রেলৱে প্রোতেক্সন ফোর্স (আর.পি.এফ.)তা রেলৱে প্রোপর্তী, পেসেঞ্জর এরিয়া, পেসেঞ্জরশিং অমসুং মসিগা মরী লৈনবা হীরমশিং ঙাকশেন্নবা থৌদাং শিন্নখি। পুলিস অমসুং অতোপ্পা লো এনফোর্সমেন্ত এজেন্সীগা লোয়ননা পুনশিন্দুনা রেলৱে সেক্যুরিতী, পেসেঞ্জর সেক্যুরিতীদা মীৎয়েং চংনবগীদমক অমসুং পেসেঞ্জরশিংদা তেংবাং পীনবা আর.পি.এফ.না ২০২২দা ওপরেসন কয়ামরুম চত্থখি অমসুং শীংথানীংঙাই ওইবা পর্ফোরমেন্স উৎখি। আর.পি.এফ.না চত্থখিবা ওপরেসনশিং অসি মীয়ামদগী য়াম্না ফাবা অমসুং পুক্নিং থৌগৎনীংঙাই ওইবা পাউখুম ফংবা ঙমখি।

পেসেঞ্জরশিংনা থুবনা মরম ওইরগা চেল্লিবা ত্রেনদা তোংখৎনবা/কুমথনবা হোৎনবদা নানথহৌবা অমসুং তুবদগী ত্রেনগী চকা মখাদা চংবগী খুদোংথিবা নংবগী থৌদোকশিং লৈ। অতোপ্পা থৌদোকশিংদা ৱাখল নুংঙাইতবা মীওইশিংনা থৌওইনা চেল্লিবা ত্রেনগী মমাংদা চোংশিন্দুনা মশা মথন্তা শীজিন্নবা হোৎনবসু য়াওই। মিসন “জীবন রক্ষা”গী মখাদা আর.পি.এফ. পর্সনেলনা মখোয় মশাগী থৱায় খুপাক্তা হাপতুনা ২০২২গী মার্চ থা মনুংদা অসিগুম্বা মীওই ৭৪ (নুপা ৫০ + নুপী ২৪) অমসুং ২০২২গী ওইনা মার্চ থা ফাওবদা মীওই ১৭৮ (নুপা ১০ + নুপী ৭২) কনবা ঙমখি।

 “ওপরেসন ননহে ফরিস্তে”গী মখাদা আর.পি.এফ.না তোঙান-তোঙানবা মরমশিংদগী মখোয়গী ইমুং-মনুংদগা লাপনরবা/খাইদোক্নখ্রবা য়েংশিনবীবা অমসুং ঙাকশেল পীবা মথৌ তাবা অঙাং খঙদোক্নবা অমসুং কন্নবগী অফবা থবক অমা পাইখৎখি। ইন্দিয়ন রেলৱেজনা থেংনবা য়েংশিনবীবা অমসুং ঙাকশেল পীবা মথৌ তাবা অঙাং ১৪২০ (নুপামচা ৯৫৪ + নুপীমচা ৪৬৬) অমসুং অঙাং ৩৬২১ (নুপামচা ২৪৪২ + নুপীমচা ১১৭৯) মথংশিৎনা মার্চ ২০২২দা অমসুং ২০২২দা (মার্চ ফাওবদা) কনবা ঙমখি।

“ওপরেসন মাতৃশক্তি”গী মখাদা আর.পি.এফ. পর্সনেল মরু ওইনা নুপী আর.পি.এফ. পর্সনেলনা ত্রেনগী খোঙচৎ মনুংদা অঙাং উনবদা মীরোনবী নুপীশিংবু চাউনা মতেং পাংখি। নুপী আর.পি.এফ. পর্সনেলনা অসিগুম্বা নুপী পেসেঞ্জর ১০ অমসুং ২৬ মথংশিৎনা মার্চ ২০২২ অমসুং ২০২২ (মার্চ ফাওবদা)দা কনবা ঙমখি অমসুং মখোয়গী পোকপদা ঙাইরিবা অঙাংশিংবু নীংথিজরবা মালেম অসিদা পুরকপদা মতেং পাংখি।

পেসেঞ্জর কয়ানা ত্রেন থুংনা তোংখৎনবা নত্ত্রগা ত্রেন/স্তেসনদগী চৎখিনবা হোৎনবদা মখোয়গী মপোৎ-মচৈ কাওরম্বা য়াওই। “ওপরেসন অমনানৎ”কী মখাদা আর.পি.এফ. পর্সনেলনা অসিগুম্বা মপোৎ-মচৈশিং অসি মতিক চাবা মপুশিংদা খুৎশিন্নবদা মতেং পাংখি। আর.পি.এফ.না ওপরেসন অসিগী মখাদা ২০২২গী মার্চ থাদা অমসুং ২০২২দা (মার্চ ফাওবা) মথং শিৎনা লুপা করোর ৩.৪১রোম ওইবা পেসেঞ্জরগী মপোৎ-মচৈ ২০০০ হেন্না অমসুং লুপা করোর ৯.১৫ রোম হেনবা লগ্গেজ ৫৩৩৭ ফংবা ঙমখি।

