খুরুমজরি!

কেম ছো! (ময়াম কমদৌরিবগে?)

মোরিসসকী ইকাইখুম্নরবা প্রধান মন্ত্রী, শ্রী প্রৱিন্দ জগন্নাথ জী, দবল্যু.ঐচ.ও.গী দাইরেক্তর জেনরেল, দোক্তর দেত্রোস, গুজরাতকী ইন্রজেতিক ওইরবা মুখ্য মন্ত্রী, শ্রী ভুপেন্দ্র ভাই পতেল, কেন্দ্রগী মন্ত্রীমন্দলদা পুনমিন্নরিবা শর্বানন্দা সোনোৱাল জী, মনসুখ ভাই মান্দৱিয়া জী, মহেন্দ্র ভাই মুঞ্জপরা জী, লৈবাক অসিগী অমসুং মপাল লমদগী লাকপা দিপ্লোমেতশিং, সাইন্তিস্তশিং, এন্তরপ্রেনরশিং অমসুং এক্সপর্তশিং, নুপীশিং অমসুং নুপাশিং!

গ্লোবল আয়ুশ ইনভেস্তমেন্ত এন্দ ইন্নোভেশন সম্মিত অসিদা ময়াম পুম্নমকপু তরাম্না ওকচরি! ঐখোয়না অনম্বা মতমদা তোঙান-তোঙানবা সেক্তরশিংদা ইনভেস্তমেন্ত তৌনবগীদমক্তা ইনভেস্তমেন্ত সম্মিত পাংথোকখি অমসুং মরু ওইনা গুজরাত্তদি মসিগী চৎনবী অসি মখা চৎথদুনা লাক্লি। অদুবু অহানবা ওইনা আয়ুশ সেক্তরগীদমক্তা অসিগুম্বা ইনভেস্তমেন্ত সম্মিত অসি পাংথোক্লি।

মরুপশিং,

অসিগুম্বা ইনভেস্তেমন্ত সম্মিতকী আইদিবা অসি ঐঙোন্দা মালেম অসিদা কোরানানা মরম ওইরগা তুংদা-লৈতাদবা মতম অদুদা লাকখিবনি। ঐখোয় ময়াম্না কোরোনাগী মতম অদুদা উরিবনি, করম্না আয়ুরবেদিকক্কী হিদাক-লাংথকশিং, অয়ুশকী হিদাক মহি অমসুং অসিগুম্বা প্রোদক্তস কয়া অমা, ইম্যুবিতী হেনগৎহনবদা মীয়ামগী মতেং পাংখি অমসুং মদুনা মরম ওইরগা কোরোনাগী মতমদা ভারত্তগী য়াইঙংগী এক্সপোর্ত য়াম্না হেন্না হেনগৎখি। মসিনা তাকপদি, মতম অসিদা ঐখোয়না উবা ফংলি মদুদি মতম অসিগী মোদর্ন ফার্মা কমপনীশিং, ভেক্সিন মেন্যুফেকচররশিং, মখোয়দা মতম চানা ইনভেস্তমেন্ত তৌবা মতমদা য়াম্না চাউবা থবক অমা পাংথোক্তুনা উৎখিবা অসি মসিগী খুদমনি।  কনানা থাজরুগনি অসুক থুনা কোরোনা ভেক্সিন অসি পুথোরক্কনি হায়বা – মেদ ইন ইন্দিয়া। ইন্নোভেশন অমসুং ইনভেস্তমেন্ত সেক্তর অমহেক্তগী পোতেন্সিয়েল অদুবু শরুক কয়া থোক্না হেনগৎহল্লি। হৌজিক্তি আয়ুশ সেক্তরদসু ইনভেস্তমেন্ত থাদবগী চাং হেনগৎহনবগী মতম ওইরে। ঙসিগী থৌরম, ঙসিগী সম্মিত অসি মসিগীদমক্তা ওইনা য়াম্না ফবা অহৌবনি। 

