অৱাং নোংপোক লমদমগী চাউখৎ-থৌরাং মন্ত্রালয়
অৱাং নোংপোক ভারতকী ফার্মপ্রিন্যুর – দোনর মন্ত্রালয়গী মখাদা রেজিস্তর তৌবা সোসাইতী অমা ওইরিবা এন.ই.আর.সি.আর.এম.এস.না লৌখৎপা খোঙথাংদগী মায় পাকপগী ৱারী
Posted On:
13 APR 2022 6:18PM by PIB Imphal
মনিপুরগী উখ্রুল দিস্ত্রীক্তা, এগ্রো-ক্লাইমেতিক্কী ওইবা ফিভম অসি শেম থাবদা য়াম্না চানৈ। ২০১৯দা, জি.ও.আই.গী এন.ই.সি.গী নোর্থ ইস্তর্ন কম্ম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস.)না হিমাচল প্রদেশকী পলমপুরগী ইন্সতিত্যুৎ ওফ হিমালয়ান বাইও-রিসোর্স তেক্নোলোজী (সি.এস.আই.আর.-আই.ঐচ.বি.তি.)গা লোয়ননা উখ্রুল দিস্ত্রীক্তা চিল নেম্বা মখলগী শেম ভেরাইতী থাবা হৌখি। খোঙথাং অসি ফার্মিং কাংবু অমসুং সরকার অমসুং নন-গবর্নমেন্ত এজেন্সী কয়া অমনসু য়াম্না পাম্না লৌখি।
![IMG-20210624-WA0033](https://static.pib.gov.in/WriteReadData/userfiles/image/image001VAM6.jpg)
![](https://static.pib.gov.in/WriteReadData/userfiles/image/image002S2TU.jpg)
খোঙথাং অসিগী মখাদা, মনিপুরগী উখ্রুলদা লৈবা পোই খুঙ্গংগী খুঞ্জা অমা ওইরিবা শ্রীমতি ওগস্তিনা শিমরেবু শেম থাবা অসিগী বেনিফিসরী ওইনা খনখি। মহাক অসি হিমাচল প্রদেশকী পলমপুরগী ইন্সতিত্যুৎ ওফ হিমালয়ান বাইও-রিসোর্স তেক্নোলোজী (সি.এস.আই.আর.-আই.ঐচ.বি.তি.)দা ত্রেনিং ফংখিবা ফার্মরশিংগী মনুংদা অমনি। কেপাসিতী-বিল্দিং মতেং লৌরবা মতুংদা, শ্রীমতি শিমরেনা মহাক্কী লমদা মায় পাক্না শেম থাখি। মহাক্না অহানবা লোকপদা, মহাক্না চাওরাক্না শেম কে.জি. ১৬০ থাখি অমদি হায়রিবা অসিনা শেন্দোং লৈনা কে.জি. অমদা লুপা ২০০দা য়োনখি।
![](https://static.pib.gov.in/WriteReadData/userfiles/image/image003CUKC.jpg)
![https://www.rvasia.org/sites/default/files/styles/max_width_770px/public/2021-08/apple_farmer.jpg?itok=YzVB3uYQ](https://www.rvasia.org/sites/default/files/styles/max_width_770px/public/2021-08/apple_farmer.jpg?itok=YzVB3uYQ)
মহাক্কী মায় পাকপা অসিনা পুক্নিং থৌগৎতুনা, ফার্মরশিং খরসু শেম থাবা হৌরকখি। মহাক্কী তমজনিংঙাই ওইনা হোৎনরিবা অসিদা ইকাই খুম্নজরিবা মনিপুরগী মুখ্য মন্ত্রী শ্রী এন. বিরেন সিংহনা মহাকপু থাগৎপা ফোংদোকখি। মতুংদা, মহাক্না শেম থাবগী ত্রেন তৌনবা অমসুং লোক্লবা মতুংদা শিল-লাংনবা রাজ্য সরকারদগী শেলগী ওইবা মতেং ফংখি।
শ্রীমতি শিমরেনা মহাক্কী পুন্সিদা অওনবা অমা পীবিবা অমসুং শেল-থুমগী ওইবা লেপচবা ঙমহনবগীদমক জি.ও.আই.গী এন.ই.সি.গী এন.ই.আর.সি.আর.এম.এস.দা থাগৎপা ফোংদোকখি। ঙসিদি, মহাক্না আত্মা নির্ভরতাগী অনৌবা ৱাহন্থোক অমা খঙলে অমসুং মহাক্কী ৱারী অসি অৱাং নোংপোক ভারতকী ফার্মিং কম্ম্যুনিতী পুম্বগী পুক্নিং থৌগৎনিংঙাইনি।
*********
(Release ID: 1816592)
Visitor Counter : 118