রেল-রুৎ অসি ময়াই কাইবা নিশা ললোনবগী অচৌবা লম্বী অমা ওইরি। আর.পি.এফ.না ওপরেসন নরকোস চত্থদুনা রেলগী খুত্থাংদা ময়াই কাইবা নিশা ললোনবা ফাবা ঙমখি। ওপরেসন অসিগী মখাদা আর.পি.এফ.না লুপা করোর ৩.১২ হেনবগী ময়াই কাবা নিশাগী পোৎলমশিংগা লোয়ননা মার্চ ২০২২দা মীওই ৯১ ফাগৎপা ঙমখি। ২০২২দা (মার্চ ২০২২ ফাওবা) লুপা করোর ৯.৯৭রোমগী ময়াই কাবা নিশাগা লোয়ননা মীওই ২৪৫ ফগৎপা ঙমখি।

আর.পি.এফ.না “ওপরেসন দবল্যু.আই.এল.ই.পি.”গী মখাদা রেলগী খুত্থাংদা লমলক্কী শা-উচেক, শাগী হকচাংগী কায়াৎশিং অমসুং উমংগী পোত্থোক ললোনবশিংগী মায়োক্তা এক্সন লৌখৎখি। ২০২২গী মার্চ থাদা আর.পি.এফ.না মীওই অমা ফাবগা লোয়ননা অসিগুম্বা কেস ৩ থেংনখি অমসুং ফোরেস্ত বিভাগতা অকংবা সী হোর্স , পারাকীৎশিং, ৱাতর বর্দশিং অসিনচিংবা ফাগৎপা ঙমখ্রবা স্পেসীসশিং খুৎশিন্নখি। ২০২২দা অসিগুম্বা থৌদোক ১৯ থেংনখি অমসুং মীওই ১৭ ফাগৎখি অমদি উমংগী উ, উচেক, লংজা, থেংগু অসিগুম্বা লমলক্কী শা-উচেক/শাগী পোত্থোক/ উমংগী পোত্থোক ফাগৎপা ঙমখি।

“ওপরেসন রেল প্রহারি”গী মখাদা আর.পি.এফ.না রেলদা য়েংশিল্লিবা মীওইশিং ওইখি অমসুং রাজ্যগী পুলিস/লো এনফোর্সমেন্ত এজেন্সীশিং (এল.ই.এ.শিং)বু মখোয়গী মশাগী এরিয়াশিংদগী রিপোর্ত তৌরকপা অরুবা কেসশিং খঙদোকপদা মতেং পাংখি। ২০২২ (মার্চ ফাওবদা) আর.পি.এফ.না অসিগুম্বা কেস ২০ খঙদোকপা অমসুং মীহাৎপা, রেপ, হুরান চিন্থি, য়ুম থুগাইদুনা চংলুবা, মী কিদনেপ তৌবা অসিগুম্বা শাথিবা ক্রাইমশিং চত্থখিবা ক্রিমিনেল ফাবদা পুলিস/এল.ই.এ.শিংগী মতেং পাংখি।

আর.পি.এফ.না ওপরেসন দিগনিতীগী মখাদা য়েংশিনবীবা অমসুং ঙাকশেল পীবা মথৌ তাবা ময়ুম লৈজদ্রবা, কনা লৈজদ্রবা, ৱাখল মীমান্নদ্রবা, ত্রাফিকিং তৌরুরবা মীওইশিংসু কনবা ঙমখি অমসুং এন.জি.ও.শিংগা খুৎশম্নদুনা মখোয়বু মখোয়গী ইমুং-মনুংশিংদা শিন্নবা নত্ত্রগা শেলতর হোমশিংদা থম্বা ঙমখি। আর.পি.এফ,না নুপা ৩৩১ অমসুং নুপী ৪৩১, পুন্না মীওই ৭৬২ ২০২২দা (মার্চ ফাওবদা) কনবা ঙমখি।

আর.পি.এফ. পর্সনেলনা সতর্কতা, সুরক্ষা অমসুং সেবাগী পান্দম অহুম অসি থুংহন্নবা লৈবাক শিনবা থুংবদা পুং কুনমরি চেকশিন্না থবক তৌখি অমসুং ফোর্স অসিগী মোত্তো “য়সো লভস্ব” নত্ত্রগা “এতেন ওনর” হায়বা অসি থুংহল্লি।

***********