আয়ুশ্মান ভারত দিজিতেল মিসন (এ.দি.বি.এম.)গী ইমপ্লিমেন্তিং এজেন্সী ওইরিবা নেস্নেল হেল্থ ওথোরিতী (এন.ঐচ.এ.)না ভারতকী নেস্নেল দিজিতেল হেল্থ ইকোসিস্তেম অমা শেমগৎপদা মতেং পাংনবা ইন্নোবেতিব সোল্যুসনশিং দিবেলপ তৌনবা মখোয়গী এক্সপ্রেসন ওফ ইন্তরেস্ত (ই.ও.আই.) শিয়র তৌনবগীদমক অপাম্বা পার্তী পুম্নমক্তা ওপন ইনভিতেসন অমা পীখ্রে। মসিগী চুংশিন্নবা এপ্রোচ অসিনা চাউখৎ-থৌরাং খোঙজেল য়াংশিনহনবদা মতেং পাংবা খক্তা নত্তনা মসিনা পব্লিক অমসুং/নত্ত্রগা প্রাইবেৎ এন্তিতীশিংদা দিজিতেল পব্লিক গুদশিং ফংহনবদা মতেংসু ওইরগনি।

আয়ুশ্মান ভারত দিজিতেল মিসন (এ.বি.দি.এম.)না দিজিতেল হেল্থকিয়র ইকোসিস্তেমগী মনুংদা ইন্তেরোপরেবিলিতী লৈবা অপনবা লৈতবা ওনলাইন প্লেৎফোর্ম অমা লৈহন্নবা পান্দম থমখি। মিসন অসি ‘দিজিতেল ব্লিল্দিং ব্লোকশিং’গী সেৎ অমা ওইনা শেমগৎখি। ব্লিল্দিং ব্লোক অমমম অসি দিজিতেল হেল্থ ইকোসিস্তেমদা লৈরিবা এন্তিতী অমা হেক্তনা শীজিন্নবা য়াবা অমসুং এ.বি.দি.এম.গী বিজন অসি মঙফাওনবা ঙম্নবা মরু ওইবা মতিক-ময়াইশিং ফংহল্লিবা ‘দিজিতেল পব্লিক গুদ’ অমা ওইনা উরি।

এন.ঐচ.এ.গী এক্সপ্রেসন ওফ ইন্তরেস্ত (ই.ও.আই.)গী ইনবিতেসন অসিগী নুংগী ওইবা ৱাখল্লোন ফোঙদোক্লদুনা এন.ঐচ.এ.গী সি.ই.ও. দা. আর.এস. শর্মনা মখা তারদুনা হায়খি “এ.বি.দি.এম.না দিজিতেল হেল্থ ইকোসিস্তেমদা ওপন অমসুং ইন্তেরোপেরেবল স্তেন্দর্দশিংদা শাহৌ পীনবা হোৎনরি। অসিগুম্বা খোঙথাং অসিনা ভারত্তা য়ুনিভর্সেল হেল্থ কনরেজ হেনগৎহন্নবা পান্দমশিং খোঙজেল য়াংখৎহনবা খক্তা নত্তনা মসিনা গ্লোবেল হেল্থ ইকোসিস্তেমদা চাউনা কান্নবশিং পীগনি। অদুম ওইনমক অসিগুম্বা পান্দম অসিদা মীপুম খুদিংমক্না য়াওশিনবা চংই। হীরম অসিদা নেস্নেল হেল্থ ওথোরিতীনা দিজিতেল হেল্থ ইকোসিস্তেম পাকথোক-চাউথোক্নবা য়ুনিফাইদ হেল্থ ইন্তরফেস (য়ু.ঐচ.আই.), হেল্থ ক্লেমস প্রোতোকল (ঐচ.সি.পি.), অমসুং তোঙান-তোঙানবা অতোপ্পা ওপন-সোর্স দিজিতেল পব্লিক গুদশিংদা শরুক তম্নবা অপম্বা পার্তীশিংদা ওপন কোলগী পাউজেল পীরি”।

