আজাদি কা অমৃত মহোতসবকী তাঞ্জাদা ভারতকী নেস্নেল কেলেন্দরদা নুমিৎ নিনিগী কনফরেন্স অমসুং একজিবিসন অমা ২০২২গী এপ্রিল ২২-২৩ (বৈশাখ ২ অমসুং ৩, ১৯৪৪)দা উজ্জৈন অমসুং দোঙ্গলা, মধ্য প্রদেশ (ত্রোপিক ওফ কেন্সরদা লৈবা মফম অমা)দা মতম লেপলে।

কনফরেন্স অসি কলচর মন্ত্রালয়, সাইন্স অমসুং তেক্নোলোজী বিভাগ, আর্থ সাইন্সেস মন্ত্রালয়, কাউন্সিল ওফ সাইন্তিফিক এন্দ ইন্দস্ত্রিএল রিসর্স, মধ্য প্রদেশ কাউন্সিল ওফ সাইন্স এন্দ তেক্নোলোজী অমদি আই.য়ু.সি.এ.এ., আই.আই.এ., বিক্রম য়ুনিবর্সিতী উজ্জৈন, আই.আই.তি. ইন্দোর, অসিনচিংবা অতোপ্পা সাইন্তিফিক ওর্গনাইজেসন কয়া অমা অমসুং বিজনানা ভারতি, রাস্ত্রিয়া দিনদর্শিকা প্রচার মঞ্চগুম্বা সোসিএল সাইন্তিফিক ওর্গনাইজেসনশিংনা ওর্গনাইজ তৌরি।

কনফরেন্স অসি প্রমোত তৌনবা অমদি মীয়াম্না পাম্নহন্নবা কর্তেন-রাইজর প্রোগ্রাম কয়াগী মনুং অমা ঙসি ইন্দিয়ন ইন্সতিত্যুৎ ওফ তেক্নোলোজী, গুৱাহাতি, অসামদা পাংথোকখ্রে।

অসাম সরকারগী হেল্থ অমসুং ফেমিলী ৱেলফেয়র অমদি সাইন্স অমসুং তেক্নোলোজী, ইনফোর্মেসন অমসুং তেক্নোলোজী বিভাগশিংগী মন্ত্রী শ্রী কেশব মহন্তনা থৌরম অদুগী অথোইবা মীথুংলেন ওইখি। বিজনানা ভারতিগী নেস্নেল ওর্গনাইজিং সেক্রেতরী শ্রী জায়ন্ত সাহসরাবুদ্ধেনা হৌদোক ৱারোল পীখি। আই.আই.তি. গুৱাহাতিগী দাইরেক্তর প্রোফেসর তি.জি. সিতারামনা থৌরম মপু ওইখি। পোলুসন কন্ত্রোল বোর্দ, অসামগী চিয়ারমেন দা. অরুপ কুমার মিসরা অমসুং ইন্সতিত্যুৎ ওফ এদভান্স স্তদী ইন সাইন্স এন্দ তেক্নোলোজী, গুৱাহাতিগী দাইরেক্তর দা. অসিশ কুমার মুখর্জীনা থৌরম অদুদা ইকায় খুম্নরবা মীথুংলেনশিং ওইখি। সাইন্তিস্ত ‘এফ’, বিগ্যান প্রসার দা. অর্বিন্দ সি. রানাদে; রাস্ত্রিয়া দিনদরশিকা প্রসার মঞ্চ, ঔরঙ্গবাদ, মহারাস্ত্রগী শ্রী রহুল ঔসেকর; নোর্থ ইস্ত সাইন্স মুবমেন্ত, অসাম (ভি.আই.বি.ঐচ.এ. চেপ্তর)গী প্রসিদেন্ত দা. পরিমল চন্দ্র ভত্তচার্জী; সি.আই.কে.এস., ইন্দিয়ন ইন্সতিত্যুৎ ওফ তেক্নোলোজী, গুৱাহাতি দা. য়ু.এস. দিক্সিৎসু থৌরম অদুদা শরুক য়াখি।  

‘ইন্দিয়ন নেস্নেল কেলেন্দর’ অসি ভারতকী আইদেন্তিতীগী সাইন্তিফিক এক্সপ্রেসন অমনি অমদি ১৯৫৭দা ঐখোয়গী পার্লিয়ামেন্তনা সংবিধানিক ওইবা মওংদা এদোপ্ত তৌখি। মসি নিংতম্বা ফংলবা হেক মতুং ঐখোয়গী আইদেন্তিতীবু রেস্তোর তৌবগী হেক উবদা খংবা ইঙ্গিৎ অমা ওইখি। অদুমওইনমক, নুংনাংনিঙাই ওইবা ৱাফমদি মায়কৈ অসোমদা মীয়ামগী অকন্নবা পুক্নিং চংদ্রি।

থৌরম অসিদা শরুক য়ানবগীদমক মীওই অমা হেক্তনা ৱেবসাইত http://bharatcalendar.in দা ওনলাইন রেজিস্ত্রেসনশিং তৌবসু য়াই। খনগৎলবা পার্তিসিপেন্তশিং অদু উজ্জৈনদা পাংথোক্কদৌরিবা কনফরেন্সতা শরুক য়ানবা তাঞ্জা অমা পীগনি। মদুগা মরী লৈনবা এক্সপো অমা, লেকচরশিং, পেনেল দিস্কসন অমসুং ওবজার্বেসন সেসনশিং কনফরেন্স অসিগী শরুক ওইগনি। থৌরম অসি বিজনানা ভার্তি সোসিএল মীদিয়া প্লেতফোর্মগী ওফিসিএল হেন্দলশিংদসু লাইবস্ত্রীম তৌখি: www.youtube.com/c/VijnanaBharatiOfficial, www.facebook.com/VIBHAIndia.org,& www.twitter.com/Vibha_india.

****