নেস্নেল মিসন ফোর ক্লীন গঙ্গা (এন.এম.সি.জি.)গী দিরেক্তর জেনরেল, শ্রী জি. অশোক কুমারনা ভর্চুএল ওইনা সিংগাপুর ইন্তর্নেস্নেল ৱাতর ৱীক, ৱাতর কনবেন্সন ২০২২দাক্ শরুক য়াখ্রে অমসুং ‘স্তেতস ওফ ৱেস্তৱাতর জেনরেসন, ত্রীৎমেন্ত এন্দ মেনেজমেন্ত ইন ইন্দিয়া: সক্সেস থ্রু এন.এম.সি.জি. ইনিসিএতিবস’তা প্রজেন্তেসন অমা উৎখি। ৱাতর কনভেন্সনগী থিম ৩গী মখাদা ‘সস্তেনেবল ৱেস্তৱাতর মেনেজমেন্ত ইন দিবেলপিং কন্ত্রীজ: এন ইন্নোবেতিব ইন্দিয়ন এপ্রোচ ইন রিভর রিজুভনেসন’ হায়বা অসিদা এপ্রিল ১৭তা এন.এম.সি.জি.না শিনবা হোৎ ইস্যু ৱার্কশোপতা শ্রী কুমারনা ৱা ঙাংখি।

ভারত্তা ওইরিবা ঈশিংগী ফীভম অমসুং ৱাতর অমসুং ৱেস্তৱাতর সেক্তরদা লৈরিবা মরু ওইবা সরকারগী স্কিমশিংগী মতাংদা, শ্রী জি. অশোক কুমারনা ২০১৯দা জল শক্তি মন্ত্রালয় শেমখিবা অসি “পুৱারী ওইহৌরগদবা মীকুপ অমনি” হায়না ফোঙদোকখি অমসুং ভাবোক্তা জল শক্তি অভিয়ানগী মখাদা ‘কেৎচ দি রেন: হ্বের ইৎ ফোলস, হ্বেন ইৎ ফোলস’ কেম্পেনগী মাইপাকপগী মতাংদা খঙহনখি।

শ্রী কুমারনা নমামি গঙ্গে প্রোগ্রামগী মতাংদা শমলপ্পা ৱারোল অমা পীখি অমসুং প্রোজেক্ত অসিগী পোজিতিব ওইবা ফল অমসুং কান্নবা খরগী মরাংদা পনখি। মহাক্না অর্থ গঙ্গাগী মতাংদা ৱা ঙাংখি অমসুং ভাবোক্তা মসিগী ভর্তিকেল তরুক – জিরো বজেৎ নেচরেল ফার্মিং, লাইবলিহুদ জেনরেসন ওপুর্চুনিতীজ, কলচরেল হেরতেজ এন্দ তুরিজম, মোনিতাইজেসন এন্দ রিয়ুজ ওফ স্লদজ এন্দ ৱেস্তৱাতর, পব্লিক পার্তিসিপেসন অমসুং ইন্সতিত্যুস্নেল বিল্দিং হায়রিবশিং অসিগী মতাংদা পাউদমখি।

এন.এম.সি.জি.গী দি.জি.না নমামী গঙ্গে প্রোগ্রামগী ফেজ-IIনা য়মুনাগুম্বা গঙ্গাগী ত্রিব্যুতরীশিংদা সিৱেরেজ ইনফ্রাস্ত্রকচর শেম্বা অমসুং পি.পি.পি. দিবেলপমেন্ত তৌবা হেনগৎহন্নবা খোঙথাংশিংদা মীৎয়েং থমগনি হায়না ফোঙদোকখি। মহাক্না এন.এ.সি.জি.না রিক্লেম, রিয়ুজ অমসুং রিসাইক্লিংদা মীৎয়েং থম্বা সর্ক্যুলর ইকনোমী মোদেল অমা দিবেলপ তৌনবা হোৎনরি হায়না নৌহৌনা ফোঙদোকখি। তুংদা পাইখৎকদবা মরু ওইবা লমশিংগী মনুংদা অর্বান লোকেল বোদীশিংদা অমসুং খুঙ্গংগী মফমশিংদা ফিকল স্লদজ অমসুং সেপতেজ মেনেজমেন্ত তৌবা অসি অমা ওইগনি।

স্লদজ মেনেজমেন্তগী মতাংদা হংবা ৱাহং অমদা, শ্রী কুমারনা হায়খি: “নুমিৎ খুদিংমক স্লদজ তন কয়া থাদোকই অমসুং ঐখোয়না স্লদজ মেনেজমেন্তদা য়ুম্ফম ওইবা সর্ক্যুলর ইকনোমী অমা দিবেলপ তৌনবা পান্দম থম্মি,” মখা তারদুনা হায়খি, “তুরেলগা লোয়ননা মীয়ামগা কন্নেক্ত তৌনবা পান্দম থম্মিবা অর্থ গঙ্গাগী মখাদা, ঐখোয়না স্তেকহোল্দরশিং/মীয়ামদা শেন্মীৎলোনগী কান্নবা পীনবা হোৎনরি মসিনা মখোয়না তুরেল লুনান্না থম্নীংবগী ৱাখল্লোন পোকহনগনি।”

