কোবিদ-১৯না থোকহনবা ফিভমশিং য়েংলুবা মতমদা, য়ুম শাবগী থবক তৌবা মীওইশিং য়াওনা শিন্মীশিংনা ময়ুমদা হনখিবা অমসুং য়ুম-কৈশাগী পোত্থোকশিংগী সপ্লাই চেন্দা অকায়বা লাকপনা মরম ওইরগা লৈবাক শিনবা থুংবগী রীএল ইস্তেত প্রোজেক্তশিংদা অকনবা চৈথেং ফংবগী থৌওং উবা ফংখি। অদুবু, হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না রিএল ইস্তেত সেক্তরগী থবক মাঙবা অমসুং শেন-থুম মাঙবগী তসেংবা অকুপ্পা মরোলদি থমদে।

কোবিদ-১৯গী মালেমগী লাইচৎ অসি য়েংলুরবা মতুংদা, সরকারনা তমিল নাদু য়াওনা লৈবাক শিনবা থুংবদা ‘আত্মানির্ভর ভারত’কী মখাদা কনস্ত্রক্সন অমসুং রীএলতী সেক্তর অমুক হিংগৎহন্নবা তোঙানবা খোঙথাং কয়া পায়খৎখ্রে

হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না রীএল ইস্তেত (রেজিস্ত্রেসন অমসুং দিভেলপমেন্ত) এক্ত, ২০১৬ (আর.ই.আর.এ.)গী মখাদা রেজিস্তর তৌদুনা লৈবা রীএল ইস্তেত প্রোজেক্ত খুদিংগী লোইশিনবগী মতম নত্ত্রগা লোইশিনবগী মতম শেমদোকখ্রবা/শাংদোকখ্রবা মতমশিংবু থা ৬ অমগা, অমসুং তঙাই ফদবগী মতুং ইন্না থা ৩ অমগা শাংদোকপগী কাঙলোন অমস রাজ্য/য়ুনিয়ন তেরিতোরী অমসুং মখোয়গী রেগ্যুলেতরী ওথোরিতীশিংগী মফমদা খঙহনখ্রে।

মখা তাবা ওইনা, য়ুম লৈবা অমসুং য়োনবশিংদা মখোয়গী ত্রাঞ্জেক্সন পাংথোক্নবা পুক্নিং থৌগৎপা অইনা এম.ও.ঐচ.য়ু.এ.না রাজ্য সরকার অমসুং য়ু.তি.গী লৈঙাক্লোইশিংদা লেঙবা য়াদবা লন-থুম লৈবা/য়োনবগী ত্রাঞ্জেক্সনদা চঙবা স্তাম্প দ্যুতী রেতপু অখন্নবা মতম খরগীদমক্তা হন্থনবা খন্ননবা হায়খ্রে। রাজ্য/য়ু.তি. কয়ানা ৱাফম অসিবু নীংথিজনা লৌরদুনা স্তাম্প দ্যুতী রেত্তা হন্থহনখি।

য়ুম লৈবশিং, য়ুম শাবশিং অমসুং অতোপ্পা বোরোৱরশিংদা খরা তেংবাংনবগীদমক্তা, রিজর্ব বেঙ্ক ওফ ইন্দিয়ানা লেন্দিং ইস্তিত্যুসনশিংদা মার্চ ১, ২০২০দগী ওগস্ত ৩১, ২০২০গী মনুংদা শেল থীবগী মতম তাবশিংগীদমক্তা থা ৬ (৩+৩)গী মোরাতোরিয়ম পীনবা খঙহনখি।

মসিদা নত্তনা, নন-বেঙ্কিং ফাইনেন্সিএল কোর্পোরেসন (এন.বি.এফ.সি.), হাউজিং ফাইনান্স কম্পেনী (ঐচ.এফ.সি.) অমসুং মাইক্রো ফাইনান্স ইন্সতিত্যুসন (এম.এফ.আই.)দা লুপা করোর ৭৫,০০০ অমসুং প্রধান মন্ত্রী অৱস য়োজনা-অর্বান্দা লুপা করোর ১৮০০০গী অহেনবা শেনফম থাদবনা কনস্ত্রক্সন অমসুং রীএলতী সেক্তরবু অমুক হন্না হিংগৎহনবদা তেংবাংখি।

রীএল ইস্তেত (রেগ্যুলেসন অমসুং দিভেলপমেন্ত) এক্ত, ২০১৬ (আর.ই.আর.এ.) অসিবু রীএল ইস্তেত সেক্তরবু নীংথিবা মওং অমসুং নুং-পান ফাওনা উবা মওংদা কাঙলোন শেম্নবা অমসুং খুমাং চাউশিলহনবগা লোয়ননা য়ুম লৈবশিংগী অপাম্বা ঙাক-শেন্নবা শেমখিবনি। আর.ই.আর.এ.গী কাংলোনগী মখাদা, এপ্রিল ২, ২০২২ ফাওবগী ওইনা, রাজ্য/য়ু.তি. ৩১না রীএল ইস্তেত রেগ্যুলেতরী ওথোরিতী শেমখ্রে, রাজ্য/য়ু.তি. ২৮না রীএল ইস্তেত এপেল্লেত ত্রাইব্যুনেল শেমখ্রে, রীএল ইস্তেত প্রোজেক্ত ৭৮,২২৫ অমসুং রীএল ইস্তেত এজেন্ত ৬১,৫৫১না আর.ই.আর.এ.গী মখাদা রেজিস্তর তৌখ্রে অমসুং রীএল ইস্তেত রেগ্যুলেতরী ওথোরিতীনা লৈবাক শিনবা থুংবদা ৱাকৎ ৮৭,৬৩৩ লোইশিনখ্রে।

ৱারোল অসি হাউজিং অমসুং অর্বান এফিয়র্সকী রাজ্য মন্ত্রী, শ্রী কৌশাল কিশোরনা ঙসি লোক সভাদা অইবা পাউখুম ওইনা পীখিবনি।

***