এ.বি.দি.এম.না স্তেকহোল্দর পুম্নমক্কী – হেল্থ ফেসিলিতীশিং, পেসেন্তশিং অমসুং হেল্থকিয়র প্রোফেস্নেলশিংদা অপনবা লৈতবা দিজিতেল হেল্থকিয়র এক্সপরিয়েন্স অমা ফংহন্নবা ব্লিল্দিং ব্লোকশিং অমসুং ইন্তেরোপেরেবল এ.পি.আই.শিং দিবেলপ তৌখি। এ.বি.দি.এম.গী মরু ওইবা বিল্দিং ব্লোকশিং অদুদি – এ.বি.ঐচ.এ., হেল্থকিয়র প্রোফেস্নেলস রেজিস্ত্রী (ঐচ.পি.আর.), হেল্থ ফেসিলিতী রেজিস্ত্রী (ঐচ.এফ.আর.) অমসুং হেল্থ ইনফোর্মেসন একচেঞ্জ এন্দ কনসেন্ত মেনেজর (ঐচ.আই.ই.-সি.এম.)।

বিল্দিং ব্লোকশিং অসি শরুক য়ারিবা এন্তিতীশিং মশক খঙদোকপা ঙম্নবা (হেল্থ কিয়র প্রোভাইদরশিং, পেসেন্তশিং অমসুং হেল্থ প্রোফেস্নেলশিং) অমসুং পেসেন্ত কনসেন্তগা লোয়ননা ইন্তেরোপেরেবল হেল্থ দেতা একচেঞ্জ তৌবা ঙমহনগনি। দিবেলপ তৌখিবা দিজিতেল ইকোসিস্তেম অসি হৌজিক হেল্থ ফেসিলিতীশিং অমসুং হেল্থ তেক প্লেয়রশিংদা ইন্তিগ্রেসন তৌনবা এক্সেসিবল ওইরে।

হৌজিক্কী ওইনা এ.বি.দি.এম.গী রেজিস্ত্রীশিংদা ইন্তিগ্রেৎ তৌবা পার্তিসপেন্ত ৮০০ হেন্না লৈ অমসুং ঐচ.আই.ই.-সি.এম.গী খুত্থাংদা হেল্থ দেতা একচেঞ্জ তৌবা য়াহল্লি। মখা তানা এ.বি.দি.এম. ইকোসিস্তেমদা য়াওনবা অমসুং ইন্তিগ্রেৎ তৌনবঈ অকুপ্পা মরোল এ.বি.দি.এম. সেন্দবোক্স পোর্তেলদা ফংগনি: https://sandbox.abdm.gov.in/

অপাম্বা দিবেলপর/পার্তীশিংনা মখোয়গী এক্সপ্রেসন ওফ ইন্তরেস্ত (ই.ও.আই.) শিয়র তৌনবা নেস্নেল দিজিতেল হেল্থ ইকোসিস্তেম দিবেলপ তৌবদা চাউনা শরুক তম্বসু য়াগনি। হীরম অসিদা শরুক তম্নবগীদমক শন্দোক্না তাক্লবা খুদম খরা মখাদা পীরি:

১. য়ুনিফাইদ হেল্থ ইন্তরফেস (য়ু.ঐচ.আই.) - এন.ঐচ.এ.না পাও ফাওননবা দিস্পেরেৎ সোল্যুসনশিং শীজিন্নদুনা তোঙান-তোঙানবা স্তেকহোল্দরশিংদা খুদোংচাবা পীনবা তোঙান-তোঙান দিজিতেল সোল্যুসনশিংগী মরক্তা ইন্তেরোপেরেবিলিতীগীদমক দিজিতেল প্লেৎফোর্ম (য়ুনিফাইদ পেমেন্ত ইন্তরফেস নত্ত্রগা য়ু.পি.আই.গা মান্নবা) অমা দিবেলপ তৌনবা হোৎনখি। অপাম্বা পার্তীশিংনা দিবেলপমেন্ত কম্ম্যুনিতীদা পীরিবা অসিদা চংদুনা য়াওবা য়াগনি https://github.com/NHA-ABDM/UHI।