মহাক্না মখা তারদুনা হায়খি এন.জি.তি.গী পাউতাকশিংগী মতুং ইন্না, ভারত শিনবা থুংবদা লৈরুভা তুরেল মরিলশিং অসি লুনান্না থম্নবা কেম্পেন অমা চত্থরি অমসুং রাজ্যশিংদা অপুনবা পুথোকখিবা সিৱেরেজ অমসুং হৌজিক লৈরিবা কেপাসিতী অসি এসেস তৌবা অমসুং ৱেস্তৱাতর মরিক অমা ফাওবা তুরেলদা তাশিনহন্দনবা সরকারগী তোঙান-তোঙানবা স্কিমশিং য়াওহন্নবা দ্রাইব চত্থরি। “মসিনা স্লদজ কয়া পুথোক্কনি – অর্থ গঙ্গাগী ভর্তিকেলশিংগী মনুংদা ‘জিরো বজেৎ নেচরেল ফার্মিং’ অসি অমনি, মসিনস স্তেকহোল্দরশিংদা (হীরম অসিদদি লৌমীশিং) শেন্মীৎলোনগী কান্নবশিংগা লোয়ননা স্লদজ মেনেজমেন্তদা সর্ক্যুলর ইকনোমী অমা দিবেলপ তৌদুনা লৌমীশিংনা স্লদজতগী শেম্বা নেচরেল মেন্যুর/ সোইল কন্দিসনর ফংহনবগী অমসুং কেমিকেল অমসুং হারশিং শীজিন্নবা হন্থহনবগী থৌওংনা নেচরল ফার্মিং চাউখৎহন্নবা পান্দম থম্মি।”

ৱার্কশোপ অসিগী অহানবা শরুক্তা য়াওখিবা অতোপ্পা ৱাঙাংলোয়শিং অদুদি শ্রী দি.পি. মথুরিয়া (ই.দি.-তেক্নিকেল, এন.এম.সি.জি.), শ্রী রাজিব রঞ্জন মিশ্রা (চীফ এদভাইজর, নেস্নেল ইন্সতিত্যুত ওফ অর্বান এফিয়র্স (এন.আই.য়ু.এ.) অমসুং (হান্নগী দি.জি., এন.এম.সি.জি.), শ্রী ভাইরব সেদাই (সুরৎ ম্যুনিসিপাল কোর্পোরেসনদগী), শ্রী কে.পি. বক্ষি (হান্নগী চিয়রমেন, মহারাস্ত্র ৱাতর রিসোর্স রিগ্যুলেতরী ওথোরিতী), শ্রী কে.পি. মহেশ্বরি (সি.ই.ও, অদানি ৱাতর), শ্রী রাজনীশ চোপ্রা (গ্লোবেল হেদ- বিজিনেস দিবেলপমেন্ত, ভি.এ. তেক ৱাবাগ লিমিতেদ) অমসুং দা. নুপুর বহাদুর (সিনিয়র রিসর্চ ফেল্লো, তি.আই.আর. – দি ইনর্জী এন্দ রিসোর্সেস ইন্সতিত্যুত)। সেসন অদুদা ভারত্তা ইফেক্তিব অমসুং ইফিসিএন্ত ৱেস্তৱাতর মেনেজমেন্ত তৌবা, গভর্নান্সকী শীংনবশিং হন্থহন্নবা অমসুং ভারতকী ৱেস্তৱাতর সেক্তরদা অচৌবা হোংবা অমা পুরক্নবা খোঙথাংশিং’ প্রাইবেৎ সেক্তর অমসুং ইন্দস্ত্রী পার্তনরশিংগী থৌদাং, নোলেদজ বেজ, রিসর্চ অমসুং দিবেলপমেন্ত ইকোসিস্তেমগী কো-ক্রিএসন অমসুং মীয়াম কন্নেক্ত তৌবা, ভারতকী শহরশিংদগী কেস স্তদীশিং তৌবা, তোপ-তোপ্পা প্রোজেক্ত দেলিবরী মোদেলশিংগী খুত্থাংদা এসেৎ ক্রিএসন অমসুং মেন্তেনেন্স অসিগুম্বা হীরমশিংদা প্রজেন্তেসনশিং উৎখি।

অনিশুবা সেসন্দা, চাউখৎলক্লিবা লোয়ননা চাউখৎলবা লৈবাক কয়াগী পেনেলিস্তশিংনা লম অসিদা মখোয়না থেংনরকপা অৱা-নুংঙাই, শীংনবশিং অমসুং খ্বাইদগী ফবা পাম্বৈশিংগী মরমদা শিয়র তৌখি। পেনেলিস্তশিং অদুদা শ্রী কলা ভাইরাবমুর্তী (ই.দি., ইন্তর্নেস্নেল ৱাতর এসোসিএসন), শ্রী সুমৌলীন্দ্র ঘোশ (এসোসিএৎ পার্তনর অমসুং গ্লোবেল ৱাতর লীদ, কে.পি.এম.জি. ইন্দিয়া), দা. ভেলরি নাইদু (একজিক্যুতিব মেনেজর, বিজিনেস এন্দ ইন্নোবেসন্স, ৱাতর রিসর্চ কম্মিসন, সাউথ অফ্রিকা), শ্রী মাধব বেলবেজ (হান্নগী সেক্রেতরী, নেপাল ৱাতর সপ্লাই মিনিস্ত্রী) অমসুং প্রোফেসর তোনী ৱোং (চিয়র, ৱাতর সেন্সিতিব সিতীজ থিঙ্ক তেঙ্ক, মোনাশ য়ুনিভর্সিতী) য়াওখি।

*******