রেলৱেজ বোর্দকী চিয়রমেন শ্রী ভি.কে. ত্রিপাথি, পোর্তস, শিপ্পিং এন্দ ৱাতরৱেজ মন্ত্রালয়গী সেক্রেতরী, দা. সঞ্জীব রঞ্জন, সিভিল এভিএসন মন্ত্রালয়গী সেক্রেতরী শ্রী রাজিব বনসল, দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদকী সেক্রেতরী, শ্রী অনুরাগ জেন অমসুং অতোপ্পা ইনফ্রাস্ত্রকচর মন্ত্রালয়/বিভাগশিংগী মকোক থোংবা ওফিসিএলশিংগা লোয়ননা পি.এম. গতিশক্তিগী মতাংদা পাঙথোকপা য়েংশিন মীফমদা কম্মর্স এন্দ ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইল্স মন্ত্রী, শ্রী পিয়ুশ গোয়লনা ময়াই তাংবল লৌখ্রে।

পি.এম. গতিশক্তি নেস্নেল মাস্তর প্লান (এন.এম.পি) অসি হেন্না সিনর্জী লৈহন্নবা তোঙান-তোঙানবা মন্ত্রালয়/বিভাগশিংগী হৌজিক পাইখৎলিবা অমসুং প্রপোজ তৌখিবা চাউখৎ-থৌরাংগী থৌশিংশিংগী ইন্তিগ্রেতেদ প্লান অমনি।

এন.এম.পি. অসিনা ইনফ্রাস্ত্রকচর চাউখৎহনবদা শরুক য়ারিবা তোঙান-তোঙানবা স্তেকহোল্দরশিংদা ভিজিবিলিতী লৈহন্দুনা ‘আত্মনির্ভর ভারত’ অমগী পান্দম অদু থুংহনবদা মতেং পাংলগনি। মসি তোঙান-তোঙানবা মন্ত্রালয়শিং অমসুং রাজ্য সরকারশিংগী ইনফ্রাস্ত্রকচর স্কিমশিংদা ইনকোর্পোরেৎ তৌগনি। তেক্সতাইল ক্লস্তরশিং, ফার্মাক্যুতিকেল ক্লস্তরশিং, দিফেন্স কোরিদোরশিং, ইলেক্ত্রিনিক পার্কশিং, ইন্দস্ত্রিএল কোরিদোরশিং, ফিশিং ক্লস্তরশিং, এগ্রি জোনশিং অসিগুম্বা ইকনোমিক জোনশিং অসি মাস্তর প্লান অসিগী মখাদা কোনশিনগনি।

মসিনা শেন্মীৎলোন চাউখৎহনবদা, ইনভেস্তমেন্তশিং লাকহনবদা শাহৌ পীগনি অমসুং লৈবাক অসিগী গ্লোবেল কম্পিতিবনেসন হেনগৎহনগনি।

দি.পি.আই.আই.তি.গী লোজিস্তিক্স দিবিজনগী স্পেসিএল সেক্রেতরীনা পীখিবা প্রজেন্তেসন অমদা পি.এম. গতিশক্তিগী মখাদা থমখিবা পান্দমশিংগী ওইনা মন্ত্রালয়-মন্ত্রালয়গী ওইবা থবক্কী খোঙজেল অদু খন্নখি। রোদ ত্রান্সপোর্ত এন্দ হায়ৱেজ মন্ত্রালয়না ২০২৪-২৫ ফাওবদা কিমি ২,০০,০০০ লোইশিনবগী থমখিবা পান্দমগী মনুংদা ২০২২গী মার্চ ৩১ ফাওবা নেস্নেল হায়ৱেজকী কিমি ১,৪১,১৯০ লোইশিনবা ঙমখি।

মসিগা মান্নবা মওংদা পেত্রিলিয়ন এন্দ নেচরেল গ্যাস মন্ত্রালয়না চপ মান্নবা মতম অসিদা থমখিবা ৩৪,৫০০গী পান্দমগী মনুংদা গ্যাস পাইপলাইন কিমি ২০,০০০ তিংবা লোইশিনবা ঙমখ্রে। পাৱর মন্ত্রালয়না মার্চ ২০২২গী অরোইবা ফাওবদা কিমি ৪,৫৪,২০০গী ত্রান্সমিসন নেৎৱার্ক থম্বগী পান্দম অদু থুংহনবা ঙমখ্রে।

