২০২২গী জনুৱারী ৩১দা হৌদোকখিবা ২০২২গী পার্লিয়ামেন্তকী বজেৎ সেসন অদু ঙসি ২০২২গী এপ্রীল ৭, শগোলশেল নুমিৎতা মতম কক্তনা য়ৈথোকখ্রে৷

ঙসি মফম অসিদা পাংথোক্লিবা বজেৎ সেসন অসিগী মতাংদা ৱা ঙাংলদুনা, ২০২২গী বজেৎ সেসনগী মতমদা রাজ্য সভা অমসুং লোক সভাগী মীওই ২৭ খক্তনা শরুক য়াখি হায়না পার্লিয়ামেন্তরী এফিয়র্সকী কেন্দ্র মন্ত্রী শ্রী প্রলহাদ জোশিনা ফোংদোকখি৷ ২০২২গী এপ্রীল ৮ ফাওবা ফম্ননবা মাংজৌননা মতম লেপখিবা সেসন অদু তোঙান তোঙানা পোলিতিকেল পার্তীশিংগী লিদরশিংনা দিমান্দ তৌরকপদগী লেপখিবনি হায়না মন্ত্রী অসিনা পনখি৷ পার্লিয়ামেন্তরী এফিয়র্স অমসুং কলচরগী রাজ্য মন্ত্রী শ্রী আর্জুন রাম মেঘৱাল অমসুং পার্লিয়ামেন্তরী এফিয়র্স অমসুং এক্সতর্নেল এফিয়র্সকী রাজ্য মন্ত্রী শ্রী ভি মুরালীধারনসু প্রেস কনফরেন্সতা শরুক য়াখি৷

২০২২গী জনুৱারী ৩১, নিংথৌকাবা নুমিৎতা হৌখিবা ২০২২গী পার্লিয়ামেন্তকী বজেৎ সেসন অসি ঙসি, হায়বদি ২০২২ এপ্রীল ৭ শগোলশেল নুমিৎতা মতম কক্তনা য়ৈথোকখ্রে৷ ২০২২গী মার্চ ১৪, নিংথৌকাবা নুমিৎতা অমুক হন্না ফম্নবা ২০২২গী ফেব্রুৱারী ১১, ইরাই নুমিৎতা রাজ্য সভা অমসুং লোক সভা ফম্বা লেপখিবা অসি তোঙান তোঙানবা মন্ত্রালয়শিং/দিপার্তমেন্তশিংদা মরী লৈনরিবা গ্রান্তশিংগী দিমান্দশিং অদু দিপার্তমেন্তকা মরী লৈনবা স্তেন্দিং কম্মিতীনা য়েংশিন্নবা ঙম্নবা অমদি রিপোর্ত পীরক্নবনি৷

বজেৎ সেসনগী অহানবা শরুক্তা লোক সভা অমসুং রাজ্য সভাগী মীওই১০ ফমখি৷ সেসনগী অনিশুবা শরুক্তা, হাউস অনিমক্কী মীওই ১৭ ফমখি৷

সেসনগী অহানবা শরুক্তা, কোবিদকী ফিভম অসি য়েংলগা, লোক সভানা সভা অদুগী মীওইশিং ফম্ননবা লোক সভা চেম্বর,লোক সভা পব্লিক গেল্লরী, রাজ্য সভা চেম্বর অমসুং রাজ্য সভা পব্লিক গেল্লরী শিজিন্নখি অদজুগা রাজ্য সভানা সভা অদুগী মীওইশিং ফম্ননবগীদমক রাজ্য সভা চেম্বর, রাজ্য সভা পব্লিক গেল্লরী অমসুং লোক সভা চেম্বর শিজিন্নখি৷ লোক সভানা অহানবা ফমখিবা মতমদা  ৩১.০১.২০২২ অমসুং ১.০২.২০২২ নত্তনা নুংতি নুমিৎ খুদিংগী (দরকার ওইরকপা মতমদা মতম শাংদোক্তুনা)  নুমিদাংৱাইরমগী পুং ৪দগী নুমিদাংগী পুং ৯ ফাওবা ফমখি৷ রাজ্য সভানা অনিশুবা ফমখিবা মতমদা ৩১.০১.২০২২ অমসুং ১.০২.২০২২ নত্তনা নুংতি নুমিৎ খুদিংগী (দরকার ওইরকপা মতমদা মতম শাংদোক্তুনা)  অয়ুক্কী পুং ৯দগী নুংথিলগী পুং ৩ ফাওবা ফমখি৷  সেসনগী অনিশুবা শরুক্তা, হাউসশিংগী মতম অসি হান্নগী পুংফমশিংদা, হায়বদি অয়ুক্কী পুং ১১দগী নুমিদাংৱাইরমগী পুং ৬ ফাওবা প্রোতোকোল পুম্নমক ইন্দুনা অমুক হল্লকখি৷