মরুপশিং,

আয়ুশকী সেক্তরদা ইনভেস্তমেন্ত অমসুং ইন্নোভেশনগী ওইথোকপা য়াবা কয়া অমা লৈ। আয়ুশকী হিদাক-লাংথকশিং, সপ্লিমেন্তশিং অমসুং কোস্মেতিকশিং পোৎলমশিং অসি পুথোকপদা হান্নদগী হেন্না খোংজেল য়াংখৎলকপা থেংনরি। ২১০৪ আয়ুশকী সেক্তরদা বিলিয়ন দোলর ৩দগী তানা থবক লৈরম্মি অদুবু হৌজিক্তি বিলিয়ন দোলর ১৮ হেনখ্রে। মালেম অসিদা আয়ুশকী পোৎলমশিংগী দিমান্দ হেনগৎলক্লিবা অসিগী মতুং ইন্না মসিদগী লাক্কদবা চহি খরা অসিদা অমুক্কসু হেন্না চাউখৎহল্লগনি।  ন্যুত্রিস্নেল সপ্লিমেন্তশিং, হিদাক-লাংথকশিংগী সপ্লাই চেন মেনেজমেন্ত, আয়ুশকা মরি লৈনবা দাইগ্নোস্তিক তুলশিং, নত্রগা তেলিমেদিসিন, মাইকৈ খুদিংমক্তা ইনভেস্তমেন্ত অমসুং ইন্নোভেশনগী ওইথোকপা য়াবা ময়াম অমা লৈ।

মরুপশিং,

আয়ুশ মন্ত্রালয়না ত্রেদিস্নেল মেদিসিনগী লমদা স্তার্তঅপ কলচর অসিবু থৌগৎনবগীদমক্তা খোংথাং কয়া অমা পাইখৎখি। নুমিৎ খরগী মমাংদা ওল ইন্দিয়া ইন্সতিত্যুত ওফ আয়ুরবেদকী কুত্থাংদা দেবলপ তৌবা ইনক্যুবেশন সেন্তর অমা শঙ্গাখ্রে। শিনখিবা ‘স্তার্তঅপ চেলেঞ্জ’ অদুদা নহাশিংনা থবাও য়াওবা উৎলকপা অদু য়াম্না এনকরেজিং ওই অমসুং নহা ওইরিবা ঐগী মরুপশিং নখোয়না হেন্না খঙই মদুদি মতম অসি অমরোমদা স্তার্ত অপকী সনাগী য়ুগ হৌখ্রে। অমরোমদদি মতম অসি য়ুনিকোর্নগী মতম্নি। ২০২২দা হৌজিক ফাওবদা ভারতকী স্তার্তঅপ ১৪ য়ুনিকোর্ন ক্লবকী মনুং চনখ্রে। ঐহাক্না থাজৈ মদুদি আয়ুশকী ঐখোয়গী স্তার্তঅপশিংদগীসু য়ুনিকোর্নশিং থোরকখিগনি।

মরুপশিং,

ভারত্তা হর্বল প্লান্তশিংগী লনগী তুংনফম্নি অমসুং হিমালয় অসি মসিগীদক্তা খঙনরিবনি, মসি অমরোমদা হায়রগদি ‘অশংবা সনা’নি। ঐখোয়গী অদুদা হায়নবা খরা লৈ, অমন্ত্র অক্সর নাস্তি, নাস্তি মুল অনোশধ। মসিনা হায়রিবসি মন্ত্র অমত্তা শোন্দবা ময়েক অমত্তা লৈতে, হিদাক শেম্বা য়াদবা মরা, মনা-মশিং অমত্তা লৈতে। মসিগী মহৌশাগী লন অসিবু মওইবা জাতিগী য়াইফনবা শিজিন্ননবগীদমক্তাঐখোয়গী সরকার অসিনা হর্বল অমসুং মেদিস্নেল প্লান্তশিংগী পোত্থোক লেপ্তনা পুথোক্নবা থৌগৎলি।  

মরুপশিং,

হর্বশিং অসুং মেদিস্নেল প্লান্তশিং পুথোকপনা, লৌমীশিংগী ইনকম অমসুং হিংননবগী লম্বি হেনগৎহনবদা য়াম্না ফবা পাম্বৈ অমা ওইগনি। মসিদা এমপ্লোইমেন্ত জেনরেশনগীদমক্তা স্কোপ য়াম্না লৈ। অদুবু অসিগুম্বা পাম্বিশিং অমসুং পোত্থোকশিং অসিগী মার্কেত অসি য়াম্না লিমিতেদ ওই, স্পেসিয়েলাইজ ওইদে। মেদিস্নেল প্লান্তশিং থাবা লৌমীশিংনা য়াম্না কোম্না মার্কেত্তা য়াম্না কোম্না য়ৌহন্নবগী খুদোংচাবা ফংবা হায়বসি তঙাইফদে। মসিগীদমক্তা সরকারনা আয়ুশ ই-মার্কেত প্লেসকী মোদর্নাইজেশন অমসুং এক্সপান্সনগীদমক্তা য়াম্না য়াংনা থবক পাইখ৭লি। মসিগী পোর্তল অসিগী মতেংনা হর্বশিং অমসুং মমেদিস্নেল প্লান্তশিং থারিবা লৌমীশিংবু  আয়ুশকী প্রোদক্তশিং শাবা কমপনীশিংগা শম্নহল্লগনি।

