রিসর্চরশিংনা কোল্দ এতমোস্ফেরিক প্রেসর প্লাসমা (সি.এ.পি.)গী মতেংদগী প্লাসমা-বেজ দিসইনফেক্তেন্ত অমা শেমগৎখ্রে, মসিনা কোবিদ-১৯গী ওইনদি গ্রীন দিকন্তামিনেন্ত অমা ওইনা মথৌ তৌবা ঙম্লগনি৷

কোবিদ-১৯ লাইনা-লাইচৎ অসিনা শোক্ন-শম্নবদগী শন্দোক্কনবা লাইনাশিং অসি শন্দোকপা থিংবা ঙম্বা দিকন্তামিনেন্তশিংগী তঙাই ফদবা লৈহল্লকখ্রে৷ অদুমওইনমক, দিকন্তামিনেন্ত অয়াম্বনা অকোইবগী ফিভমদা শোকহনবা য়াবা কেমিকেলশিংনা শারি৷ মসিনা মরম ওইদুনা রিসর্চরশিংনা হেন্না গ্রীন ওইবা অল্তরনেতিবশিংদা মাই ওনশিন্দুনা থবক তৌননবা থৌনা হাপখি৷

কোল্দ এতমোস্ফেরিক প্রেসর (সি.এ.পি.)না পুথোরকখিবা প্লাসমা অসিনা হ্যুমেন এ.সি.ই.২ রিসেপ্তরদা বাইন্দ তৌদুনা লৈরিবা বাইরেল ইনফেক্সন অমদি মতুং তারকপদা কোবিদ-১৯ নাহল্লিবা সার্স-কোব-২ স্পাইক প্রুতিনবু দিএক্তিবেৎ তৌহনবা ঙম্বগী শক্তি লৈ হায়বসি অসামগী গুৱাহতিদা লৈরিবা ভারত সরকারগী দিপার্তমেন্ত ওফ সাইন্স অমসুং তেক্নোলোজীগী (দি.এস.তি.)গী ওতোনোমস রিসর্স ইন্সতিত্যুত অমা ওইরিবা ইন্সতিত্যুত ওফ দি এদভান্স স্তদী ইন সাইন্স এন্দ তেক্নোলোজী (আই.এ.এস.এস.তি.)গী লাইফ সাইন্সেস অমদি ফিজিকেল সাইন্সেস দিবিজন্সকী দা. ঐচ. বাইলুং, দা. মোজিবর আর. খান অমদি দা. কমতচি সনকরানরায়ন য়াওবা সাইন্সতিস্তশিংগী তীম অমনা উৎখ্রে৷

লেবতা নিংথিনা কন্ত্রোল তৌরবা ফিভমশিংদা পুথোক্লিবা প্লাসমা অসি মালেম অসিদা খ্বাইদগী চাওনা লৈরিবা মেত্তরগী মরিশুবা মওং ওইরি অমদি মসিবু কোল্দ এতমোস্ফেরিক প্রেসর প্লাসমা (সি.এ.পি.) হায়নসু খঙনরি৷ সাইনম্তিস্তশিংনা প্লাসমাবু বোল্তেজ ৱাংবা ইলেক্ত্রিক ফিল্দ অমদা থাজিন্দুনা হেলিয়ম, আর্গোন অমদি নুংশিৎকুম্বা গ্যাসশিং শেম্লক্তুনা আইয়নশিং অমদি ইলেক্ত্রোনশিংগী ওইবা মিক্সর অমগা লোইননা স্তেবল ওইবা প্লাসমা অমা শেমদুনা রিএক্সন চেম্বর মনুংদা সি.এ.পি.গী লৈ মচুগী মঙাল অমা থাদোরকই৷

প্লাসমা অসিদা পুথোরক্লিবা মপুন্সি তেনবা রিএক্তিব য়াম্না ওইবা ওক্সিজেন অমদি নাইত্রোজেন স্পিসিস (আর.ও.এস./আর.এন.এস.) অসিনা সি.এ.পি. ত্রিতমেন্ত তৌবা মিনিত ২গী মনুংদা সার্স-কোব-২ স্পাইক প্রুতিন অসি মপুং ফানা দিএক্তিবেৎ তৌবা ঙম্মী হায়বসি হন্দক্তা ইকুই কুইদ্রিঙৈদা আর.সি.এস. (রোয়েলসোসাইতী ওফ কেমিস্ত্রী)গী ইন্তরনেসনেল জর্নেলদা ফোংখিবা রিসর্স অসিনা উৎলি৷

প্লাসমা-বেজ দিসইনফেক্তেন্ত মেথর্দ অমা ওইরিবা সি.এ.পি. অসি অকোইবগী ফিভমদা শোকহল্লিবা কেমিকেলদা বেজ তৌবা দিকন্তামিনেসন মেথর্দশিং অসিদগী হেন্না ফবা অল্তরনেতিব মেথর্দ অমা ওইরি হায়বসি রিসর্চরশিংনা উৎখি৷ “প্লাসমা ত্রিতমেন্তগী দিকন্তামিনেন্ত প্রোসেস পুম্বদা কেমিকেল ৱেস্ত অমতা পুথোক্তবনা, কোল্দ এতমোস্ফেরিক প্লাসমা অসি অকোইবদগী ফিভমদা অকাইবা পিদবা ওই৷

দিসইনফেক্সন মেথর্দ অসি তোঙান তোঙানবা বেক্তরিএল নত্রগা ফঙ্গেল ইনফেক্সনশিংগীদমক মখা শমথরবা য়াই হায়না লমজিংলিবা ওথরশিং দা. কমতচি সনকরানরায়ন অমদি দা. ঐচ. বাইলুংনা ফোংদোকখি৷

রিসর্স অসি আই.এ.এস.এস.তি.গী কোবিদ-১৯ তেস্তিং অমদি রিসর্স ফেসিলিতীদা পাংথোকখি অমদি মসিগী মতুং ইন্না দাইরেক্তর প্রোফেসর অসিস কে. মুখর্জীনা ঙসি ফাওবদা তেস্ত লাখ ১.৫৪ হেন্না পাংথোকখ্রে৷

পব্লিকেসন:

https://doi.org/10.1039/D2RA00009A

রাকেশ রুচেল খানিকর, মোনালিসা কলিতা, পরিসমিতা কলিতা, ভস্বাতি কেশ্যপ, সন্তানু দাস, মোজিবর আর. খান, হেরেম্বা বাইলুং*, কমতচি সনকরানরায়নন*

আর.এন.এ. দিএক্তিবেসন অমদি এ.সি.ই.২ প্রুতিনদা বাইন্দ তৌদুনা লৈরিবা সার্স-কোব-২ স্পাইক প্রুতিনগী মপাঙ্গল হন্থহল্লিবা কোল্দ এতমোস্ফেরিক প্রেসর প্লাসমা

আর.এস.সি. এদভান্স, ২০২২,১২,৯৪৬৬-৯৪৭২

*******

(Release ID: 1818212)