তিলিকম্ম্যুনিকেসন বিভাগনা ২০২৪-২৫ ফাওবদা থমখিবা কিমি ৫০,০০,০০০গী পান্দমগী মনুংদা মার্চ ৩১, ২০২২ ফাওবদা ও.এফ.সি. নেৎৱার্ক্কী কিমি ৩৩,০০,৯৯৭ শেম্বা ঙমখ্রে।

মীফম অদুনা ইন্সতিত্যুসন্নেল ফ্রেমৱার্ক অসি থবক্তা ওন্থোক্নবা পুখৎখি। মসিগী মতুং ইন্না, লাক্কদবা মথৌ তাবা অমা হেক্তা থুংহন্নবগীদমক মাস্তর প্লান্দা লাকপা অহোংবা অমা হেক্তা অয়াবা পীনবগীদমক কেবিনেৎ সেক্রেতরীনা চিয়রমেন ওইবা এপেক্স বোদী – এন এম্পাৱর্দ গ্রুপ ওফ সেক্রেতরীজ (ই,জি,ও,এস,) শেমখ্রে। প্রপোজেলশিংগী য়ুনিফাইদ প্লান্নিং অমসুং ইন্তিগ্রেসনগীদমক অমসুং ই.জি.ও.এস.তা তেংবাংনবা নেসৱার্ক প্লান্নিং দিবিজনগী মকোকশিং য়াওবা তোঙান-তোঙানবা কন্নেক্তিবিতী ইনফ্রাস্ত্রকচর মন্ত্রালয়শিং/বিভাগশিংদগী মীহুৎশিংগা লোয়ননা ইন্তিগ্রেতেদ মলতিমোদেল নেৎৱর্ক প্লান্নিং গ্রুপ (এন.পি.জি.) মথৌ তৌহনখ্রে।

রাজ্যশিং ওন-বোর্দ তৌখ্রে অমসুং পি.এম. গতিশক্তিগী ৱাখল্লোন অসি স্ত্রীমলাইন অমসুং দেমোনস্ত্রেৎ তৌনবা রাজ্যশিংদা ইন্সতিত্যুস্নেল সেৎ-অপ শেমখ্রে। রাজ্য ২৫দা এম্পাৱর্দ গ্রুপ ওফ সেক্রেতরীজ শেমখ্রে। নেৎৱার্ক প্লান্নিং গ্রুপ অসি রাজ্য ৯দা মথৌ তৌবা হৌহনখ্রে অমসুং রাজ্য ৬তা তেক্নিকেল সপ্পোর্ত য়ুনিৎ লিংখৎখ্রে। কেন্দ্রগী মন্ত্রালয়শিং/বিভাগশিং অমসুং রাজ্য সরকারশিংগী ওফিসিএলশিংগী কেপাসিতী বিল্দিংগী এক্সর্সাইজ অসিসু লোইশিনখ্রে।

পি.এম. গতিশক্তি নেস্নেল মাস্তর প্লান পোর্তেলগী কান্নবশিং অমসুং ওন-গ্রাউন্দ ইমপেক্ত অদুসু উৎখ্রে। তোঙান-তোঙানবা মন্ত্রালয়শিং/বিভাগশিং অমসুং রাজ্য সরকারশিংনা ইমপ্লিমেন্তগী থবকশিং ইন্তিগ্রেসন অমসুং সিনক্রোনাইজেসন তৌনবা, ইনফ্রাস্ত্রকচর প্রোজেক্তশিং প্লান্নিং তৌবগী তাঙ্কক্তা শেল অমসুং মতম মাংহন্দনবা পোর্তেল অসি শীজিন্নবা হৌখ্রে।

নেস্নেল ব্রোদবেন্দ মিসনগী মখাদা মাগী প্রজাশিংদা বেন্দৱাইদ এম.বি.পি.এস. ৫০ ফংহন্নবা পান্দম অসি ফংনবা পি.এম. গতিশক্তি এন.এম.পি.গী খুত্থাংদা নন-ফাইবরাইজ তাৱরশিংগী কন্নেক্ত তৌনবগী প্লান্নিং অসি ও.এফ.সি.গী খুত্থাংদা তৌরি। নন-ফাইবরাইজ তাৱর পুম্নমক অমসুং হৌজিক লৈরিবা ও.এফ.সি. নেৎৱার্কশিং অসি তেলিকম্ম্যুনিকেসন বিভাগকী গতিশক্তি পোর্তেলদা মেপ তৌখি।

