হকশেল অমসুং য়াইফ-য়ুম্বাল মন্ত্রালয়
azadi ka amrit mahotsav

২০২২গী এপ্রীল ১৬তা ফোংখিবা “ইন্দিয়া ইজ স্তেলিং দি দবল্যু.ঐচ.ও.এস. ইফর্তস তু মেক গ্লোবেল কোবিদ দেথ তোল পব্লিক” হায়না মমিং থোনবা ন্যু য়োর্ক আর্তিকলগী পাউখুম

Posted On: 16 APR 2022 10:46PM by PIB Imphal

ভারতনা ইসু অসিদা দবল্যু.ঐচ.ও.গা চাং-নাইনা অমদি কুপথনা তেক্নিকেল একচেঞ্জ তৌখ্রে৷ তাইয়র- Iগী লৈবাকশিংদগী হকথেংননা ফংখিবা মোর্তেলিতী ফিগরশিং অদু শিজিন্নদুনা এনালাইসিস অসিনা তাইয়র- II  লৈবাকশিংগীদমক (ভারত য়াওনা) মেথমেতিকেল মোদেল্লিং প্রোসেস অমা শিজিন্নরি৷ ভারতকী মরু ওইবা ওবজেক্সন অসি রিজল্ত অদুদা নত্তে (অমবু ওইরগসু মখোয়না ফংবা ঙমগনি), হায়রিবা অসিগীদমক শিজিন্নখিবা মেথোলোজী অদুদনি৷

ভারতনা দবল্যু.ঐচ.ও.দা ইসু তৌখিবা চিথী তরুক (নবেম্বর ১৭তা, ২০২১গী দিসেম্বর ২০দা, ২০২১গী দিসেম্বর ২৮দা, ২০২২গী জনুৱারী ১১দা, ২০২২গী ফেব্রুৱারী ১২দা অমসুং ২০২২গী মার্চ ২দা)  অমদি ২০২১গী দিসেম্বর ১৬, ২০২১গী দিসেম্বর ২৮, ২০২২গী জনুৱারী ৬, ২০২২গী ফেব্রুৱারী ২৫দা পাংথোকখিবা ভর্চুএল মীফমশিং অমসুং ২০২২গী ফেব্রুৱারী ১০দা পাংথোকখিবা এস.ই.এ.আর.ও. রিজনেল ৱেবিনার য়াওনা ফোর্মেল কম্ম্যিুনিকেসনগী পরিং অমগী খুৎথাংদা অতোপ্পা মেম্বর ওইরিবা রাজ্যশিংগা লোইননা লৈবাক অসিগী কন্সর্নশিং অদু মেথোলোজীগা লোইননা সেয়র তৌখ্রে৷ হায়রিবা একচেঞ্জকী মতমদা, অতোপ্পা মেম্বর রাজ্যশিং (খুদম ওইনা চাইনা, ইরান, বঙ্গলাদেশ, সিরিয়া, ইথোইপিয়া অমসুং ইজিপ্তকা লোইননা ভারতনা মেথোলোজী অমসুং দাতাগী অনওফিসিয়েল সেতশিং শিজিন্নবগী মতাংদা অখন্ননা খঙনিংবশিং পুখৎলকখ্রে৷

ভারতকী মীশিং অমদি জিওগ্রাফিকেল সাইজতা লৈবাক অমগী স্তেতিস্তিকেল মোদেল প্রোজেক্তশিং অসি মতৌ করম্না চাওরাক্না পাগদগে অমদি মীশিং হেন্না য়ামদবা অতোপ্পা লৈবাকশিংগা মতৌ করম্না চুনগদগে হায়বদু কন্সর্ন অসিদা অখন্ননা য়াওরি৷ অসিগুম্বা সাইজ অমা অসিদা এপ্রোচ অমসুং মোদেল পুম্নমক চুনরি, মসি তুনিসিয়াগুম্বা অপিকপা লৈবাকশিংগী ওইনদি অচুম্বা ওইরি, অদুবু মসি মীওই বিলিয়ন ১.৩গী মীশিং লৈরিবা ভারত্তদি চুনবা ওইদবা য়াই৷ দবল্যু.ঐচ.ও.না হৌজিক ফাওবগী ওইনদি লৈবাক কয়ামরোমদা হৌজিক লৈরিবা স্তেতিস্তিকেল মোদেলগী কনফিদেন্স ইন্তরবেল অসি সেয়র তৌখিবা লৈত্রি৷