মসিনা চহি অসিগী ওইনা অহানবা সেসন ওইবনা, রাস্ত্রপতিনা ২০২২গী জনুৱারী ৩১দা কন্সতিত্যুসনগী আর্তিকল ৮৭ (১)গী তর্মশিংদা শরুক য়ারিবা পার্লিয়ামেন্তকী হাউস অনিমক্তা ৱারোল থমখি৷ লোক সভাদা রাস্ত্রপতিগী ৱারোলদা শ্রী হরিশ দ্বিবেদিনা মোসন ওফ থেঙ্কস ফোংদোকখি অমসুং শ্রী কামলেশ পাসৱননা অনিশুবা ওইনা ফোংদোকখি৷ মসিগী আইতেম অসিনা লোক সভাবু পীরিবা পুং ১২গী মহুৎতা পুং ১৫গা মিনত ১৩ ফমহনখি৷ রাজ্য সভাদা, চন্দ্রপ্রভা হায়না খঙনবা শ্রীমতি গীতানা মোসন ওফ থেঙ্কস ফোংদোকখি অমসুং অনিশুবদা শ্রী শ্বেত মালিকনা অনিশুবদা ফোংদোকখি৷ মসিগী আইতেম অসিনা রাজ্য সভাবু পীরিবা পুং ১২গী মহুৎতা পুং ১২গা মিনত ৫৬ ফমহনখি৷ সেসনগী অহানবা শরুক্কী মতমদা হাউস অনিমক্না ইকাই খুম্নরবা প্রধান মন্ত্রীনা পীরক্লিবা পাউখুম অদুদগী মোসন ওফ থেঙ্কস অদু খন্নখিবনি অমদি শিজিন্নখিবনি৷

২০২২-২৩গী য়ুনিয়ন বজেৎ অদু ২০২২গী ফেব্রুৱারী ১, লৈবাকপোকপা নুমিৎতা পুথোকখিবনি৷ সেসনগী অহানবা শরুক্তা হাউস অনিমক্তা য়ুনিয়ন বজেৎকী মতাংদা জেনেরেল দিসকস্সন পাংথোকখি৷ মসিনা লোক সভাবু  পুং ১২গী মহুৎতা পুং ১৫গা মিনত ৩৫ ফমহনখি অমদি রাজ্য সভাবুনা পুং ১১গী মহুৎতা পুং ১১গা মিনত ০১ ফমহনখি৷

অনিশুবা শরুক্তা, লোক সভাদা, রেলৱে, রোদ ত্রান্সপোর্ত অমসুং হাইৱেজ,সিবিল এবিয়েসন, কম্মর্স অমসুং ইন্দস্ত্রী অমদি পোর্তস, শিপ্পিং অমসুং ৱাতরৱেজ মন্ত্রালয়শিংগা মরী লৈনবা গ্রান্তশিংগী দিমান্দশিং খন্ন-নৈনখি অমদি তোখায় তোখায়না  খনখি৷ মতুং তারকপদা মন্ত্রালয়শিং/দিপার্তমেন্তশিংগী গ্রান্তশিংগী লৈহৌরিবা দিমান্দশিং অদু ২০২২গী মার্চ ২৪, শগোলশেল নুমিৎতা হাউসতা ভোৎ তৌখি৷ মরী লৈনবা এপ্রোপ্রিয়েসন বিল অদুসু পুথোকখি, খন্নখি অমদি ২৪.০৩.২০২২ মক্তদা লোক সভানা পাস তৌখি৷ ২০২১-২২ চহিগী গ্রান্তশিংগী সপ্লিমেন্তরী দিমান্দশিং; ২০১৮-১৯গী এক্সেস গ্রান্তশিংগী দিমান্দশিং; ২০২২-২৩ চহিগী গ্রান্তশিংগী দিমান্দশিং অমসুং জম্মু অমসুং কাশ্মীরবু এদোপ্ত তৌখ্রবা মতুংদা লৈরিবা ২০২১-২২ চহিগী গ্রান্তশিংগী সপ্লিমেন্তরী দিমান্দশিংগা মরী লৈনবা এপ্রোপ্রিয়েসন বিলশিংসু পুথোকখি, খন্নখি অমদি ১৪.০৩.২০২২দা সোক সভাদা পাস তৌখি৷ ২০২২গী ফাইনান্স বিল ২৫.০৩.২০২২দা সোক সভানা পাস তৌখি৷

