ইলেক্ত্রোনিক্স এন্দ ইনফোর্মেসন তেক্নোলোজী অমসুং স্কিল দিবেলপমেন্ত এন্দ ওন্তপ্রিনোরশিওকী রাজ্য মন্ত্রী, শ্রী রাজীব চন্দ্রসেখরনা লাউথোকখিবা বেঙ্গলুরুদা এপ্রিল ২৯, ২০২২গী অয়ুক্কী পুং ১১:০০ তাবা মতমদা পাঙথোক্কদবা খ্বাইদগী অহানবা সেমিকোন ইন্দিয়া ২০২২ কনফরেন্স প্রধান মন্ত্রী শ্রী নরেন্দ্র মোদীনা শঙ্গাগনি। সেমিকোন ইন্দিয়া – ২০২২, নুমিৎ ৩নিগী কনফরেন্স অসি প্রধান মন্ত্রী নরেন্দ্র মোদীগী ভারতপু ইলেক্ত্রোনিক্স মেন্যুফেকচরিং তৌবদা, সেমিকন্দক্তর দিজাইন তৌবদা, মেন্যুফেকচরিং অমসুং ইন্নোবেসন্দা ভারতপু লুচিংবা অমা ওইহন্নবা মঙলান অদু মাংদা পুখৎনবা শিনবনি।

থৌরম অসিদা ইন্দিয়া সেমিকোন মিসনগী মতাংদা ৱা ঙাংলদুনা, শ্রী রাজীব চন্দ্রসেখরনা হায়খি পি.এম.গী বিজন অসি ভারতপি গ্লোবেল সেমিকন্দক্তর ভেল্যু চেন্দা অচৌবা প্লেয়র অমা ওইহনবনি। হৌখিবা চহি ৭৫ অসিদা অহানবা ওইনা, লম অসিদা অচৌবা কান্নরবা খোঙথাংশিং লৌখৎখি হায়না মহাক্না মখা তাখি। সেমিকোন ইন্দিয়া ২০২২  কনফরেন্স অসিনা মালেম শিনবা থুংবদগী সেমিকন্দক্তর ইন্দস্ত্রী, রিসর্চ অমসুং একাদেমিয়াগী খ্বাইদগী ৱাখল লৈবা মীওইশিংগী মীৎয়েং চীংশিনগনি অমসুং মসিনা ভারতপু ইলেক্ত্রোনিক্স অমসুং সেমিকন্দক্তর ইন্নোবেসন হব অমা ওইহন্নবা মঙলিবা মঙলান অদু মঙফাওনহনবদা অচৌবা খোঙথাং অমা ওইরগনি।

সানখ্যা লেবস প্রাইবেৎ লিমিতেদখী সি.ই.ও. শ্রী পরেগ নাইক অমসুং আই.আই.তি. দিল্লীগী দিরেক্তর প্রোফেসর কামাকোতি অমসুং ইন্দতেল ইন্দিয়াগী কন্ত্রী হেদ কুমারি নিবরুতি রাইনা থৌরম অসিদা মখোয়গী ৱাখল্লোনশিং শিয়র তৌখি অমসুং সেমিকোন ইন্দিয়া কনফরেন্স পাঙথোক্কনি হায়না লাউথোকখিবা অসিবু তরাম্না ওকখি।

মসিবু লুচিংগদবা কম্মিতদা ভারতকী সেমিকন্দক্তর অমসুং ইলেক্ত্রোনিক্স মেন্যুফেচরিংগী পান্দমশিং অসি শাহৌ পীনবগী মাইকৈদা সরকারগী কোল্লাবোরেতিব এপ্রোচ উৎলিবা স্তার্তঅপশিং, একাদেমিয়া অমসুং গ্লোবেল ইন্দস্ত্রীগী লুচিংব কয়া য়াওখি।

