শেল-থুম মন্ত্রালয়

২০২১-২২গী তেক্স রিবিন্যুদা কেন্দ্রগী বজেৎকী ওইনা পাবদা লুপা লাখ করোর ৫ হেনখ্রে

Posted On: 08 APR 2022 3:55PM by PIB Imphal

২০২১-২২গী কেন্দ্রগী বজেৎতা তেক্স রিবিন্যু অসি ১৭% হেনগৎপগা লোয়ননা লুপা লাখ করোর ১৯গী রিভাইস এস্তিমেৎকী মায়োক্তা লুপা লাখ করোর ২২.১৭তা পাখি। কেন্দ্রগী বজেৎ অসি অহানবা কোবিদ-১৯গী শাহুম্না ভারত্তা হন্থখ্রবসু মালেম অসিনা মখা তানা মায়োক্নরিবা মতম ২০২১গী ফেব্রুৱারী ১দা পুথোকখি।   

কেন্দ্রগী বজেৎনা লুপা লাখ করোর ২২.১৭ পাবগী মায়োক্তা, প্রি-একচুএল ফিগরগী মতুং ইন্না রিবিন্যু খোমগৎপা অসি লুপা লাখ করোর ২৭.০৭ ওইখি, মসি চাওরাক্না বজেৎ পাবদগী লুপা লাখ করোর ৫গী মথক ওইখি। হায়রিবা অসি হৌখিবা চহিগী রিবিন্যু খোমগৎপদা লুপা লাখ করোর ২০.২৭ ওইদুনা ৩৪% হেনগৎখি, দাইরেক্ত তেক্সশিংদা ৪৯% অমসুং ইনদাইরেক্ত তেক্সতা ২০% ওইদুনা চৎখি। রিবিন্যু ফগৎলকপা অসি কোবিদকী শাহুম মতুংদা ইকোনোমীদা মখা তানা ফগৎলকপা, মসিদা সরকারনা চৎথবা মালেমগী ওইবা খ্বায়দগী চাউবা অমা ওইরিবা ইম্ম্যুনাইজেসন প্রোগ্রাম্না মতেং ওইদুনা কাপখৎখিবনি। মসিনা ইকোনোমীদা শিংথানিঙাই ওইনা ফগৎলকপা অমসু ওইখি। মসিদা তেক্সেসন্দা হেন্না ফবা হোৎনবা অমসু ওইরি। তেক্স এদমিনিস্ত্রেসন্না হকথেংনবগা লোয়ননা নাকোইনবা তেক্সনা তেক্নোলোজী অমসুং আর্তিফিসিএল ইন্তিলিজেন্স শিজিন্নবগী খুৎথাংদা হেন্না কনবা থৌদাং কয়া অমা লৌখি। 

দি.জি.পি. রেসিওদা ৬.১% দাইরেক্ত তেক্স অমসুং দি.জি.পি. রেসিওদা ৫.৬% ইনদাইরেক্ত তেক্সকা লোয়ননা, ২০২১-২২ অসি তেক্স- দি.জি.পি. রেসিওদা ১১.৭% ওইদুনা খ্বায়দগী ৱাংলি। তেক্স বৌয়ান্সী (দি.জি.পি. ফগৎলকপদা চাংদম্নদুনা তেক্স রিবিন্যুশিং ফগৎলকপা ওল্লিবা) অসি দাইরেক্ত তেক্সকী ২.৮ অমসুং ইনদাইরেক্ত তেক্সকী ১.১গা লোয়ননা ১.৯দা য়াম্না ফবা মশিং অমা ওইরি। দাইরেক্ততগী ইনদাইরেক্ত তেক্সকী রেসিও অসি ২০২০-২১দা ০.৯দগী ২০২১-২২দা ১.১দা লাক্লি।  

হৌখিবা চহিদা লুপা লাখ করোর ৬.৫কী মায়োক্তা গ্রোস কোর্পোরেৎ অসি ২০২১-২২ মনুংদা লুপা করোর ৮.৬ ওইখি, হায়রিবা অসিনা উৎলি মদুদি অনেম্বা রেৎশিংগা লোয়ননা তেক্স রিজিম নৌনা লায়থোকহল্লি অমসুং ৱাশক্তা একজেমসন লৈতে। চহি অসিগী মনুংদা ইনকম তেক্স দিপার্তমেন্তনা লুপা লাখ করোর ২.২৪ রিফন্দ তৌখি। হৌখিবা চহি অনিদা, ব্যুজিনেসশিংগী মখুৎতা লিক্যুদিতী ইনফ্যুজদা রিফন্দগী অশেংবা বেকলোগ অমা ওইরি। চহি অসিগী মনুংদা, লুপা করোর ২.৪ রিফন্দ ইসু তৌখি মদুদা ২০২১-২২ চহিগা মরী লৈনবা করোর ২.০১ য়াওরি, হায়রিবা রিতর্নশিং অসি ২০২১গী মার্চকী ৩১ফাওবদা ফাইল তৌখিবনি।

