नवी दिल्ली, 13 एप्रिल 2022

भारतरत्न डॉ बाबासाहेब आंबेडकर यांच्या जयंतीनिमित्त राष्ट्रपतींनी आज पूर्वसंध्येला सर्व नागरिकांना शुभेच्छा दिल्या आहेत.

आपल्या संदेशात राष्ट्रपती म्हणतात- “भारतीय राज्यघटनेचे शिल्पकार डॉ भीमराव रामजी आंबेडकर यांच्या जयंतीनिमित्त मी देशातील सर्व नागरिकांना शुभेच्छा देतो.

एक अर्थतज्ञ आणि मानवाधिकार तसेच महिला सक्षमीकरणाचे प्रखर समर्थक, भारताच्या राष्ट्रबांधणीतील एक बिनीचे नेते म्हणून डॉ. आंबेडकर ओळखले जातात. देशात सौहार्द निर्माण करण्यात त्यांनी मोठे  योगदान दिले  आणि जातिभेदाच्या शापापासून समाजाला मुक्त करण्यासाठी अथक प्रयत्न केले. कायद्याच्या राज्याचे सच्चे समर्थक असलेले डॉ. बाबासाहेब आंबेडकर कायम गरीब आणि मागास समाजाच्या अधिकारांच्या रक्षणासाठी लढले.

भारताच्या या थोर सुपुत्राच्या जीवनकार्यापासून आपण प्रेरणा घेतली पाहिजे. आपल्या देशाचा ‘सामाजिक आणि आर्थिक न्याय’ तसेच ‘ प्रतिष्ठा आणि संधीची समानता’ असलेला देश निर्माण करणे हीच डॉ. बाबासाहेब आंबेडकर यांना खरी श्रद्धांजली असेल.”

राष्ट्रपतींचा संदेश हिंदीतून वाचण्यासाठी इथे क्लिक करा.  

S.Kulkarni/R.Aghor/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com