মোদেল অসিনা তাইয়র I লৈবাকশিংদগী দাতা শিজিন্নবা মতমদা অমদি ভারতকী রাজ্য ১৮দগী বেরিফাই তৌদ্রিবা দাতা শিজিন্নবা মতমদা এক্সেস মোর্তেলিতী ইস্তিমেত ৱাংবা তোঙান তোঙানবা সেত অনি পী৷অসিগুম্বা ইস্তিমেত্তা খেন্নবা চাওনা লৈরকপা অসিনা অসিগুম্বা মোদেলিং এক্সর্সাইসকী বেলিদিতী অমদি একুরেসীদা নুংনাংনিংঙাই ওইরক্লি৷

করিগুম্বা মোদেল অসি একুরেত অমদি রিলাইয়েবল ওইরবদি, মদুবু তাইয়র I লৈবাকশিংগীদমক চলাইদুনা অশেংবা অচুম্বনি হায়বদু উৎথোক্কদবনি অমদি অদুগুম্বা এক্সর্সাইসকী রিজল্ত অদু মেম্বর রাজ্য পুম্নমক্তা সেয়র তৌবা য়াই৷

মোদেল অসিনা থাগী ওইবা তেম্পরেচর অমদি থাগী ওইনা চাংচৎতা শিরিবশিং অসিগী মরক্তা লৈরিবা ইনবর্স রিলেসন অমা লৌশিল্লি, মসিদা অসিগুম্বা অখন্নবা এম্পিরিকেল রিলেসনশিপ অসি শেমগৎনবগী সাইন্তিফিক বেক্কিং অমতা লৈতে৷ ভারত হায়বা লমদম অসিদা রাজ্য কয়ামরোমদা অমদি রাজ্য অমদা ফাওবা তোঙান তোঙানবা ক্লাইমেতিক অমদি সিজনেল কন্দিসনশিং পাক-চাওনা লৈরিবা লৈবাক অমনি, মরম অদুনা রাজ্য পুম্নমক্কী ওইনা তোঙান তোঙানবা সিজনেল পেত্তর্নশিং লৈ৷ মতৌ অসিগুম্না, রাজ্য ১৮গী দাতা অসিদা বেজ তৌদুনা নেসনেল লেবেল মোর্তেলিতী হোৎপা হায়বসি স্তেতিস্তিকেল্লী প্রুব তৌবা য়াদবা ওই৷

তাইয়র II লৈবাকশিংগী মোদেলিং বেজ তৌরিবা গ্লোবেল হেল্থ ইস্তিমেত (জি.ঐচ.ই.) ২০১৯ মশামক অসি ইস্তিমেত অমনি৷ হৌজিক লৈরিবা মোদেলিং এক্সর্সাইস অসিনা লৈবাক অসিদা ফংলিবা দাতা অসি মীরাইদুনা ইতিহাসিক ওইরবা ইস্তিমেতকী অতোপ্পা সেত অমদা বেজ তৌদুনা মশাগী ওইবা ইস্তিমেতশিং পীজবা মাল্লি৷ ভারতকী ওইনা থাজনিংঙাই ওইবা অশিবগী ফিগরশিং অসি পাথোকপা মতমদা করিগীদমক জি.ঐচ.ই. ২০১৯ অসি শিজিন্নখিবনো, অদুগা অমরোমদা, তাইয়র লৈবাকশিংগী ওইনদি, ভারতনা দাতা কল্লেক্সন অমদি মেনেজমেন্তগীদমক অফবা সিস্তেম অমা লৈ হায়না হঞ্জিন-হঞ্জিন পনখিবা মতমদা মখোয়না মশাগী ওইবা হিস্তোরিকেল দাতা সেতশিং অসি শিজিন্নখিবগী মরম করিগীনো হায়বসি ময়েক শেংনা খঙবা ঙমদ্রি৷