সেমিকোন ইন্দিয়া ২০২২ কনফরেন্স অসি ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয়না এপ্রিল ২৯দগী মে ০১, ২০২২ ফাওবা দিজাইন এন্দ মেন্যুফেকচর ইন ইন্দিয়া, ফোর দি ৱর্ল্দ: মেকিং ইন্দিয়া এ “সেমিকন্দক্তর নেসন” হায়বা থিম অসিদা বেঙ্গলুরুগী আই.তি.সি. গার্দেনিয়াদা পাঙথোক্কনি। কনফরেন্স অসিদা শরুক য়াগদৌরিবা মীওই খরগী মমিং অদুদি মাইক্রোনগী সি.ই.ও. সঞ্জে মেহরোত্রা, কেদেন্সকী সি.ই.ও. অনিরুথ দেবগান, ইন্দো-য়ু,এস, ভেঞ্চর পার্তনরসকী ফাউন্দর বিনোদ ধাম, সেমিগী প্রসিদেন্ত অজিৎ মনোচা, ইমেরিতস স্তেনফোর্দকী প্রোফেসর আরোগ্যা স্বামি পোল রাজনি। শ্রী চন্দ্রসেখরনা মন্ত্রালয়না সেমিকন্দক্তর স্পেসতা পার্তনরশিপ অমসুং এলাইন্স লৈহন্নবা নুমিৎ হুমনিগী ওইবা কনফরেন্স অসিদা এম.ও.য়ু. কয়া খুৎয়েক পীনগনি হায়না থাজবা থম্মি হায়না পাউদমখি।

মসিগী কনফরেন্স অসি ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়না শিনগদবা রোদশোগী সিরিজদা অহানবা রোদশো ওইনা উৎলগনি। সেমিকন্দক্তর দিজাইন অমসুং মেন্যিফেকচরিংদা শরুক য়ারিবা ইন্দস্ত্রী অমসুং একাদেমিয়াদগী মালেমগী এক্সপর্তশিং অমসুং সরকারগী মীহুৎশিংনা থৌরম অসিদা শরুক য়াগনি।

ইন্দিয়া সেমিকন্দক্তর মিসন (আই.এস.এম.)দা মতম কুইনা চৎকদবা, মপাঙ্গল অমসুং মাই পাকপা পীনবা ভর্চুএল ওইনা শরুক য়াখিবা স্তীরিং কম্মিতী মেম্বরশিংগী মমাংদা শ্রী রাজীব চন্দ্রশেখরনা থৌরম অসিগী মনুংদা মসিগী লোগোগী মাইখুম হাংদোকখি। লোগো অসি মাইগোভনা শিনখিবা ক্রাউদ সোর্সিং কম্পিতিসন অমদা শরুক য়াখিবা বরানাসিদগী শ্রী প্রশান্ত মিশ্রানা শেমখিবনি। লোগি অসিনা সেমিকন্দক্তরগী মশক তাক্লিবা ‘এস’ কী মওং মতৌদা অপুনবা এপ্রোচ অমসুং মওং মতৌশিংগী মশক তাক্লদুনা – খুৎ শোক্নবগী মওং উৎলি।

ইন্দিয়া সেমি কন্দক্তর মিসন (আই.এস.এম.) অসি সেমিকন্দক্তরশিং দিভেলপ তৌনবা অমসুং দিস্প্লে মেন্যুফেকচরিং ফেসিলিতীশিং অমসুং সেমিকন্দক্তর দিজাইন ইকোসিস্তেমগী ভারতকী মতম শাংনা চৎকদবা লালোংশিং শেম্নবা অমসুং পুখৎনবা এদমিনিস্ত্রেতিব অমসুং ফাইনান্সিএল ওতোনোমী লৈবা দিজিতেল ইন্দিয়া কোর্পোরেসনগী মখাদা লৈবা মনিংতম্বা বিজিনেস দিভিজন অমা ওইনা শেমগৎখি। সেমিকন্দক্তর অমসুং দিস্প্লে ইন্দস্ত্রীদা মালেমগী এক্সপর্তশিংনা লুচিংনবা পান্দম থম্লিবা আই.এস.এম. অসিনা স্কিমশিং অসি কান্নগদবা, মরম চাবা অমসুং অপনবা লৈতনা ইম্প্লিমেন্তেসন তৌবা নোদেল এজেন্সী অমা ওইনা মথৌ তৌগনি।

***