মরুপশিং,

আয়ুশকী প্রোদক্তশিং অসিবু প্রোমোত তৌনবগীদমক্ত হৌখিবা চহি খরা অসিদা হায়নিংঙাই লৈতনা হোৎনখি। অতোপ্পা লৈবাকশিংদা আয়ুশকী হিদাক-লাংথকশিং অসিবু মশক খঙহন্নবা হোৎনখি। মসিগীদমক্তা ঐখোয়না হৌখিবা চহি খরা অসিদা তোঙান-তোঙানবা লৈবাকশিংগা লোইননা এম.ও.য়ু. ৫০ হেন্না খুৎয়েক পীনখি। ঐখোয়গী আয়ুশ এক্সপর্তস ব্যুরো ওফ ইন্দিয়ন স্তেন্দর্দকা খুৎশম্নদুনা আই.এস.ও. স্তেন্দর্দশিং পুথোক্নবা হোৎনরি। মসিনা আয়ুশকীদমক্তা লৈবাক ১৫০দগীসু হেন্নদা য়াম্না চাউরবা এক্সপোর্ত মার্কেত অমা হাংদোক্লগনি। অসুম্না এফ.এস.এস.এ.আই.না মমাংগী চয়োলদা মখোয়গী রেগুলেশনশিংদা ‘আয়ুশ আহার’ হায়বা কেতেগোরী অমা লাওথোকখ্রে। মসিদগী ন্যুত্রস্নেল সপ্লিমেন্তশিংগী পোত্থোকশিংদা কান্নবা য়াম্না পীগনি। ভারতনা অখন্নবা আয়ুশ মার্ক অমা শেম্লগনি, মসিনা গ্লোবল আইদেন্তিতি অমা লৈহল্লগনি। মসিগী মার্ক অসি ভারত্তা শাবা ক্বালিতী খ্বাদগী ৱাংবা আয়ুশকী পোত্থোকশিংদা শিজিন্নগনি। মসিগী আয়ুশ মার্ক অসি মতম অসিগী অনৌবা তেক্নোলোজীগী প্রোভিজন লৈগনি। মসিদগী, মালেম পুম্বগী মীশিংনা ক্বালিতী লৈবা আয়ুশকী প্রোদক্তশিংদা থাজগনি। হন্দক্তা শেমখিবা আয়ুশ এক্সপোর্ত প্রোমোশন কাউন্সিলনা এক্সপোর্ত থৌগৎকনি অমসুং মার্কেত থিবদা মতেং পাংগনি।

মরুপশিং,

নখোয় ময়ামদা করিগুম্বা অমগা লাউথোকচগে। লৈবাক অসিদা আয়ুশকী প্রোদক্তশিং প্রোমোত তৌনবীদমক্তা রিসর্চ অমসুং মেন্যুফেকচরিং থৌগৎনবগীদমক্তা ঐখোয়গী সরকার অসিনা আয়ুশ পার্কশিংগীনেতৱার্ক শেম্লগনি। মসিগী আয়ুশ পার্কশিং অসিনা আয়ুশ মেন্যুফেকচরিংবু অনৌবা লম্বি মাইকৈ অমা উৎলগনি।