ভারতকী ওইনা চহি-নুপা-নুপী শিবগী চাং অসি হোৎতোক্নবগীদমক, দবল্যু.ঐচ.ও.না রিপোর্তেদ দাতাগা লোইননা লৈবাকশিংগীদমক (লৈবাক ৬১) চহি অমসুং নুপা-নুপীগী ওইবা স্তেন্তর্দ পেত্তর্নশিং লেপখি অমদি মোর্তেলিতী দাতাদা অসিগুম্বা দিস্ত্রিব্যুসন লৈতবা অতোপ্পা লৈবাকশিংদা (ভারত য়াওনা) মখোয়বু জেনেরেলাইজ তৌখি৷ খোংথাং অসিদা বেজ তৌদুনা, লৈবাক মরিনা (কোস্তা রিকা, ইজরেল, পেরাগ্বে অমদি তুনিসিয়া) রিপোর্ত তৌরকখিবা চহি-নুপা-নুপীগী ওইবা দিস্ত্রিব্যুসন অসিগী মখা পোন্না শিবা য়াই হায়না পানরিবা ভারতকী চহি-নুপা-নুপীগী ওইবা দিস্ত্রিব্যুসন অদু পারি৷

এনালাইসিসকীদমক শিজিন্নরিবা কোবারিয়েতশিংগী মনুংদা, হেন্না রেয়েলিস্তিক ওইবা গ্রেদেদ বেরিএবল অমা শিজিন্নবগী মহুৎতা ইনকমগী বাইনরী মিজর অমা শিজিন্নখ্রে৷ অসিগুম্বা মিজর অমগীদমক বাইনরী বেরিএবল অমা শিজিন্নরকপা অসিনা বেরিএবলগী মেগনিচুদ অসি চাওথোকহল্লকপা য়াই৷ দবল্যু.ঐচ.ও.না লৈবাক ৯০গী অমদি থা ১৮ (২০২০গী জনুৱারী-২০২১গী জুন ফাওবা) সেম্পল লৌদুনা এক্সেস মোর্তেলিতী মাংজৌননা লেপথোক্নবগীদমক বেরিএবলশিং অসিগী কম্বিনিসন অমবু খ্বাইদগী একুরেত ওই হায়বসি খঙবা ঙমখ্রে হায়না দবল্যু.ঐচ.ও.না ফোংদোকখ্রে৷ অসিগুম্বা খ্বাইদগী একুরেত ওই হায়না ফংলিবা বেরিএবলশিংগী কম্বিনিসনবু মতৌ করম্না জস্তিফিকেসন তৌগদগে হায়বগী অকুপ্পা মরোল অদু দবল্যু.ঐচ.ও.না হৌজিক ফাওবগী ওইনা পীদ্রি৷

ভারত্তা লৈরিবা কোবিদ-১৯ পোজিতিব ওইবগী চাং অসি মতম অমতদা লৈবাক পুম্বদা কৈদৌনুংদা চাং মান্ননা লৈখিদে৷ অদুবু, ভারত মনুংদা কোবিদ-১৯ পোজিতিব ওইবগী চাংদা অহোংবা লৈরকপা অসি মোদেলিংগী ওইবা হিরমশিংগীদমক্তদি খন্নখিবা লৈতে৷ মখাতানা, দবল্যু.ঐচ.ও.না খঙহল্লিবা কোবিদ-১৯ তেস্ত তৌবগী চাং অদুদগী হেন্না য়াংখৎনা ভারতনা কোবিদ-১৯ তেস্তশিং তৌখ্রে৷ ভারতনা প্রিফর তেস্তিং মেথর্দশিং ওইনা মোলিকুলর তেস্তিং তৌখ্রে অমদি স্ক্রিনিংগী ওইবা হিরমশিং খক্তগী ওইনা রেপিদ এন্তিজেন শিজিন্নখি৷ ভারতকী ওইনা মোদেল অসিদা অসিগুম্বা ফেক্তরশিং শিজিন্নখি হায়বসি হৌজিক ফাওবগী ওইনা পাউখুম ফংদ্রি৷