রাজ্য সভাদা, দিবেলপমেন্ত ওফ নোর্থ ইস্তর্ন রিজন, ত্রাইবেল এফিয়র্স, রেলৱেজ অমদি লেবর অমসুং এমপ্লোইমেন্ত মন্ত্রালয়শিংনা মথৌ তৌরিবা অদু খন্নখি৷ অদুমওইনমক লেবর অমসুং এমপ্লোইমেন্ত মন্ত্রালয়না মথৌ তৌবগী মতাংদা খন্ন-নৈনবা অদুদি ৱারোইশিন তাবা ঙমখিদে৷ রাজ্য সভানা ২০২১-২২ চহিগী গ্রান্তশিংগী সপ্লিমেন্তরী দিমান্দশিং অমদি  ২০১৮-১৯গী এক্সেস গ্রান্তশিংগী দিমান্দশিংগা মরী লৈনবা এপ্রোপ্রিয়েসন বিলশিং ২১.০৩.২০২২দা রিতর্ন তৌরকখি অমসুং ২০২২-২৩ চহিগী গ্রান্তশিংগী দিমান্দশিং অমসুং জম্মু অমসুং কাশ্মীরবু এদোপ্ত তৌখ্রবা মতুংদা লৈরিবা ২০২১-২২ চহিগী গ্রান্তশিংগী সপ্লিমেন্তরী দিমান্দশিংগা মরী লৈনবা এপ্রোপ্রিয়েসন বিলশিংবুনা ২৩.০৩.২০২২দা রিতর্ন তৌরকখি৷ অসিগুম্না ফাইনান্সিয়েল বিজিনেস পুম্নমক অসি ২০২২গী মার্চ ৩১গী মমাংদা পার্লিয়ামেন্তকী হাউসশিংদা লোইশিনখি৷

সেসন অসিদা, পুন্না বিল ১৩ (লোক সভাদা ১২ অমসুং রাজ্য সভাদা ০১) পুথোকখি, বিল ১৩বুনা লোক সভানা পাস তৌখি অমদি বিল ১১বুনা রাজ্য সভানা পাস তৌখি৷ পার্লিয়ামেন্তকী হাউস অনিমক্না পাস তৌখিবা বিলশিংগী অপুনবা মশিং অসি ১১নি৷ সেসন অসিগী মতমদা হাউস অনিমক্না পাস তৌখিবা মরু ওইবা বিল খরা অদু মখাদা লৈরে :-

