ਸੂਚਨਾ ਤੇ ਪ੍ਰਸਾਰਣ ਮੰਤਰਾਲਾ
"ਸਾਂਸਦ ਮੋਬਾਇਲ ਸੇਵਾ" ਨੇ ਹਿਮਾਚਲ ਪ੍ਰਦੇਸ਼ ਵਿੱਚ ਘਰ-ਘਰ ਸਿਹਤ ਸੇਵਾਵਾਂ ਪਹੁੰਚਾਉਣ ਦੇ ਚਾਰ ਸਾਲ ਪੂਰੇ ਕੀਤੇ-ਅਨੁਰਾਗ ਠਾਕੁਰ
Posted On:
16 APR 2022 5:45PM by PIB Chandigarh
ਕੇਂਦਰੀ ਸੂਚਨਾ ਪ੍ਰਸਾਰਣ ਅਤੇ ਖੇਡ ਅਤੇ ਯੁਵਾ ਮਾਮਲੇ ਮੰਤਰੀ ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਪ੍ਰਯਾਸ ਸੰਸਥਾ ਦੁਆਰਾ ਚਲਾਈ ਜਾ ਰਹੀ ਸਾਂਸਦ ਮੋਬਾਇਲ ਸਿਹਤ ਸੇਵਾ “ਹਸਪਤਾਲ” ਦੇ ਚਾਰ ਸਾਲਾਂ ਦੇ ਕਾਰਜਕਾਲ ਨੂੰ ਉਪਲੱਬਧੀਆਂ ਭਰਿਆ ਦੱਸਦੇ ਹੋਏ ਇਸ ਅਵਸਰ ਉੱਤੇ ਊਨਾ ਵਿੱਚ ਆਯੋਜਿਤ ਵਿਸ਼ਾਲ ਮੈਡੀਕਲ ਕੈਂਪ ਦੇ ਸਫ਼ਲ ਆਯੋਜਨ ਉੱਤੇ ਹਸਪਤਾਲ ਟੀਮ ਨੂੰ ਵਧਾਈ ਦਿੱਤੀ ਹੈ ਅਤੇ ਇਸ ਮੌਕੇ ਉੱਤੇ ਗਰਿਮਾਮਈ ਉਪਸਥਿਤੀ ਅਤੇ ਅਸੀਸਾਂ ਲਈ ਮਾਣਯੋਗ ਰਾਜਪਾਲ ਸ਼੍ਰੀ ਰਾਜੇਂਦ੍ਰ ਅਰਲੇਕਰ ਜੀ ਦਾ ਆਭਾਰ ਪ੍ਰਗਟ ਕੀਤਾ ਹੈ ।
ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਕਿਹਾ “ਸੰਵਿਧਾਨ ਨਿਰਮਾਤਾ ਬਾਬਾ ਸਾਹੇਬ ਭੀਮ ਰਾਓ ਅੰਬੇਡਕਰ ਗ਼ਰੀਬ ਕਲਿਆਣ ਦੇ ਵੱਡੇ ਹਿਮਾਇਤੀ ਸਨ ਅਤੇ ਉਨ੍ਹਾਂ ਤੋਂ ਪ੍ਰੇਰਣਾ ਲੈ ਕੇ ਮੈਂ 14 ਅਪ੍ਰੈਲ 2018 ਨੂੰ ਵਲੰਟੀਅਰ ਸੰਸਥਾ ਪ੍ਰਯਾਸ ਦੇ ਜ਼ਰੀਏ ਆਪਣੇ ਸੰਸਦੀ ਖੇਤਰ ਵਿੱਚ ਸਾਂਸਦ ਮੋਬਾਇਲ ਸਿਹਤ ਸੇਵਾ ਦੀ ਸ਼ੁਰੂਆਤ ਕੀਤੀ ਸੀ। ਬਿਹਤਰ ਸਿਹਤ ਸੁਵਿਧਾ ਹਰੇਕ ਨਾਗਰਿਕ ਦੀ ਬੁਨਿਆਦੀ ਜ਼ਰੂਰਤ ਹੈ, ਮਗਰ ਕਈ ਵਾਰ ਸਿਹਤ ਕੇਂਦਰਾਂ ਦੇ ਦੂਰ ਹੋਣ ਜਾਂ ਡਾਕਟਰਾਂ ਦੀ ਉਪਲਬਧਤਾ ਨਾ ਹੋਣ ਨਾਲ ਦੂਰ-ਦੁਰਾਡੇ ਇਲਾਕਿਆਂ ਦੇ ਲੋਕ ਚੰਗੀ ਸਿਹਤ ਸੇਵਾ ਤੋਂ ਵੰਚਿਤ ਰਹਿ ਜਾਂਦੇ ਹਨ, ਅਜਿਹੇ ਵਿੱਚ ਹਸਪਤਾਲ ਸੇਵਾ ਲੋਕਾਂ ਲਈ ਇੱਕ ਵਰਦਾਨ ਬਣੀ ਹੈ। ਇਹ ਖੁਸ਼ੀ ਦਾ ਵਿਸ਼ਾ ਹੈ ਕਿ ਸਾਂਸਦ ਮੋਬਾਇਲ ਸਿਹਤ ਸੇਵਾ 4 ਸਾਲਾਂ ਦੇ ਇਸ ਕਾਲਖੰਡ ਵਿੱਚ ਲੋਕਾਂ ਦੇ ਚਿਹਰੇ ਉੱਤੇ ਮੁਸਕਾਨ ਬਿਖੇਰਣ ਦਾ ਕੰਮ ਕੀਤਾ ਹੈ। ਸਿਰਫ ਚਾਰ ਸਾਲ ਦੇ ਕਾਲਖੰਡ ਵਿੱਚ 6,22,354 ਕਿਲੋਮੀਟਰ ਦਾ ਚੱਕਰ ਕੱਟ ਕੇ ਕਰੀਬ 7,151,32 ਲੋਕਾਂ ਨੂੰ ਉਨ੍ਹਾਂ ਦੇ ਘਰ ਦਵਾਰ ਉੱਤੇ ਮੁਫਤ ਚੈੱਕਅੱਪ, ਸਲਾਹ ਅਤੇ ਇਲਾਜ ਕਰਨਾ ਆਪਣੇ ਆਪ ਵਿੱਚ ਇੱਕ ਉਪਲਬਧੀ ਹੈ ਜਿਸ ਦੇ ਲਈ ਮੈਂ ਪੂਰੀ ਹਸਪਤਾਲ ਟੀਮ ਨੂੰ ਵਧਾਈ ਦਿੰਦਾ ਹਾਂ।”
ਅੱਗੇ ਬੋਲਦੇ ਹੋਏ ਸ਼੍ਰੀ ਅਨੁਰਾਗ ਠਾਕੁਰ ਨੇ ਕਿਹਾ “2018 ਵਿੱਚ 3 ਮੋਬਾਇਲ ਮੈਡੀਕਲ ਯੂਨਿਟ ਤੋਂ ਸ਼ੁਰੂ ਹੋਏ ਹਸਪਤਾਲ ਦੇ ਬੇੜੇ ਵਿੱਚ ਹੁਣ 32 ਗੱਡੀਆਂ ਜੁੜ ਚੁੱਕੀਆਂ ਹਨ। ਅੱਜ 7 ਜ਼ਿਲ੍ਹੇ, 23 ਵਿਧਾਨ ਸਭਾ ਖੇਤਰ, 1350 ਤੋਂ ਜ਼ਿਆਦਾ ਪੰਚਾਇਤਾਂ ਅਤੇ 6400 ਤੋਂ ਜ਼ਿਆਦਾ ਪਿੰਡ ਇਸ ਅਨੋਖੀ ਸੇਵਾ ਤੋਂ ਲਾਭਾਂਵਿਤ ਹੋ ਰਹੇ ਹਨ। ਆਧੁਨਿਕ ਮੈਡੀਕਲ ਸੁਵਿਧਾਵਾਂ ਨਾਲ ਪਰਿਪੂਰਨ ਸਾਂਸਦ ਮੋਬਾਇਲ ਸਿਹਤ ਸੇਵਾ ਦੀਆਂ ਵੈਨਾਂ ਵਿੱਚ ਡਾਕਟਰ, ਨਰਸ, ਲੈਬ ਟੈਕਨੀਸ਼ਨ ਅਤੇ ਡਰਾਇਵਰ ਤੈਨਾਤ ਹੁੰਦੇ ਹਨ। ਵੈਨ ਵਿੱਚ ਡਾਇਗਨੌਸਟਿਕ ਸੈਂਟਰ ਅਤੇ ਪੈਥੋਲੌਜੀ ਲੈਬ ਵੀ ਹੈ। ਇਸ ਵਿੱਚ ਲਿਪਿਡ ਪ੍ਰੋਫਾਇਲ, ਐੱਲਐੱਫਟੀ, ਕੇਐੱਫਟੀ , ਸ਼ੂਗਰ ਗਲੂਕੋਸ , ਹੈਪੇਟਾਈਟਿਸ ਬੀ, ਹੈਪੇਟਾਈਟਿਸ ਸੀ ਵਰਗੇ ਅਲੱਗ - ਅਲੱਗ 40 ਟੈਸਟ ਦੀ ਸੁਵਿਧਾ ਅਤੇ ਉਨ੍ਹਾਂ ਦੀਆਂ ਦਵਾਈਆਂ ਵੀ ਮੌਜੂਦ ਰਹਿੰਦੀਆਂ ਹਨ। ਅੱਜ ਹਸਪਤਾਲ ਸੇਵਾ ਦੀ ਚੌਥੀ ਵਰ੍ਹੇਗੰਢ ਉੱਤੇ 4 ਅਤੇ ਵਿਧਾਨ ਸਭਾ ਨਾਹਨ, ਪਾਵੰਟਾ ਸਾਹਿਬ, ਦੇਹਰਾ ਅਤੇ ਜਸਵਾਂ ਪ੍ਰਾਗਪੁਰ ਲਈ ਮੋਬਾਇਲ ਮੈਡੀਕਲ ਯੂਨਿਟ ਨੂੰ ਹਰੀ ਝੰਡੀ ਦਿਖਾ ਕਰਕੇ ਰਵਾਨਾ ਕਰਨ ਲਈ ਮਾਣਯੋਗ ਰਾਜਪਾਲ ਸ਼੍ਰੀ ਰਾਜੇਂਦਰ ਅਰਲੇਕਰ ਜੀ ਦਾ ਮੈਂ ਹਿਰਦੇ ਦੀਆਂ ਗਹਿਰਾਈਆਂ ਤੋਂ ਆਭਾਰ ਪ੍ਰਗਟ ਕਰਦਾ ਹਾਂ”
ਸ਼੍ਰੀ ਅਨੁਰਾਗ ਠਾਕੁਰ ਨੇ ਕਿਹਾ “ਮਹਾਮਾਰੀ ਦੇ ਸਮੇਂ ਵੀ ਹਸਪਤਾਲ ਸੇਵਾ ਦੇ ਪਹਿਏ ਰੁਕੇ ਨਹੀਂ ਬਲਕਿ ਚਾਹੇ ਬਿਲਾਸਪੁਰ ਵਿੱਚ ਡੇਂਗੂ ਫੈਲਣਾ ਹੋਵੇ ਜਾਂ ਕੋਰੋਨਾ ਮਹਾਮਾਰੀ ਦੇ ਦੌਰਾਨ ਹਸਪਤਾਲ ਸੇਵਾ ਦਾ ਰਾਜ ਸਰਕਾਰ ਦੇ ਨਾਲ ਮਿਲ ਕੇ ਕੋਵਿਡ ਪ੍ਰਸਾਰ ਨੂੰ ਰੋਕਣਾ ਹੋਵੇ ਅਤੇ ਦਵਾਈ ਵੰਡ ਅਤੇ ਇਸ ਦੀ ਪ੍ਰਾਥਮਿਕ ਜਾਂਚ ਵਿੱਚ ਆਪਣਾ ਸਹਿਯੋਗ ਦੇਣ ਦਾ ਕੰਮ ਹੋਵੇ। ਹਸਪਤਾਲ ਸੇਵਾ ਦੇ 65 ਫੀਸਦੀ ਲਾਭਾਰਥੀ ਮਹਿਲਾਵਾਂ ਅਤੇ ਬੁਜ਼ਰਗ ਹਨ। ਮੋਬਾਇਲ ਯੂਨਿਟ ਉੱਤੇ ਜੋ ਕਰਮਚਾਰੀ ਤੈਨਾਤ ਕੀਤੇ ਗਏ ਹਨ ਉਨ੍ਹਾਂ ਵਿੱਚ 50 ਫੀਸਦੀ ਸਿਹਤ ਕਰਮਚਾਰੀ ਮਹਿਲਾਵਾਂ ਹਨ ਜੋ ਕਿ ਮਹਿਲਾ ਸਸ਼ਕਤੀਕਰਣ ਦੀ ਵੱਡੀ ਉਦਾਹਰਣ ਹੈ। ਇਸ ਚਲਦੇ ਫਿਰਦੇ ਹਸਪਤਾਲ ਵਿੱਚ ਆਮ ਬੁਖਾਰ ਦੇ ਇਲਾਜ ਤੋਂ ਲੈ ਕੇ ਛਾਤੀ ਦੇ ਕੈਂਸਰ ਦੇ ਤੱਕ ਦੀ ਜਾਂਚ ਹੋ ਰਹੀ ਹੈ ਅਤੇ ਸਮੇਂ-ਸਮੇਂ ਉੱਤੇ ਮੈਡੀਕਲ ਕੈਂਪਾਂ ਦੇ ਜ਼ਰੀਏ ਦੇਸ਼ ਦੇ ਵੱਡੇ ਮੈਡੀਕਲ ਐਕਸਪਰਟਸ ਦੇ ਜ਼ਰੀਏ ਲੋਕਾਂ ਨੂੰ ਲਾਭਾਂਵਿਤ ਕਰਨ ਦਾ ਕੰਮ ਕੀਤਾ ਜਾਂਦਾ ਹੈ। 7 ਲੱਖ ਲਾਭਾਰਥੀਆਂ ਦੇ ਇਸ ਸਫ਼ਰ ਨੂੰ ਅਜੇ ਬਹੁਤ ਦੂਰ ਤੱਕ ਜਾਣਾ ਹੈ । ਹਸਪਤਾਲ ਸੇਵਾ ਇਵੇਂ ਹੀ ਬਿਨਾ ਰੁਕੇ, ਬਿਨਾ ਥੱਕੇ ਚੱਲਦੀ ਰਹੇਗੀ ਅਤੇ ਸੇਵਾ ਕਰਦੀ ਰਹੇਗੀ”
ਸਾਂਸਦ ਮੋਬਾਇਲ ਸਿਹਤ ਸੇਵਾ ਦੇ ਚਾਰ ਸਾਲ ਪੂਰੇ ਹੋਣ ਦੇ ਸਬੰਧ ਵਿੱਚ ਆਯੋਜਿਤ ਇਸ ਪ੍ਰੋਗਰਾਮ ਵਿੱਚ ਪ੍ਰਦੇਸ਼ ਦੇ ਰਾਜਪਾਲ ਸ਼੍ਰੀ ਰਾਜੇਂਦਰ ਅਰਲੇਕਰ ਜੀ, ਪੰਚਾਇਤੀ ਰਾਜ ਮੰਤਰੀ ਸ਼੍ਰੀ ਵੀਰੇਂਦ੍ਰ ਕੰਵਰ, ਰਾਜ ਵਿੱਤ ਕਮਿਸ਼ਨ ਦੇ ਚੇਅਰਮੈਨ ਸ਼੍ਰੀ ਸਤਪਾਲ ਸੱਤੀ ਵਿਧਾਇਕ ਚਿੰਤਪੂਰਣੀ ਸ਼੍ਰੀ ਬਲਬੀਰ ਸਿੰਘ, ਨਾਹਨ ਤੋਂ ਵਿਧਾਇਕ ਸ਼੍ਰੀ ਰਾਜੀਵ ਬਿੰਦਲ, ਵਾਇਸ ਚੇਅਰਮੈਨ ਐੱਚਪੀਐੱਸਆਈਡੀਸੀ ਪ੍ਰੋ. ਰਾਮ ਕੁਮਾਰ ਮੁੱਖ ਰੂਪ ਤੋਂ ਉਪਸਥਿਤ ਰਹੇ।
*****
ਸੌਰਭ ਸਿੰਘ
(Release ID: 1817615)
Visitor Counter : 112