సైన్స్ & టెక్నాలజీ శాఖ  స‌హాయ మంత్రి (స్వతంత్ర బాధ్యత), ఎర్త్ సైన్సెస్ ప్ర‌ధాన మంత్రి కార్యాల‌యం పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ మరియు స్పేస్ శాఖ‌ల స‌హాయ మంత్రి డాక్టర్ జితేంద్ర సింగ్ మాట్లాడుతూ ..భవిష్యత్తులో అణు విద్యుత్ ప్లాంట్ల ఏర్పాటు చేయ‌డానికి వీలుగా అయిదు  కొత్త ప్రాంతాల‌కు ప్రభుత్వం ‘సూత్రప్రాయ’ ఆమోదం తెలిపింది అని వివ‌రించారు.  ఈ రోజు లోక్‌సభలో  ఒక ప్రశ్నకు  ఇచ్చిన లిఖితపూర్వక సమాధానంలో డాక్టర్ జితేంద్ర సింగ్ మాట్లాడుతూ ఫ్లీట్ మోడ్‌లో ఏర్పాటు చేయనున్న 10 స్వదేశీ 700 మెగావాట్ల ప్రెషరైజ్డ్ హెవీ వాటర్ రియాక్టర్‌ల (పీహెచ్‌డబ్ల్యుఆర్) నిర్మాణానికి ప్రభుత్వం పరిపాలనాపరమైన ఆమోదం తెల‌ప‌డంతో పాటు ఆర్థిక మంజూరీ తెలిపింద‌ని వివ‌రించారు.
నిర్మాణంలో ఉన్న ప్రాజెక్టులను ప్రగతిశీలంగా పూర్తి చేసి మంజూరైన తర్వాత,2031 వ‌చ్చే నాటికి అణు సామర్థ్యం 22480 మెగావాట్లకు చేరుకుంటుందని ఆయన అన్నారు. మొత్తం 6780 మెగావాట్ల సామర్థ్యంతో ప్రస్తుతం 22 రియాక్టర్లు పనిచేస్తున్నాయని, కేఏపీపీ-3 (700 మెగావాట్లు) అనే ఒక రియాక్టర్‌ను జనవరి 10, 2021న గ్రిడ్‌కు అనుసంధానం చేసినట్లు మంత్రి తెలిపారు. అదనంగా, మ‌రో ప‌ది అణు రియాక్టర్లు ఉన్నాయి (కూడంకుళం అణు విద్యుత్ ప్లాంట్ (కేకేఎన్‌పీపీ) 3&4, కేకేఎన్‌పీపీ  5&6 - 4x1000 = 4000 మెగా వాట్లు, 700 మెగా వాట్ల యొక్క 5 స్వదేశీ పీహెచ్‌డబ్ల్యుఆర్ - 3500 మెగా వాట్లు, 500 మెగా వాట్లు పీఎఫ్‌బీఆర్ ఉన్నాయి.  ఇవి వివిధ  నిర్మాణ‌పు దశల్లో  ఉన్నాయి. వీటి మొత్తం సామర్థ్యం 8000 మెగా వాట్లు. అన్ని స్వదేశీ పీహెచ్‌డబ్ల్యుఆర్‌లకు ఇంధనాన్ని ఉత్పత్తి చేయడానికి, హైదరాబాద్‌లోని న్యూక్లియర్ ఫ్యూయల్ కాంప్లెక్స్ (ఎన్‌ఎఫ్‌సి) మరియు  రాజస్థాన్‌లోని కోటాలో అందుబాటులోకి రానున్న ప్లాంటు ద్వారా ఇంధన తయారీ సామర్థ్యాన్ని పెంచారు. ఇప్పటికే ఉన్న పీహెచ్‌డబ్ల్యుఆర్ మరియు రాబోయే పీహెచ్‌డబ్ల్యుఆర్‌ల‌ అవసరం. దేశీయంగా సంరక్షించబడిన అణు రియాక్టర్ల కోసం యురేనియం అవసరాన్ని స్వదేశీ తవ్వకాలు మరియు ఉత్పత్తి చేయబడిన యురేనియం ద్వారా తీర్చారు. అంతేకాకుండా, అణు ఇంధనం సరఫరా కోసం అంతర్ ప్రభుత్వ ఒప్పందాన్ని కలిగి ఉన్న దేశాల నుండి సహజ యురేనియం ధాతువు (యువోసీ) కొనుగోలు చేయబడుతోంది. రష్యా, కజకిస్థాన్, ఉజ్బెకిస్థాన్, కెనడా దేశాల నుంచి అణు ఇంధనాన్ని కొనుగోలు చేసేందుకు ప్రయత్నాలు జరిగాయి.
                                                                                      <><><><><>