মরুপশিং,

ঐখোয়না মেদিকেল তুরিজম উরি, ঙসি ভারত অসি মেদিকেল তুরিজমগীদমক্তা মালেমগী লৈবাক কয়া অমনা পুক্নিং চিংশিন্নিংঙাই ওইবা দেস্তিনেশন অমা ওইরি। মসিগী মতাংদা য়েংলগা মেদিকেল তুরিজমগী সেক্তর অসিদা ইনভেস্তমেন্তকী ওইথোকপা য়াবা কয়া অমা লৈ। কেরলাগী তুরিজমবু চাউখৎহনবদা ত্রেদিস্নেল মেদিসিনগী চাউরবা থৌদাং লৈ। লৈবাক অসিদা খোংজেল য়াংনা চাউখৎলক্লিবা মতম অসিগী অনৌবা কনেক্তিবিতী ইনফ্রাস্ত্রকচরনা মসিবু অমুক্কসু হেন্না মতেং পাংলগনি। ভারত অসি হেল্থ তুরিজমগীদমক্তা পুক্নিং চিংশিন্নিংঙাই ওইবা মফম অমা ওইরকপনা মপাল লমগী নগরিকশিংনা ভারত্তা লাক্লগা আয়ুশকী লাইয়েংগী কান্নবা পাম্লিবশিংগীদমক্তা সরকার অসিনা অনৌবা খোংধাং অমা পাংইখৎলি। অথুবা মতমদা ভারতনা অখন্নবা আয়ুশ ভিজা কেতেগোরী হৌদোক্লগনি। মসিনা আয়ুশ লাইয়েংগীদমক্তা ভারত্তা চত্থোক-চৎশিন তৌবদা য়াম্না কোমহল্লগনি।

মরুপশিং,

ঐখোয়না অয়ুরবেদকী মতাংদা ৱারি শারবনিনা, ঙসি নখোয় ময়ামদা য়ম্না মরু ওইবা ৱাফম খরা হায়গে। ঐহাক্না ঐগি মরুপ অমসুং কেন্যাগী প্রেসিদেন্তরাইলা ওদিঙ্গা জী অসমুং মহাক্কী মচানুপী রোসমেরিবুসু পনবা পাম্লি। রোসমেরী নং অসিদা লৈব্রা? হোই মহাক অসিদা লৈ, রোসমেরী গুজরাত্তা তরাম্না ওক্লি। রোসমেরীগী থৌদোক অদু য়াম্না নুংঙাইবা থৌদোক্নি, মসি ঐহাক্নআ নখোয় ময়ামদা খঙহনবা পামই। নুমিৎ খরনিগী মমাংদা মহাক্কী মপাবুং ঐগী য়াম্না লুনা তিনবা মরুপ, ওদিঙ্গা জীনা  ঐহাকপু উনবা দিল্লীদা লাকখি, নোংমাইজিং নুমিৎনি অমসুং ঐহাক্না খরা কুইনা ফমগে হায়না লেপ্তুনা চৎপনি, মতম কুইরবগী মতুংদা ঐখোয় অনি অসি উনখি। মতম অদুদা মহাক্না রোসমেরীগী পুনশিদা মায়োক্নরিবা অৱাবা অদুগী মতাংদা হায়খি, রোসমেরীগী মিত্তা নুংঙাইতবা খরা লৈ অমসুং মদুগীদমক্তা সর্জরী তৌখি, মহাক্কী ব্রেনদা ত্যুমরগী প্রোব্লেম লৈরম্বা য়াই অমসুং অমসুং অদুনা মরম ওইরগ আসরজরী তৌখিবনি অমসুং মদুগী সর্জরী অদুদা রোসমেরী মমিৎ উবা ফংখিদে। ওদিঙ্গানা মপা অমা ওইবনা মালেম শীনবা থুংনা  থিদুনা য়েংহনখি। অদুবু ফবা কোয় আলৈখিদে। অরোইবদা মহাক্না ভারত্তা মাইপাকপা ঙমখি অমসুং মদুসু আয়ুর্বেদকী লাইয়েংনা মরম ওইরগা। আয়ুরবেদকী লাইয়েং চত্থখি অমসুং রোসমেরীগী মমিৎ অমুক হন্না উবা ফংলে। মহাক্না অহানবা ওইনা মহাক্কী মচাশিং অদু উবা ফংবদা মহাক্কী পুনশিগী খ্বাইদগী মমল য়াম্লবা মতম্নি হায়না ওদিঙ্গা জীনা তম্লকখি। রোসমেরীসু ঙসি অসিগী সম্মিত অসিদা শরুক য়াবসি য়াম্না হরাওই, মহাক্কী মনাওনুপীশু য়াওরক্লি। মহাক্কী মনাওনুপীদি ত্রেদিস্নেল মেদিসিন তাক্লি অমসুং মহাক্কী এক্সপরিবেন্স অদু নখোয় ময়ামদা শিয়র তৌরবা য়াই।

