক মতমদুনি, চপ চারবা মতমদুনি) হায়বগুম, করিগুম্বা অদোম্না মতম চানা খুদোংচাবা লৌহৌদ্রবদি তাঞ্জা অদু মাঙখিগনি‍।”

থৌরমদুদা ৱা ঙাঙলদুনা, লৈঙাক্না ই.পি.দি.বি. ২.০ অমদি ইন্দস্ত্রীগা মরী লৈনবা চৎন-কাঙলোনশিং প্রাইওরিতি ওইনা দিক্রিমিনেলাইজ তৌবা হৌরে হায়না দি.পি.আই.আই.তি. সেক্রেতরীনা হায়খি‍।

এন.আই.সি.দি.সি. অসি নেক্স-জেন তেক্নোলোজী শীজিন্নদুনা, বেঞ্চমার্ক শেমদুনা অমদি মালেমগী খ্বাইদগী ফবা মেনুফেকচরিং/ইনভেস্তমেন্ত দেস্তিনেসনশিংগী হিদান্নদুনা ‘স্মার্ত সিতি’নচিংবা অনৌবা ইন্দস্ত্রিএল সিতীশিং শেমগৎলিবা ভারতকী মাঙজিল থাবা ইনফ্রাস্ত্রকচর প্রোগ্রাম্নি‍। এন.আই.সি.দি.সি. অসি ২০২৬-২৭ ফাওবদা তাঙ্কক মরি থোক্না প্রোজেক্ত ৩২ য়াওবা কোরিদোর ১১দা শেমগৎনবা ভারত লৈঙাক্না দিসেম্বর ২০২০দা অয়াবা পীখিবনি‍।

অপীবা মফম ১৭৩গীদমক ময়োল্লম ৪দা লুপা করোর ১৬,৭৬০গী অপুনবা শেন্ফম থাদখ্রে‍। ‘স্মার্ত’ ইন্দস্ত্রিএল সিতী মরি অসি ধোলেরা (গুজরাত), শেন্দ্রা বিরকিন (মহারাস্ত্র), ভিক্রম উধোগপুরি (এম.পি.) অমসুং গ্রেদর নোইদাগী (য়ু.পি.) ইন্তিগ্রেতেদ ইন্দস্ত্রিএল তাউনসিপ্তা শেমগৎলি‍।

লৈবাক্কী থাক্তা, লৈঙাক্কী ফ্লেগসিপ প্রোগ্রাম – পি.এম. গতিশক্তিনা ইনফ্রাগী থৌরাংশিং পায়খৎলি‍। মসিনা লোজিস্তিক কোস্ত হন্থহন্নবা পান্দমদা পায়খৎলিবা লেমহৌরিবা এন.আই.সি.দি.সি. ২৮দা মওং মরিল নাইনা থবক পায়খৎপদা মরুওইবা থৌদাং লৌগনি‍।

***