সিভিল এভিএসন মন্ত্রালয় (এম.ও.সি.এ.)গী ফ্লেগশিপ রিজনেল কন্নেক্তিবিতী স্কিম উরান (উরে দেশ কে আম নাগ্রিক)দা “ইন্নোভেসন (জেনেরেল)-কেন্দ্র”গী কাঙলুপ মখাদা প্রধান মন্ত্রীগী পব্লিক এদমিনিস্ত্রেসন্দা মীথোই মীহেনবগী মনা পীখ্রে।

মনা অসি এম.ও.সি.এ.গী কোইন্ত সেক্রেতরী, শ্রীমতি উশা পরীনা লুচিংবা উরান তীমদা সিভিল এভিএসন মন্ত্রী, শ্রী জ্যোতিরাদিত্য এম. সিন্ধিয়ানা এম.ও.সি.এ.গী সেক্রেতরী, শ্রী রজিব বন্সল অমসুং এয়রপোর্ত ওথোরিতী ওফ ইন্দিয়াগী চেয়রমেন, শ্রী সঞ্জীব কুমার য়াওবা থৌরমদা লান্থোকখিবনি।

জিলা অমসুং রাজ্য সরকারগী লুপশিংনা পাংথোকপা অতৈগা মান্নদবা অমসুং অনৌবা থৌওং চেনবা থবক-থৌরমশিংবু শকখঙদুনা মনা পীনবগীদমক্তা ভারত সরকারনা এৱার্দ অসি হৌদোকখিবনি। স্কিম অসিনা ক্বান্তিতেতিব তার্গেত ফংবখক্তদা য়েংলম্বা তোক্তুনা অফবা লৈঙাক, ক্বালিতেতিব এচিবমেন্ত অমসুং লাস্ত মাইল কন্নেক্তিবিতীদা মিৎয়েং চঙই। এৱার্দ অসিদা ত্রোফী, স্ক্রোল অমসুং লুপা লাখ ১০গী শেলগী ইন্সেন্তিব য়াওরি।

তাইয়র-২ অমসুং ৩গী শহরশিংগী মরক্তা হেন্না ফবা এয়র কন্নেক্তিবিতী অমসুং এভিএসন ইনফ্রাস্ত্রকচর লৈহনবগা লোয়ননা উরে দেশ কা আম নাগ্রিক্কী মিৎয়েংগী মখা পোন্না অচম্বা মীচম-মীয়ামগী অপাম্বা থুংহনবা হায়বসি ইং ২০১৬তা হৌদোকখিবা উরানগী পান্দম্নি। ঙসিদি, উরান্না শুপ্নগী তেল্লবা চহি ৫গী মনুংদা উরান রুত ৪১৯না হেলিকোপ্তর অমসুং এরোদ্রোম য়াওনা অন্দিজর্ব/দিজর্ব এয়রপোর্ত ৬৭ শম্নহল্লি অমসুং মসিদগী চাউরাকপা মীওই লাখ ৯২ হেনবনা কান্নবা ফংলি। স্কিম অসিগী মখাদা ফ্লাইত লাখ ১গা লিশিং ৭৯ হেন্না পাইখ্রে। উরান স্কিম্না চিংগী রাজ্য, অৱাং নোংপোক লমদম অমসুং ইথৎশিং য়াওনা পেন-ইন্দিয়া পুম্বদা কান্নবা পীরি।

উরান্না লৈবাক্কী শেন্মিৎলোন্দা কান্নবা শাফু পীরি অমসুং এয়রলাইন ওপরেতর অমসুং রাজ্য সরকারশিংনা অখন্নবা ওইদুনা ইন্দস্ত্রী স্তেকহোলদরশিংনা মসিদা থৱাই য়াওনা শৌগৎলি। স্কিম অসিগী মখাদা অনৌবা শহরগী পুংবা ৩৫০ হেন্না শম্নহন্নবা থৌরাং য়াৎপা লোইরে অমসুং ২০০না হান্ননা শম্নখ্রে অমসুং শেন্মিৎলোনগী শাহৌ অমসুং লোকেল পোপ্যুলেসন্দা থবক্কী খুদোংচাবা কয়া পীদুনা লমদমশিং খল মান্ননা চাউখৎহনবগা লোয়ননা লৈবাক্কী মফম খুদিংদা শন্দোক্তুনা কন্নেক্তিবিতী পীরি।

স্কিম অসিনা সিক্কিমগী গেংতোক্কী মনাক্তা পাকয়োং, অরুনাচল প্রদেশতা তেজু অমসুং আন্ধ্র প্রদেশকী কুর্নুলগুম্বা অনৌবা গ্রীনফিল্দ এয়রপোর্ত শেমগৎ-শাগৎপগী থৌওংসু ওইথোকহল্লি। স্কিম অসিনা নন-মেত্রো এয়রপোর্তকী দোমেস্তিক পেসেঞ্জরগী শরুক্তসু ৫%গী চাংদা শাহৌ লৌবা ঙমহল্লে।

সিভিল এভিএসন মন্ত্রালয়না ইং ২০২৬ ফাওবগী মনুংদা উরান আর.সি.এস. স্কিমগী মখাদা অনৌবা রুত ১০০০ লৈহনবগা লোয়ননা ইং ২০২৪ ফাওবদা ভারত্তা অনৌবা এয়রপোর্ত ১০০ শাবগী থৌরাং য়াৎপগা লোয়ননা মাইকৈ অসিগী মতাংদা খোঙফম চেৎনা লৈরি।

হন্দক্তসু, সিভিল এভিএসন মন্ত্রালয়গী তেব্লোবু গনতনন্ত্র দিবস ২০২২ নুমিত্তা কেন্দ্র মন্ত্রালয়গী খ্বাইদগী ফজবা তেব্লো হায়না শকখঙখি। মন্ত্রালয় অসিগী তেব্লোনা রিজনেল কন্নেক্তিবিতী স্কিম (আর.সি.এস.) – উরান (উরে দেশ কা আম নাগ্রিক)বু মখোয়গী মরু ওইবা থীম ওইনা উৎখিবনি।

****