“ঐ জঙ্ক ফুদপু পামজবা মীওই অমা ওইরম্মী অমদি ঐগী ওইনা ইন্সতেন্ত নুদল্স থাদোকপা হায়বসি অৱাবা ওইরম্মী অদুবু হোক্কীনা ঐহাকপু জঙ্ক ফুদ চাবগী মহুৎতা মচি ওইবা চিঞ্জাক চাহনখিবনি অমদি ঙসিদি ফিত অমসুং হেল্দী ওইবা পুন্সি অমদা চংলক্লি হায়বসি ঐনা থাজৈ৷” মসি ওলেম্পিক্সতা ভারতপু শক্তাক্লিবা মিজোরামগী অহানবা নুপী হোক্কী শান্নরোই লালরেমসিয়ামি মারনা ঙসি মিজোরামদা লৈরিবা মহাক্কী পোক্নফম লমদম কোলাসিবতা পাংথোকখিবা মীত দি চেম্পিয়ন্সকী মতমদা স্কুল মহৈরোইশিংগা উন্নদুনা ৱারি-ৱাতায় শান্নবদা ফোংদোকখিবনি৷

প্রধান মন্ত্রী শ্রী নরেন্দ্র মোদীনা হৌদোকখিবা অখন্নবা কেম্পেন্দ ‘সন্তুলিত অহর’ (বেলেন্স দাইত) অসিবু শিল্লিবা সেইন্ত মেরী গোরেত্তি স্কুলগী মশিং য়াম্লবা মহৈরোই ২০০রোম্না চহি ২১ শুরবী হোক্কী শান্নরোই অসিবু তরাম্না ওকখি৷ প্রধান মন্ত্রীগী ফজরবা ৱাখল্লোন অসিবু থাগৎলদুনা, মহাক্না হায়খি, “I feel ‘মীত দি চেম্পিয়ন্স’ প্রোগ্রাম অসি থৌরম অমদগী হেন্না থৌদাং হেন্না লৌগদবনি হায়না ঐনা ফাওজৈ অমদি ঐনা লৈবাক অসিগী শরুক অসিদা পোক্লুবনা, মদুনা মরম ওইদুনা হেন্না য়াইফবা পুন্সি অমদা পুরক্নবা অঙাংশিংগী পুক্নিংবু ওলহন্নবগী অশাদা মফম অসিদা ঐগী পোক্নফম অসিদা ঐনা মসিগী অখন্নবা ইনিসিয়েতিব অসি হৌদোক্নবা ৱারেপখিবনি৷”

“ঐখোয়না জঙ্ক ফুদ চাবগী মহুৎতা মচি ওইবা চি়ঞ্জাক চারবা মতম খক্তদা ঐখোয়না ফিত ওইবা ভারত অমা শেম্বা ঙমগনি,” হায়না মহৈরোইশিংনা অফবা চিঞ্জাক চাবিনবা হায়জদুনা মিজো হোক্কী স্তার অসিনা ফোংদোকখি৷

অঙাং ওইরিবা মতমদা হৌরগা চাওরবা শান্নরোই ওইরবা মতম অসিদা ফওবদা লৈরিবা মহাক্কী ফুদ হেবিতশিং অদু পল্লদুনা, বেলেন্স দাইতকী কান্নবশিং অদু খঙহন্নবা হোৎনবদগা মতৌ করম্না মহাক্কী কোচশিং অমদি তীমমেতশিংনা মঙোন্দা মতেং পাংখিবগে হায়বদু হোক্কী শান্নরোই অসিনা ফোংদোকরকখি৷ মসি খক্তা নত্তনা, মহাক্না কোলাসিবকী অপিকপা তাউন অমদগী ইন্দিয়ন ওলেম্পিক তীমদা মহাক্কী মফম খনখিবগী খোংচৎ অদুসু মহাক্না ৱারি শাখি৷মহাক্না মহৈরোইশিংদা হায়খি, “ওলেম্পিক তীমগীদমক ঐবু খনবিরকপা মতমদা, মসিনা ঐগী লৈখিদ্রবা ইপাগী মংলান অদু মংফাওনহনবদা মতেং পাংলগনি খনবদগী মসিনা ঐখোয়গী পুন্সিগী খ্বাইদগী চাওবা এচিবমেন্ত ওইখি৷ ময়াম পুম্নমক্তগী ঐসে তোঙাল্লি হায়না কৈদৌনুংদা খনগনু৷ ঐ অচম্বা ফেমিলী বেক্তগ্রাউন্দ লৈবা য়াম্না চমজবা নুপীমচা অমনি অদুবু ঐনা হোক্কীবু ঐগী পুন্সি গোল অমা ওইনা খনখিবনি অমসুং অদোমসু অদোম্না অদোমগী পু্ক্নিং অমসুং ৱাখল অনিমক অসি চেকশিন্না থম্বা মতমদা অদোম্না অদোমগী পান্দম অদু ফংবা ঙমগনি হায়বসি ঐগী থাজবনি৷

‘সন্তুলি অহর’দা ৱারি শান্নবা অসিদগী হেন্দোক্তুনা, ওলেম্পিক্স মহাক্কী খোংচৎ সেয়র তৌবা অমদি মহৈরোইশিংগা লোইননা ক্ব্যুইজ সেসন পাংথোকপনচিংবদা, নহা ওইরিবা ইন্দিয়ন হোক্কী শান্নরোই অসিনা প্রোগ্রাম অসিগী মনুংদা মহৈরোইশিংগা ভোল্লীবোল শান্নখি৷ অসিগুম্বা সেগমেন্তশিং অসিনা মহৈরোইশিংগী মরক্তা থৌনা কয়া হাপখি৷ “প্রোগ্রাম অসি য়াম্না নুংঙাই অমদি মহাক অসি ঐখোয়গী তাউন অসিদগী ওইবনা, মহাক্কা অসিগুম্বা নকশিন্ননা দুনা ৱারি-ৱাতায় শান্নবা হায়বসি য়াম্না চাওথোকচনিংঙাই অমা ওইখি৷ ঐনা ভোল্লী শান্নবা পাম্লমখি অমদি প্রোগ্রাম অসিগী মতুংদা, ঐখোয়না ফাস্ত ফুদ চাদনবা হোৎনগদবনি হায়বসি ঐ খঙজরে,” হায়না সেইন্ত মারিয়া গোরেত্তি স্কুলদগী VI স্তেন্দর্দতা তম্লিবা মার্তিন লালনু্নলুৱঙা৷

পনবা য়াবদি, মসিগী অখন্নবা ইনিসিয়েতিব অসি য়ুথ এফিয়র্স অমদি স্পোর্তস মন্ত্রালয়গা খুৎশমদুনা শিল্লিবনি অমদি মসি সরকারগী ‘অজাদি কা অমৃত মহোতসব’কী শরুক্নি৷

*******

(রিলিজ আই.দি.: 1818903) ভিজিতর কাউন্তর : 174