মরুপশিং,

২১শুবা চহি চাগী ভারত, মালেম অসিদা মখোয়গী এক্সপরিয়েন্স, লৌশিং অমসুং অখঙবা পুম্নমক মালেম অসিদা শিয়র তৌদুনা খুমাং চাউশিনবা পাম্লি। ঐখোয়গী লিগেসী, মীওইবা জাতিগী লিগেসীগুম্বনি। ঐখোয় ৱাসুদেব কুতুম্বকমগী কাংবুনি। ঐখোয়না মালেম অসিগী অৱাববু হন্থহন্নবগী অচেৎপা ফিরেপ লৌরবা মীওইশিংনি। সর্বে সন্তু নিরাময়া:, মসিনি ঐখোয়গী মন্ত্র অসি। ঐখোয়গী আয়ুরবেদ, চহি লিশিং কয়াগী চৎনবী,  চহি লিশিং কয়াদগী নিংজরকপা অদুগ খুদম্নি অমসুং মসি ঐখোয়না রামায়নদগী তাদুনা লাক্লি,  লক্সমন জীনা ৱান্থদুনা লৈবা মতমদা হনুমান জী না হিমালয়চত্তুনা মফম অদুদগী হিদাক্কী ওইবা মনা-মশীং পুরক্তুনা লাকখি। আত্মানির্ভর ভারত মতম অদুদসু ওইখি। আয়ুরবেদনা চাউখৎপগী য়াম্না মরু ওইবা মরম অসি ওপন সোর্স মোদল অসিনি। মতম অসিগী দিজিতেল ৱার্লদ অসিদা ওপন সোর্সকী মতাংদা য়াম্না খন্ন-নৈনৈ অমসুং খরা অমনদি মসি মখোয়না পুথোকপনি হায়না লৌই। মখোয়শিং অদুনা খঙবা ঙমদ্রে মদুদি মফম অসিদা চহি লিশিং কয়াদগী ওপন সোর্সকী চৎনবী অসি ইন্দুনা লাক্লি অমসুং হায়ুর্বেদ অসি মদুগী ওপন সোর্স অদুদগী চাউখৎপা ঙম্লিবনি। য়ুগ খুদদিংদা খনবা, ফংখিবা অদু হাপচিন্দুনা লাকখি। হায়বদি আবুরবেদ চাউখৎপগী ঈহৌ অসি চহি লিশিং কয়াদগী চত্থদুন আলক্লিবনি। মতম মতমগী স্কোলরশিং অদুনা থেংনরকপশিং অদু মখোয়না নৈনখিবশিং অদুনা আয়ুরবেদ অসিবু হেন্না মপাঙ্গল কনখৎহল্লিবনি। হৌজিক কানগী মতম অসিদসু ঐখোয়না ঐখোয়গী পারি-পুরিশিংদগী তমশিনদুনা মসিগী ইন্তেলেকচুৱল ওপন্নেস অসিগী ৱাখল্লোনগা লোইননা থবক তৌগদবনি। ত্রেদিস্নেল মেদিসিনগা মরি লৈনবা লৌশিংবু চাউখৎহনবা অমসুং চাউথোকহনবা অসি মসিবু সাইন্তিফিক স্পিরিত্তা য়েংবা মতমদা, মতম অমসুং ফিভমগী মতুং ইন্না শেম্বা মতমদা ওইথোক্কদোরিবনি।