দেতা অমসুং প্লান্নিং ক্রাইতেরিয়াদা য়ুম্ফম ওইরগা মথৌ তাবা ও.এফ.সি.গী অশাংবা অমসুং ও.এফ.সি. তিংবগী শেল অদু ফংনবা খুৎলাই অমা দিবেলপ তৌরি।

রেলৱেজ মন্ত্রালয়গী দেদিকেতেদ ফ্রৈৎ কোরিদোর কোর্পোরেসন ওফ ইন্দিয়া লিমিতেদ (দি.এফ.সি.সি.আই.এল.)না প্রোজেক্ত ইমপ্লিমেন্ত তৌবদা থোরকপা অপনবা, শেল অমসুং মতম হন্থহন্নবা ইস্ত-ৱেস্ত, ইস্ত-কোস্ত অমসুং নোর্থ-সাউথ দেদিকেতেদ ফ্রৈৎ কোরিদোরশিং (দি.এফ.সি.শিং)গী এলাইনমেন্ত চেৎশিনহন্নবা পোর্তেল অসি শীজিন্নখি।

এয়র কন্নেক্তিবিতীগী থোরক্লিবা দিমান্দ থুংহন্নবা সিভিল এভিএসন মন্ত্রালয়গী এ.এ.আই.না পোর্তেল অসি শীজিন্নদুনা লম লৌশিনবগী মথৌ তাবশিং খঙদোক্নবা, উত্তরাখন্দগী দেহরাদুন্দা লৈবা জোলী গ্রান্ত এয়রপোর্ত চাউথোকনবা লম শীজিন্নবগী এনলাইসিস তৌনবা অমসুং রোদ কন্নেক্তিবিতী তৌবদা শীজিন্নখি। ফিজিকেল সর্ভে চত্থবগী মথৌ তাবা অদু পোর্তেল অসি শীজিন্নদুনা মহুৎ শিনবা এ.এ.আই.দা মতম চানা প্লান্নিং তৌবা অমসুং শেল তুংশিনবা ঙমহনখি।

পি.এম. গতিশক্তি এন.এম.পি.গী মতিক-ময়াই অদু ফোঙদোক্লদুনা মন্ত্রীনা তোঙান-তোঙানবা ইকনোমিক জোনশিংদা মলতিমোদেল কন্নেক্তিবিতী ফগৎহনবা অসিনা পোৎচৈ পুথোক-পুশিন তৌবা অমসুং মীয়াম্না চৎথোক-চৎশিন তৌবদা অপনবা লৈহল্লরোই হায়না ফোঙদোকখি। পি.এম. গতিশক্তি এন.এম.পি. পোর্তেলনা ইনফ্রাস্ত্রকচরগী বর্দস আইভ্যু ফংহল্লগনি অমসুং নেৎৱার্ক প্লান্নিং অমসুং হেন্না থুনা ক্লিয়রেন্সশীং পীবা ঙম্লগনি।

মহাক্কী লোইশিনবগী ৱারোলশিংদা মহাক্না কেন্দ্রগী মন্ত্রালয়শিং/বিভাগশিং অমসুং রাজ্য সরকারশিংনা এন.এম.পি. পাকশন্না শীজিন্নবদা অপেনবা ফোঙদোকখি। মহাক্না পি.এম. গতিশক্তিগী অফবা ওন-গ্রাউন্দ ইম্পেক্ত অসিবু থাগৎখি অমসুং পি.এম. গতিশক্তিগী পান্দমশিং থুংহন্নবা ইন্তিগ্রেতেদ ওইবা মওং অমদা ইনফ্রাস্ত্রকচর মন্ত্রালয় পুম্নমক তৌরিবা অফবা থবক অসিবু থাগৎখি।

মহাক্না পীরিবা ইম্পেক্ত অমসুং মিতিগেসনগী মথৌ তাবশিং, পোর্তেল ফগৎহন্নবা ফীদবেক লৌবা অমসুং সোল্যুসনশিং পুথোকপা/ কেসশিং / ফঙ্কস্নেলিতীশিং শীজিন্নবা অসিগী মতাংদা তোঙান-তোঙানবা স্তেকহোল্দরশিংগী প্রোব্লেম স্তেৎমেন্তশিং অসিদা য়ুম্ফম ওইরগা প্রোজেক্তশিংগী খোঙজেল ত্রেক তৌনবা, তুংলমচৎকী অফবা ফীভম শেমগৎনবা মপাঙ্গল কনবা মেকানিজমশিং পুথোক্নবা তুংলমচৎকীদমক লমজিং-লমতাকখি।

******