• ক্রিমিনেল প্রোসিদ্যোর (আইদেন্তিফিকেসন) বিল, ২০২২-ক্রিমিনেল মেত্তরশিংদা থিজিন হুমজিন্নবা অমসুং আইদেন্তিফিকেসন তৌনবগীদমক কনবিক্তশিং অমদি অতোপ্পা মীওইশিংবু মিজরমেন্তশিং লৌনবা অমদি থৌদোক অদুগা মরী লৈনবা হিরমশিং অমদি রেকোর্দশিং নিংথিনা থম্নবা ওথোরাইজ তৌরি৷
• দিল্লী মুনিসিপাল কোর্পোরেসন (এমেন্দমেন্ত) বিল, ২০২২- বিল অসিনা (i) মুনিসিপাল কোর্পোরেসন অহুমবু  সিঙ্গল, ইন্তিগ্রেতেদ অমসুং নিংথিবা ইক্ব্যুইপ তৌরবা এন্তাইতী অমদা পুনশিন্নব; (ii) সীনর্জাইস অমসুং স্ত্রাতিজিক প্লানিং তৌনবা অমসুং রিসোর্সশিংবু নিংথিনা শিজিন্নহন্নবগী অফবা মেকানিজম অমা লৈহন্নবা; (iii) ত্রান্সপরেন্সী হেন্না লৈহন্নবা, গভর্নেন্স ফগৎহন্নবা অমসুং দিল্লীগী মীয়ামগীদমক হেন্না ইফিসিয়েন্ত ওইবা মওংদা সিবিল সর্ভিস দেলিভরী লৈহন্নবা হোৎনৈ৷
• কন্সতিত্যুসন (সেদ্যুল ত্রাইবস) ওর্দর (এমেন্দমেন্ত) বিল, ২০২২- সেদ্যুল ত্রাইবশিংগী লিস্ত ৯দা “দারলোং” কম্ম্যুনিতী ওইনা লৈরিবা “কুকি”বু সস-ত্রাইব অমা ওইনা  সব-ত্রাইব “(iii) চালয়া”গী মখাদা হাপচিন্নবা পার্ত XV—ত্রিপুরা ওফ দি সেদ্যুল তু দি কন্সতিত্যুসন (সেদ্যুল ত্রাইবস) ওর্দর, ১৯৫০বু শেমদোক্নবা তৌরি৷
• কন্সতিত্যুসন (সেদ্যুল কাস্তশিং অমদি সেদ্যুল ত্রাইবশিং) ওর্দর্স (এমেন্দমেন্ত) বিল, ২০২২- বিল অসিনা  ভোগতা কম্ম্যুনিতীবু ঝর্খন্দ রাজ্যগা মরী লৈননা সেদ্যুল কাস্তশিংগী লিস্ততগী লৌথোক্নবা অমদি  কন্সতিত্যুসন (সেদ্যুল ত্রাইবস) ওর্দর, ১৯৫০না ঝর্খন্দ রাজ্যগা মরী লৈননা অখন্নবা কম্ম্যুনিতী খরবু সেদ্যুল ত্রাইবশিংগী লিস্ততা হাপচিন্নবা তৌরি৷

মখাতানা, লোক সভানা ৱেপন্স ওফ মাস দেস্ত্রক্সন এন্দ দিয়র দেলিভরী সিস্তেমস (আইনা য়াদবা থবকশিংদা অথিংবা থম্বা) এমেন্দমেন্ত বিল, ২০২২সু পাস তৌখি, মসিনা— (a) তুম্না মাংহন্নবগী খুৎলাইশিং অমদি মখোয়গী দেলিভরী সিস্তেমশিংগা মরী লৈনবা থবক থৌরম অমা হেক্তদা শেল থাদবদা অথিংবা থম্নবা; (b) কেন্দ্র সরকারবু মখাগী অসি পাংথোকপদা হেন্না থৌনা শক্তি পীনবা— (i) অসিগুম্বা মওংদা শেল থাদবা অসিদগী ঙাকথোক্নবগীদমক ফন্দশিং নত্রগা অতোপ্পা ফাইনান্সিং এসেতশিং নত্রগা ইকোনোমিক রিসোর্সশিং ফ্রীজ তৌবা, সিজ তৌবা নত্রগা এতেচ তৌবা; (ii) পাক তুম্না মাংহনগদবা খুৎলাইশিং অমদি মখোয়গী দেলিভরী সিস্তেমশিংগা মরী লৈনবা অথিংবা থম্লিবা থবক অমা হেক্তদা ফন্দশিং থাদবা, ফাইনান্সিয়েল এসেতশিং নত্রগা ইকোনোমিক রিসোর্সশিংদা অথিংবা থম্নবা তৌরি৷

লোক সভা/রাজ্য সভাদা পুথোকখিবা বিলশিংগী লিস্ত, লোক সভানা পাস তৌখিবা বিলশিং, রাজ্য সভানা পাস তৌখিবা বিলশিং, হাউস অনিমক্না পাস  তৌখিবা বিলশিং অদু এনেক্সতা হাপ্লি৷