মরুপশিং,

হয়েং জামনাগরদা দবল্যু.ঐচ.ও.- গ্লোবল সেন্তর ফোর ত্রেদিস্নেল মেদিসিন শঙ্গাখ্রে, হায়বদি গুজরাতকী লৈবাক অসিদা জামনাগরদা মালেম অসিগী ত্রেদিস্নেল মেদিসিনগী সেন্তর অমা হাংবা হায়বসি ভরতমচা খুদিংমক্কী অমসুং গুজরাতী খুদিংমক্কীদমক্তা য়াম্না চাউথোকচনিংঙাই ওইবা ৱাফম অমনি। অমসুং ঙসি অহানবা আয়ুশ ইন্নোভেশন এন্দ ইনভেস্তমেন্ত সম্মিত্তা শরুক য়ারি, মসি য়াম্না ফবা অহৌবা অমনি। মতম অসি ভারতনা নিংতম্বগী চহি ৭৫ শুবগী কুমওন অজাদি কা অমৃত মাহোতসব পাংথোকপা মতমনি। লাক্কদবা চহি ২৫গী অমৃত কাল মতম অসিদা মালেম অসিগী কাচিন কোয়াদা ত্রেদিস্নেল মেদিসিনগী খ্বাইদগী ফবা মতম ওইগনি। ঙসি অসি নাকল অমরোমদা মালেম অসিগী ওইনা ত্রেদিস্নেল মেদিসিনগী অনৌবা য়ুগ অমা হৌদোক্লিবনি। ঙসিগী গ্লোবল আয়ুশ ইনভেস্তমেন্ত এন্দ ইন্নোভেশন সম্মিত অসিনা অয়ুশকী লমদা ইনভেস্তমেন্ত ত্রেদ অমসুং ইন্নোভেশনগী অনৌবা লম্বি অমা হাংলগনি হায়বা ঐহাক্না থাজৈ। ঙসি ভারতকী মপান্দগী লাক্লিবশীং অমসুং ভারতকী তোঙান-তোঙানবা মফমশিংদগী অহানবা ওইনা লাক্লিবশিংদা মহাত্মা মন্দিরদগী দান্দি কুতির শোইদনা থেংনবীয়ু, মহাত্মা গান্ধীসু ত্রেদিস্নেল মেদিসিগী হৌদোরকপা কাংবুগী মরক্তা অমা ওইরকখি, নিংতম্বগী অসিগুম্বা মতম অসিদা মহাত্মা গান্ধিগা নকশিন্নবা হোৎনবীয়ু। মসিগী খুদোংচাবা অসি মাংহনবীগনু। দবল্যু.ঐচ.ও.গী দাইরেক্তর জেনরেল তেদ্রোসনা মহাক্না খঙলিবা পুম্বা ভারতকী তীচরশিংনা তাকপীরম্বনি, মখোয় মাগা লোইনদুনা লৈরম্মি, মহাক্না খঙলিবা পুম্বা মখোয়না তম্বিরম্বা ঙাক্তনি, মহাক্কী পুনশিদা ভারতকী ওজাশিংগী য়াম্না চাউরবা থৌদাং লৈ অমসুং ভারতকা মরি থম্বদা ঐহাক য়াম্না চাউথোকচৈ হায়না হায়খি। মহাক্না মহাক্কী গুজরাতি মমিং থোনবীনবা হায়রকখি। মরম অদুনা মহাত্মা গান্ধিগী অসিগুম্বা শেংলবা মফম অসিদা অথোইবা মরুপ অসিগী গুজরাতিদা অসি তুলসিভাই হায়না কৌরে, তুলসি  অসি ভারতকী য়ুমথোং খুদিংদা থাবা, পুজা তৌবা, মসিগ চৎনবী লৈ। তুলসি অসি ভারতকা তৎনা থানবা য়াদ্রবা মরি অমা লৈঅমসুং মরম অদুনা আয়ুরবেদকী সম্মিত পাংথোক্লি অমসুং নখোয় ময়াম্না কঙবদা হরাওগনি মদুদি দিৱালিগী মতুংদা মফম অসিদা তুলসিগী লুহোংবগী য়াম্না চাউবা থৌরম পাংথোকই। আয়ুরবেদগা মরি লৈনবা তুলসি অমসুং গুজরাতি ওইবনা ভাই য়াওদ্রবদি ওইথোক্তবনিনা, অদোম্না গুজরাতি ঙানবা হোৎনবা অমসুং নহাকপু তম্বিরিবশিং অদুগীদমক্তা নহাক্না মতম চুপ্পা ইআকিখুম্নদুনা লাকখি, মহাত্মা গান্ধিগী য়াম্না শেংলবা মফম অসিদা অদোমবু তুলসিভাই হায়না কৌবদা য়াম্না নুংঙাইবা ফাওই। ঐহাক্না অমুক্কসু হন্না অসিগুম্বা য়াম্না মরু ওইবা মীতি অসিদা ঐখোয়গী মরক্তা তিল্লরে, মসিগীদমক্তা ঐহাক্না তৌবীমল খঙবা উৎচরি। হন্না-হন্না থাগৎচরি!

*****