কেন্দ্রগী হকশেল অমসুং বাইফ য়ুম্বাল অমসুং কেমিকেলস অমসুং ফর্তিলাইজরসকী মন্ত্রী, শ্রী মন্সুখ মান্দৱিয়ানা হায়খি মদুদি ফার্মিস্যুতিকেল ইন্দস্ত্রী অসিনা আত্মা নির্ভর ভারতকী ভিজন অসিবু মপুং ফাহনবদা য়াম্না মরু ওইবআ থৌদাং লৌখি। মুম্বাইদা ইন্দিয়ন দ্রগ মেন্যুফেকচররস এসোসিয়েশন (আই.দি.এম.এ.)গী দাইমন্দ জুবিলী নিংশিংবা ওইনা ‘ইন্দিয়ন ফার্মা – গ্লোবল হেল্থ কেয়র’ থৌরমদা ৱা ঙাংলদুনা মন্ত্রী অসিনা সরকারগী অনৌবা খোংথাংশিং খুদম ওইনা প্রোদক্সন লিঙ্কদ ইন্সেন্তিব স্কীমশিং অসিনা সেক্তর অসিবু করম্না কান্নহনবগে হায়বগী মতাংদা পনখি। “প্রোদক্সন লিঙ্কদ ইন্সেন্তিব স্কীমগী খুত্থাংদা, সরকারনা ফর্মসভুতিকেলশিংগী দোমেস্তিক মেন্যুফেকচরিং থৌগত্তুনা ইমপোর্ত হন্থহন্নবা হোৎনখি। পি.এল.আই. স্কীম অসিনা ভারত্তা প্রোদক্ত ৩৫ হেন্না পুথোকপা হৌহনখি।” মন্ত্রীনা ফার্মস্যুতিকেল সেক্তরদা লাক্কদবা চহি ২৫ অসিগীদমক্তা প্লান অমা শেম্নবা তকশিনখ্রে।

মন্ত্রীনা লৈবাক অসিদা ‘অমৃত মাহোতসব’ পাংথোক্লিঙৈ অসিদা দাইমন্দ জুবিলী পাংথোকপগীদমক্তা ইন্দিয়ন দ্রগ মেন্যুফেকচররস এসোসিয়েশনবু নুংঙাইবা ফোংদোকখ্রে অমসুং সরকার অসিনা সেক্তর অসিদা তঙাইফদনা মথৌ তাবা মতেং পীনবা প্রোএক্তিব ওইনা থবক তৌরি হায়না হায়খি। “সরকার অসিনা দ্রগস অমসুং কোস্মেতিক্স এক্ত, ১৯৪০ চৎনহন্দুনা ইন্দস্ত্রী অসিবু মতেং পাংলি অমসুং ইজ ওফ দুইং বিজনেস প্রোমোত তৌরি। ঐখোয়না দিসিজন মেকিং প্রোসেসতা ইন্দস্ত্রী অসিবু য়াওহল্লি। ৱেবিনার সিরীজ কয়া অমগী খুত্থাংদসু সরকার অসিনা কেন্দ্রগী বজেত প্রোভিজনগী ইমপ্লিমেন্তেশনগী মতাংদা ইন্দস্ত্রী অমসুং স্তেকহোল্দরশিংদা পাউ ফাওনবা অমসুং মখোয়গা তাথোক-তাশিন তৌনবআ হৌৎনৈ।”

কেন্দ্রগী মন্ত্রীনা সরকার অসি প্রো-পুৱরনি, প্রো-ফার্মরনি হায়না হায়খি অমসুং ইন্দস্ত্রী-ফ্রেন্দলী ওই হায়নসু হায়খি। ফার্মা সেক্তর অসিনা লৌখিবা থৌদাং অদুবু নিংশিংলদুনা, মন্ত্রীনা ভারতকী ফার্মা ইন্দস্ত্রী অসিনা ‘মালেমগ ফার্মসী’ হায়বা ফিদম্নিংঙাই ওইরবা মিংথোল অসি ফংখি হায়না হায়খি।

 “সরকারনা হেল্থ সেক্তর অসিবু শেন্দোং তান্নবা ইন্দস্ত্রী অমা ওইনা খন্দে। ঐখোয়না হিংদাক-লাংথকশিং মপান লমদা থাদোকপা মতমদা ঐখোয়না ‘ৱাসুধৈভা কুতুম্বাকম’গী ৱাখল্লোন অসিগা লোইননা পাংথোকই। কোবিদ-১৯ লাইচৎকী অহানবা ৱেবতা, ভারতনা লৈবাক ১২৫দা হিদাক-লাংথকশিং সপ্লাই তৌখি।” হায়না শ্রী মান্দৱিয়ানা হায়খি।

কেন্দ্রগী ফার্মা সেক্রেতরী, সুকুমারি এস. অপর্নানা ফার্মা সেক্তরগী চাউখৎলকপা অমসুং চাউখৎহনবদা ইন্নোভেশন অমসুং রিসর্চকী থৌদাং অদুগী মতাংদা হায়খি অমসুং আই.দি.এম.এ.দা মসিগী খুদোংচাবা অসিবু লৌহৌনবা স্ত্রেতেজী অমা পুথোরক্নবা আপীল তৌখি।

সেক্রেতরী অদুনা ইরোমদোম লেপচবা ঙম্নবা মওংদা দ্রগ সেক্যুরিতী মীয়াম্না য়ানবা থাক অমা শেম্নবগীদমক্তা স্ত্রেতেজী অমসুং প্লানশিংদা লৈরিবা প্রোব্লেমশিং কোকহন্নবা আই.দি.এম.এ. অমসুং ইন্দস্ত্রীদা হায়খ্রে।

থৌরম অদুদা কেন্দ্রগী মন্ত্রী, দা. মান্দৱিয়ানা অতোপ্পা দিগনিতরীশিংগা লোইননা আই.দি.এম.এ.গী দাইমন্দ জুবিলী অন্যুৱল পব্লিকেশন ফোংখি।

দা. ভি.জি. সোমানি, দ্রগ কন্ত্রোলর জেনরেল ওফ ইন্দিয়া, দা. মন্দীপ কুমার ভন্দারি, জোইন্ত সেক্রেতরী, হকশেল অমসুং য়াইফ য়ুম্বাল মন্ত্রালয়, দা. ভিরাঞ্চি শাহ, নেস্নেল প্রেসিদেন্ত, আই.দি.এম.এ.; শ্রী ভারত শাহ, চেয়রমেন, অই.দি.এম.এ. দাইমন্দ জুবিলী ওর্গানাইজিং কমিতী, শ্রী মহেশ দোশি, ইমিদিয়েত পাস্ত নেস্নেল প্রেসিদেন্ত; শ্রী মেহুল শাহ, জেনরেল সেক্রেতরী, অই.দি.এম.এ.না থৌরম অদুদা শরুক য়াখি।

পি.আই.বি.মুম্বাই | দি.জে.এম./সমর্জিত/সোনল/পি.এম.