হায়রিবা অসি রিতর্নশিং থবকশিংদা য়াম্না থুনা পায়খৎপনা ওইথোকপা ঙম্বনি। ২০২১-২২গী মনুংদা, নুমিৎ অদুমক্তদা ২২.৪%গী থবকশিং পায়খৎখি অমসুং চাওরাক্না রিতর্ন ৭৫%না থা অমগী মনুংদা থবকশিং পাংথোকখি।  ২০২১-২২গী মনুংদা রিতর্নশিংগী থবক পায়খৎপগী মতমগী চাং অসি নুমিৎ ২৬নি ওইখি। হৌখিবা চহিদা করোর ৬.৯৭গা য়েংনবদা চহি অসিগী মনুংদা, রিতর্ন ৭.১৪ ফাইল তৌখি।

কোবিদ-১৯ লায়চৎকী শাহুম অনি লৈরবসু ২০২১-২২গী মনুংদা ইন্দাইরেক্ত তেক্সশিংদা, জি.এস.তি.না য়াম্না মপুং ফানা ফগৎপা উখি। সি.জি.এস.তি. রিবিন্যুনা হৌখিবা চহিদা লুপা লাখ করোর ৪.৬ ওইখিবদগী ২০২১-২২দা লুপা লাখ করোর ৫.৯দা হেনগৎখি। ২০২০-২১দা লুপা ৯৪,৭৩৪ অমসুং ২০১৯-২০দা লুপা লাখ করোর ১.০১গা য়েংনবদা ২০২১-২২গী থাগী ওইবা গ্রোস জি.এস.তি. রিবিন্যুগী চাং অসি লুপা লাখ করোর ১.২৩ ওইখি।  

মসিনা অমুক ইকোনোমীদা য়াম্না লিংনা রিবাউন্দ তৌবা ময়েক শেংনা উৎলি। হায়রিবা অসি অপাম্বা পুথোকপা হেনগৎনবগী লৌখৎপা খোঙথাং কয়া অমনা ওরকপনি। জি.এস.তি.আর.-৩.বি. ফাইলিং (থাগী অরোইবা ফাওবদা মমাং থাগী ফাইল তৌবগী রিতর্নশিং চাদা) অসিনা ২০২০গী সেপ্তেম্বরদা ৭৪%দগী ২০২২গী ফেব্রুৱারীদা ৮৭%দা হেনগৎখি। জি.এস.তি.আর.-১ ফাইলিংনা ২০২০গী সেপ্তেম্বরদা ৫৪%দগী ২০২২গী ফেব্রুৱারীদা ৮২%দা শিংথানিংঙাই ওইনা হেনগৎখি। মসিনা জি.এস.তি.আর.-৩.বি. ফাইলিং অমসুং ফাইলিংগী মরক্তা অহোবা য়াম্না নেম্না লৈরি হায়না উৎলি।

ইকোনোমী ফগৎলকপগী থাকসু থা খুদিংগী ই-ৱে বিলশিং জেনরেৎ তৌবগী ভেল্যুদগী উবা ফংলি, হায়রিবা অসিদা ২০২১গী জানুৱারীদা লুপা লাখ করোর ১৬.৯দগী ২০২২গী মার্চতা লুপা লাখ করোর ২৫.৭দা হেন্না ফগৎলি।

২০২১-২২ মনুংদা, কস্তম দ্যুতীদা ৪৮%গী চাংদা ফগৎলকপা উবা ফংলি। হৌখিবা চহি অনিগী মনুংদা, সরকারনা য়াম্না কুপ্না খন্নদুনা অমসুং মীয়ামদগী পাউ লৌদুনা অমসুং একজেম্সন কয়া অমা রেস্নলাইজ তৌদুনা অমসুং তারিফ স্ত্রকশিং সিমপ্লিফাইদ তৌবগী খুৎথাংদা কস্তম তারিফ স্ত্রকচর খুমাং চাউশিনবা রিভ্যু অমসুং রেস্নলাইজেসন লৌখৎখি।

মসিদা মখা তানা ওইরপা য়াই হায়না পারি মদুদি সরকারগী ইকোনোমী অমসুং তেক্স রিবিন্যুশিংগী রিকবরীগী ত্রেন্দ অসি মখা তানা ফগৎলকখিগনি।

****



(Release ID: 1815330) Visitor Counter : 214


Read this release in: Telugu , English , Urdu , Hindi