 লোক সভাদা রুল ১৯৩গী মখাদা অতেনবা মতমদা ৩ থোক্না খন্ন-নৈনখি৷ অহানবদা ২০২১গী দিসেম্বর ৮দা হৌদোকখিবা ক্লাইমেত চেঞ্জকী মতাংদা, অনিশুবদা ভারত্তা স্পোর্তস য়োকখৎনবগী তঙাই ফদবা লৈরিবা অমদি সরকারনা লৌখৎখিবা খোংথাংশিংগী (ৱারোইশিন তাদনা লৈরি) মতাংদা অমসুং অহুমশুবদা য়ুক্রেনদা লৈরিবা ফিভম অসিগী মতাংদা ওইখি৷

বজেৎ সেসন ২০২২গী মতমদা লৈরিবা লোক সভাগী প্রদক্তিবিতী অসি চাওরাক্না ১২৯%নি অদুগা রাজ্য সভাগীনা ৯৮%নি৷

এনেক্স

১৭শুবা লোক সভাগী ৮শুবা সেসনগী মতমদা অমদি রাজ্য সভাগী ২৫৬শুবা সেসনগী মতমদা (বজেৎ সেসন, ২০২২) পাংথোকখিবা লেজিসলেতিব বিজিনেস

I – লোক সভাদা পুথোকখিবা বিলশিং

১.  দি ফাইনান্স বিল, ২০২২

২.  দি কন্সতিত্যুসন (সেদ্যুল ক্রাইবস) ওর্দর (এমেন্দমেন্ত) বিল, ২০২২

৩.  দি জম্মু এন্দ কাশ্মীর এপ্রোপ্রিয়েসন বিল, ২০২২

৪.  দি জম্মু এন্দ কাশ্মীর এপ্রোপ্রিয়েসন (নম্বর ২) বিল, ২০২২

৫.  দি এপ্রোপ্রিয়েসন (নম্বর ২) বিল, ২০২২

৬.  দি এপ্রোপ্রিয়েসন (নম্বর ৩) বিল, ২০২২

৭.   দি এপ্রোপ্রিয়েসন বিল, ২০২২

৮.  দি দিল্লী মুনিসিপাল কোর্পোরেসন (এমেন্দমেন্ত) বিল, ২০২২

৯.  দি ক্রিমিনেল প্রোসিদ্যোর (আইদেন্তিফিকেসন) বিল, ২০২২

১০. দি কন্সতিত্যুসন (সেদ্যুল কাস্তশিং অমসুং সেদ্যুল ত্রাইবশিং) ওর্দর্স (এমেন্দমেন্ত) বিল, ২০২২

১১.  দি ইন্দিয়ন এন্তার্কতিক বিল, ২০২২

১২.  দি ৱেপন্স ওফ মাস দেস্ত্রক্সন এন্দ দিয়র দেলিভরী সিস্তেমস (আইননা য়াদবা থবক থৌরমশিংদা অথিংবা থম্বা) এমেন্দমেন্ত বিল, ২০২২৷

II – রাজ্য সভাদা পুথোকখিবা বিলশিং

১.  দি কন্সতিত্যুসন (সেদ্যুল কাস্তশিং অমদি সেদ্যুল ত্রাইবশিং) ওর্দর্স (এমেন্দমেন্ত) বিল, ২০২২

III – লোক সভানা পাস তৌখিবা বিলশিং

১.  দি এপ্রোপ্রিয়েসন (নম্বর ৩) বিল, ২০২২

২.  দি এপ্রোপ্রিয়েসন (নম্বর ২) বিল, ২০২২

৩.  দি জম্মু এন্দ কাশ্মীর এপ্রোপ্রিয়েসন বিল, ২০২২

৪.  দি জম্মু এন্দ কাশ্মীর এপ্রোপ্রিয়েসন (নম্বর ২) বিল, ২০২২

৫.  দি এপ্রোপ্রিয়েসন বিল, ২০২২

৬.  দি ফাইনান্স বিল, ২০২২

৭.   জি কন্সতিত্যুসন (সেদ্যুল ত্রাইবস) ওর্দর (এমেন্দমেন্ত) বিল, ২০২২

৮.   দি চার্তর একাউন্তেন্তস, দি কোস্তস এন্দ ৱার্কস একাউন্তেন্তস এন্দ দি কম্পেনী সেক্রেতরীস এমেন্দমেন্ত বিল, ২০২২৷