২. হেল্থ ফেসিলিতী রেজিস্ত্রী (ঐচ.এফ.আর.) - এন.ঐচ.এ.না পব্লিক গুস অমা ওইনা হেল্থ ক্লেমস প্লেৎফোর্ম অমা দিবেলপ তৌরি। হেল্থ প্রোভাইদরশিংনা (খুদম ওইনা হোস্পিতাল, লেব) মখোয়গী ই-ক্লেমশিং অদু পেয়রশিং (খুদম ওইনা ইন্সুর্রশিং, তি.পি.এ.শিং)না প্রোসেসিংগীদমক ফংগদবা অদু প্লেৎফোর্ম অসিদা পীশিনবা য়াগনি।

৩. সোফৱেয়র এস এ সর্ভিস (এস.এ.এ.এস.) - হেল্থকিয়র প্রোভাইদরশিংনা দিজিতেল হেল্থ সোলুসন কয়ামরুম শিজিন্নবা য়াই।  মসিদা হোস্পিতাল ইনফোর্মেসব সিস্তেম (ঐচ.আই.এস.), হোস্পিতাল (নত্ত্রগা হেল্থ) মেনেজমেন্ত ইনফোর্মেসন সিস্তেম (ঐচ.এম.আই.এস.), লেবোরেতোরী মেনেজমেন্ত ইনফোর্মেসন সিস্তেম (এল.এম.আই.এস.) তেলিকনসল্তেসন সোল্যুসন, হেল্থ লোকরশিং অসিনচিংবগী সোল্যুসনশিং য়াওবা য়াই।

৪. ওপন-সোর্স সোলুসনশিং - শরুক য়ানিংবা পার্তীশিংবুসু এন্তিতী কয়ামরুম্না শিজিন্ননবা ফংহনবা য়াবা ওপন-সোর্স সোফৱেয়র সোলুসনশিংগী খুত্থাংদা শরুক তম্নবা কৌখ্রে। মসিগী মনুংদা মথক্কী পেরাদা পনখিবা এস.এ.এ.এস.কা মরী লৈনবা সোফৱেয়র নত্ত্রগা হেল্থকিয়র প্রোভাইদরশিংদা শিজিন্নবা য়াবা খুৎলাই অমহেক্তা ওইবা য়াই।    

৫. অতোপ্পা সোলুসনশিং – নেস্নেল দিজিতেল হেল্থ ইকোসিস্তেম দিভেলপ তৌবদা শরুক তম্নিংবা পার্তীশিংগী অতোপ্পা ৱাখল্লোন অমহেক্তা লৈরবদি অখন্নবা প্রপোজলগা লোয়ননা পাউ ফাওরকপা য়াগনি।

হায়রিবা অসিগী অকুপ্পা মরোলশিং মখাগী অসিদা ফংবীগনি:  https://abdm.gov.in/assets/uploads/eoi_docs/Open_Call_for_Expression_of_Interest_(EoI)_vF.pdf

এন.ঐচ.এ.না পুম্নমক্কী মথৌ তৌবা য়াবা দিজিতেল হেল্থ নেতৱর্ক অমা শেমগৎনবা তেক্নোলোজী প্রোভাইদরশিং/ইন্দিভিদ্যুলশিং কোলাবোরেত তৌবা পাম্মি। মসিগী সোলুসনশিং অসি মীয়ামদা শেল চংদনা পীবা ঙমগদবা পার্তীশিং অমসুং/নত্ত্রগা লনাই এন্তিতীশিংনা এন.ঐচ.এ.দা অকুপ্পা মরোলগা লোয়ননা মখোয়গী অপাম্বা প্রপোজ অদুগী ই.ও.আই. পীশিল্লকপা য়াগনি। হায়রিবা অসিদা ইন্তরেস্ত লৈবশিংনা abdm@nha.gov.in দা ইমেল থারকপা য়াগনি।

*****