লৈবাক অসিগী লেমহৌরিবা শরুক্কা অৱাং নোংপোক লমদমগা এয়র কন্নেক্তিবিতী ফগৎহন্নবা খোঙথাং অমদা সিভিল এভিএসন মন্ত্রালয় (এম.ই.সি.এ.)না এন.ই.আর.গী রাজ্যশিংদা এয়র কন্নেক্তিবিতী চাউখৎহন্নবা অমসুং করিগুম্বা মথৌ তারবদি এয়র কন্নেক্তিবিতীগী ইনফ্রাস্ত্রকচর শেমগৎনবগীদমক “প্রোভাইদিং এয়র কন্নেক্তিবিতী এন্দ এভিএসন ইনফ্রাস্ত্রকচর ইন নোর্থ ইস্তর্ন রিজন (এন.ই.আর.)” – কৌবা স্কিম অমা অয়াবা পীখ্রে। স্কিম অসিগী শরুক অমা ওইনা এপ্রিল ১২, ২০২২দা মরু ওইবা দিবেলপমেন্ত অনি লাক্কদৌরি – ভারত্তা শাজবা ঐচ.এ.এল. দোর্নিয়র দি.ও.-২২৮গী অহানবা ফ্লাইৎ অসামগী দিব্রুগরদগী অরুনাচল প্রদেশকী পাসীঘাত ফাওবা পাইগদৌরি। এলাইন্স এয়রনা সিভিল ওপরেসনশিংগীদমক ভারত্তা শাজবা এয়রক্রাফ পাইগদবা ভারতকী অহানবা কম্মর্সিএল এয়রলাইন ওইরগনি। অসামগী লীলাবারীদা নোর্থ ইস্তর্ন রিজনগী অহানবা এফ.তি.ও. (ফ্লাইয়িং ত্রেনিং ওর্গনাইজেসন)সু হৌদোক্লগনি।

থৌরম অনিমক সিভিল এভিএসনগী মন্ত্রী, শ্রী জ্যোতিরাদিত্যা এম. সিন্দিয়ানা অসাম অমসুং অরুনাচল প্রদেশকী মুখ্য মন্ত্রীশিং, মথং শিৎনা শ্রী হিমন্তা বিস্বা শর্ম অমসুং শ্রী পেমা খান্দু য়াওদুনা হৌদোক্কনি। মখোয়গী মথক্তা সিভিল এভিএসনগী সেক্রেতরী, শ্রী রাজিব বনসল, শ্রীমতি উশা পধে অমসুং শ্রী অম্বের দুবে, সিভিল এভিএসন মন্ত্রালয়গী জোইন্ত সেক্রেতরীশিং অমসুং অসাম অমদি অরুনাচল প্রদেশকী রাজ্য সরকারশিংগী দিগনিতরীশিং, এলাইন্স এয়রসু শরুক য়াগনি।

নোর্থ ইস্তর্ন রিজন (এন.ই.আর.)গী চাউকৎ-থৌরাং অসি স্ত্রেএজিক ওইনা মরু ওইবা খক্তা নত্তনা ভারতকী গ্রোথ স্তোরীগী শরুক অমসু ওইরি। এন.ই.আর.দা কন্নেক্তিবিতী লৈহনবা হায়বা অসি য়াম্না তঙাই ফদে অমসুং “উরে দেশ কা আম নাগ্রিক (উরান)”গী মখঅদা সিভিল এভিএসন মন্ত্রালয় (এম.ও.সি.এ.)গী রিজনেল কন্নেক্তিবিতী স্কিম (আর.সি.এস.)না এন.ই.আর. অসি প্রাইওরিতী এরিয়া ওইনা মশক খঙদোকখ্রে। মসিনা এন.ই.আর.গী ইন্তর-ইন্ত্রা কন্নেক্তিবিতী ফগৎহনবদা মতেং পাংখি। হীরম অসিদা অনৌবা এয়রপোর্তশিং শেমগৎখি অমসুং অরিবা এয়রপোর্তশিং অপগ্রেদ তৌখি। চীংগী লমদম ওইবা অসি য়েংলগা উরান স্কিমগী মখাদা হেলিকোপতর ওপরেসনশিং অসিদা কন্নেক্তিবিতীগীদমক মীৎয়েং থমখি।

*****