৯.   দি দিল্লী মুনিসিপাল কোর্পোরেসন (এমেন্দমেন্ত) বিল, ২০২২৷

১০.  দি কন্সতিত্যুসন (সেদ্যুল কাস্তশিং অমদি সেদ্যুল ত্রাইবশিং) ওর্দর্স (এনিশুবা এমেন্দমেন্ত) বিল, ২০২২

১১.  দি ক্রিমিনেল প্রোসিদ্যোর (আইদেন্তিফিকেসন) বিল, ২০২২৷

১২.  দি কন্সতিত্যুসন (সেদ্যুল কাস্তশিং অমদি সেদ্যুল ত্রাইবশিং) ওর্দর্স (এমেন্দমেন্ত) বিল, ২০২২

১৩.  দি ৱেপন্স ওফ মাস দেস্ত্রক্সন এন্দ দিয়র দেলিভরী সিস্তেমস (আইননা য়াদবা থবকশিংদা অথিংবা থম্বা) এমেন্দমেন্ত বিল, ২০২২৷

IV – রাজ্য সভানা পাস তৌখিবা বিলশিং

১.  দি এপ্রোপ্রিয়েসন (নম্বর ৩) বিল, ২০২২

২.  দি এপ্রোপ্রিয়েসন (নম্বর ২) বিল, ২০২২

৩.  দি জম্মু এন্দ কাশ্মীর এপ্রোপ্রিয়েসন বিল, ২০২২

৪.  দি জম্মু এন্দ কাশ্মীর এপ্রোপ্রিয়েসন (নম্বর ২) বিল, ২০২২

৫.  দি এপ্রোপ্রিয়েসন বিল, ২০২২

৬.  দি ফাইনান্স বিল, ২০২২

৭.  দি কন্সতিত্যুসন (সেদ্যুল কাস্তশিং অমদি সেদ্যুল ত্রাইবশিং) ওর্দর্স (এমেন্দমেন্ত) বিল, ২০২২

৮.  দি চার্তর একাউন্তেন্তস, দি কেস্তস এন্দ ৱার্কস একাউন্তেন্তস এন্দ দি কম্পেনী সেক্রেতরীস এমেন্দমেন্ত বিল, ২০২২৷

৯.  দি দিল্লী মুনিসিপাল কোর্পোরেসন (এমেন্দমেন্ত) বিল, ২০২২৷

              ১০.  দি কন্সতিত্যুসন (সেদ্যুল ত্রাইবস) ওর্দর (এমেন্দমেন্ত) বিল, ২০২২

              ১১.  দি ক্রিমিনেল প্রোসিদ্যোর (আইদেন্তিফিকেসন) বিল, ২০২২৷

V – পার্লিয়ামেন্তকী হাউস অনিমক্না পাস তৌখিবা বিলশিং

১.  দি এপ্রোপ্রিয়েসন (নম্বর ৩) বিল , ২০২২

২.  দি এপ্রোপ্রিয়েসন (নম্বর ২) বিল, ২০২২

৩.  দি জম্মু এন্দ কাশ্মীর এপ্রোপ্রিয়েসন বিল, ২০২২

৪.  দি জম্মু এন্দ কাশ্মীর এপ্রোপ্রিয়েসন (নম্বর ২) বিল, ২০২২

৫.  দি এপ্রোপ্রিয়েসন বিল, ২০২২

৬.  দি ফাইনান্স বিল, ২০২২

৭.  দি কন্সতিত্যুসন (সেদ্যুল কাস্তশিং অমদি সেদ্যুল ত্রাইবশিং) ওর্দর্স (এমেন্দমেন্ত) বিল, ২০২২

৮.  দি চার্তর একাউন্তেন্তস, দি কেস্তস এন্দ ৱার্কস একাউন্তেন্তস এন্দ দি কম্পেনী সেক্রেতরীস এমেন্দমেন্ত বিল, ২০২২৷

৯.  দি দিল্লী মুনিসিপাল কোর্পোরেসন (এমেন্দমেন্ত) বিল, ২০২২৷

              ১০.  দি কন্সতিত্যুসন (সেদ্যুল ত্রাইবস) ওর্দর (এমেন্দমেন্ত) বিল, ২০২২

১১.  দি ক্রিমিনেল প্রোসিদ্যোর (আইদেন্তিফিকেসন) বিল, ২০২২৷

******