উপ-রাস্ত্রপতিগী লোইশঙ

উপ রাস্ত্রপতিনা হেল্থ ইনফ্রাস্ত্রকচর মপাঙ্গল কনখৎহনবদা প্রাইবেৎ সেক্তরনা চাউনা শরুক য়ানবা হায়খ্রে


মেদিকেলগী লমদা লৈরিবা মীওইশিং অমসুং প্রাইবেৎ ওর্গনাইজেসনশিংনা মীয়ামগীদমক চাং নাইনা হেল্থ এৱের্নেস কেম্পশিং পাঙথোক্কদবনি

হকচাং লেং-ওৎপা ৱাৎপা পুন্সি মহিংশিং থাদোকউ, অফবা চীঞ্জাক চাবগী হৈনবীশিং থম্মু: শ্রী নাইদু

উপ রাস্ত্রপতিনা অনৌবা মহাজন ইমেজিং ফেসিলিতী শঙ্গাখ্রে

Posted On: 10 APR 2022 1:03PM by PIB Imphal

উপ-রাস্ত্রপতি, শ্রী এম. ভেঙ্কাইয়া নাইদুনা ঙসি ভারত্তা লৈরিবা হেল্থকিয়র ইনফ্রাস্ত্রকচর মপাঙ্গল কনখৎহনবদা প্রাইবেৎ সেক্তরনা চাউনা শরুক য়াবা মথৌ তাই হায়না ফোঙদোকখ্রে। ভারতকী হেল্থকিয়রগী মথৌ তাবশিং অসি থুংহনবা হায়বা অসি অচৌবা থৌদাং অমনি হায়না ফোঙদোক্লদুনা মহাক্না প্রাইবেৎ সেক্তরনা সরকারগী খোঙথাংশিং অসিদা মতেং পাংশিন্নবা অমসুং “মেদিকেলগী শিনফম অমসুং মরী লৈনবা থবক-থৌরমশিং অসি মিসন অমা ওইনা” লৌনবা হায়খ্রে।

নই দিল্লীগী সফদরজং দিবেলপমেন্ত এরিয়াদা অনৌবা মহাজন ইমেজিং ফেসিলিতী শঙ্গংবদা শ্রী নাইনা মালেমগী থাক্কী হেল্থ ইনফ্রাস্ত্রচর অমসুং দাইগনোসিস অসিবু মীয়ামদা ফংহনবা হায়বা অসি হৌজিক্কী ওইনা খ্বাইদগী মরু ওই হায়খি। শ্রী নাইদুনা হায়-স্তেন্দর্দ দাইগনোস্তিকনা দোক্তরশিংনা হেন্না মরিক চুম্না দাইগনোস তৌবা অমসুং শাফবা খোঙথাং পাইখৎপদা মতেং পাংলগনি হায়না ফোঙদোকখি।

ভারত্তা নন-কম্ম্যুনিকেবল দিজিজশিং হেনগৎলকপগী কীনীংঙাই ওইরবা ত্রেন্দ অসিগী মতাংদা শ্রী নাইদুনা প্রাইবেৎ সেক্তরদা লৈরিবা মেদিকেলকী লমদা লৈরিবা মীওইশিংদা মীয়ামগী মরক্তা মরু ওইনা নহারোলশিংদা হকচাং লেং-ওৎপা ৱাৎপা পুন্সি মহিং অমসুং হকচাং শোক্নীংঙাই ওইবা চীঞ্জাক চাবগী হৈনবীশিং অসিনা থোকহল্লিবা খুদোংথিবশিংগী মতাংদা এৱের্নেস পীগদবনি হায়খ্রে। শ্রী নাইদুনা মীয়ামদা হকচাং লেং-ওৎপা ৱাৎপা পুন্সি মহিং অসি থাদোক্নবা অমসুং অফবা পুন্সি মহিং অমা হিংনবা হোৎনৌ হায়না অপীল তৌখি।

শ্রী নাইদুনা কোবিদ লাইচৎ অমসুং তোইনা হোংলক্লিবা অইং-অশাগী খল অসিনা “ঐখোয়গী হৈনবীশিং অমসুং পুন্সি মহিংগী মতাংদা ঐখোয়দা পরা কয়া তাকপীরি” হায়খি। মহাক্না মহৌশা তম্পাক্তা মতম লেন্নবা অসুং হেন্না সস্তেনেবল ওইবা লাইফস্তাইল অমা হিংনবা হায়খি।

উপ-রাস্ত্রপতিনা মহাজন ইমংজিংগী মেনেজমেন্তবু অদভান্স দাইগনোস্তিক ফেসিলিতী অমা পুথোক্নবা মখোয়না খোঙথাংশিং লৌখৎখিবগীদমক থাগৎপা ফোঙদোকখ্রে। মহাজন ইমেজিংগী ফাউন্দর অমসুং মেনেজিং দিরেক্তর ওইরিবা দা. হর্শ মহাজন, একজিক্যুতিব দিরেক্তর শ্রীমতি রিতু মহাজন অমসুং অতোপ্পা দিগনিতরীশিংনা থৌরম অসিদা শরুক য়াখি।

****



(Release ID: 1815460) Visitor Counter : 165