কন্তেনমেন্ত  হায়বসিদা মশামকপু ক্বান্তিফাই তৌজনবা সবজেক্তিব এপ্রোচ কয়া অমা (খুদম ওইনা স্কুল থোং লোনবা, থবক শুফম থোং লোনবা, পব্লিক ইভেন্তশিং কেন্সেল তৌবা) য়াওরি৷ অদুবু, অসিগুম্বা মিজরশিং চেকশিনবগী চাং অসি ভারতকী রাজ্যশিং অমদি জিলাশিংগী মরক্তা ফাওবা চাওনা খেৎনবনা, বারতকুম্বা লৈবাক অমগী ওইনদি কন্তেনমেন্তগী অসিগুম্বা মিজরশিং ক্বান্তিপাই তৌবা হায়বসি তশেংনা ওইথোক্লেোই৷ মরম অদুনা, প্রোসেস অসিদা মতুং ইল্লিবা খোংথাং অসি ৱাহং হংনিংঙাই ওইরি৷ অসিগীসু মথক্তা, মসিগুম্বা মিজরশিং অসি ক্বান্তিফাই তৌনবা সবজেক্তিব এপ্রোচনা তশেং তশেংনা লৈরিবা ফিভম অসিবু শোইদনা উৎলোইদবা বাইয়র্সনেস কয়া অমা মতম পুম্নমক্তা য়াওদুনা লৈগনি৷ হায়রিবা মিজর অসিগী সবজেক্তিব এপ্রোচকী মরমদা দবল্যু.ঐচ.ও.নসু য়াখ্রে৷

ভারতনা দবল্যু.ঐচ.ও.গা লোইননা অসিগুম্বা মান্নবা কনসর্নিং অসি ফোংদোক্লবসু, দবল্যু.ঐচ.ও.দগী পেন্নিংঙাইবা ওইবা পাউখুম অমতা হৌজিক ফাওবগী ওইনা ফংদ্রি৷

দবল্যু.ঐচ.ও.দা উন্নদুনা ৱারি-ৱতাই শান্নবগী মতমদা, য়ু.এস.এ., জর্মনী, ফ্রাঞ্চ য়াওনা তাইয়র I লৈবাক খরদগী ওফিসিয়েল্লী রিপোর্ত তৌরকখিবা কোবিদ-১৯গী দাতাদা ফ্লকচুয়েসন খরা লৈরিবা অসিনা দিজিজ ইপিদেমিয়োলোজীগী নোলেজ অসিবু মীরাইবিখি হায়নসু পনখি৷ মখাতানা, তাইয়র  I লৈবাকশিংগী মখাদা এক্সতেন্দেদ কমপ্লেক্স ইমর্জেন্সী লৈরিবা ইরাখকুম্বা লৈবাক অমা হাপচিল্লকপা হায়বসিনা লৈবাকশিংবু তাইয়র I/II হায়না খায়দোক্নবা দবল্যু.ঐচ.ও.না পারিবা অসিদা অমদি হায়রিবা লৈবাকশিংদগী রিপোর্ত তৌরক্লিবা মোর্তেলিতীগী ক্বালিতীদা চমম্নবা পোকহল্লি৷

অসিগুম্বা দাতা সেতশিং অসি পোলিসী শেম্বগী মাইকৈদগী য়েংলকপদা কান্নগদৌরিবনা ভারতনা দবল্যু.ঐচ.ও.গা কোলাবোরেত তৌননবা থোং হাংদুনা অদুমক থমখ্রে, পোলিসী মেকরশিংনা অসিগুম্বা দাতা অমা হেক্তবু য়াম্না থাজনা শিজিন্ননবগীদমক মেথোলোজীবু ময়েক শেংহনবা অমদি মদুগী বেলিদিতীবু ময়েক শেংনা প্রুফ তৌবা হায়বসি য়াম্না মরু ওই হায়না ভারতনা থাজরি৷

ন্যু য়োর্ক তাইমসনা ভারত্তা কোবিদ-১৯না মরম ওইরগা কা হেন্না শিবগী এলেজ ফিগরশিং ফংবা ঙমগনি হায়বসি য়াম্না ঙক্নিংঙাই ওই,  “অতোপ্পা লৈবাকশিংগী চাওরাকপা মশিং অদুদি খঙবা ঙমদে”!!

*******



(Release ID: 1817751) Visitor Counter : 33


Read this release in: English , Urdu , Hindi