زراعت اورکسانوں کی بہبود کے مرکزی وزیر جناب نریندر سنگھ تومر نے لوک سبھامیں آج ایک تحریری جواب میں بتایا کہ حکومت نے کسانوں کی آمدنی دوگناکرنے اور اس مقصد کوحاصل کرنے کی حکمت عملی کی سفارش کرنے کے لئے اس سے متعلق معاملات پر غوروخوص کرنےکے مقصد سے اپریل 2016 میں ایک بین وزارتی کمیٹی سے مشورہ لیا تھا۔ کمیٹی نے ستمبر2018 کو حکومت کو اپنی رپورٹ پیش کی تھی ، جو 2022 تک کسانوں کی آمدنی دوگناکرنے کی حکمت عملی پر مشتمل تھی ۔ کسانوں کی آمدنی دوگنی کرنے ڈی ایف آئی  سے متعلق کمیٹی نے، زراعت کو قیمت پر مبنی کاروبار کے طور پر تسلیم کیا ۔ اس نے ترقی کے سات بڑے وسائل کی نشاندہی کی جو اس طرح ہیں ۔(1) فصل کی پیداوار میں اضافہ (2) مویشیوں کی پیداوار میں اضافہ (3)وسائل کو بھرپور طریقے سے استعمال کرنا یا  پیداوار کی لاگت میں بچت (4) فصل کےگھنے پن میں اضافہ (5)زیادہ قیمت والی فصلوں کی طرف توجہ (6) کسانوں کی حاصل کردہ اصل قیمتوں میں بہتری (7) اور کھیتوں میں کام کرنے کے بجائےغیر زرعی پیشے  اپنانےکارجحان پیداکرنا۔ڈی ایف آئی کمیٹی کی سفارشات کو قبول کرنےکے بعدحکومت نے اس سلسلے میں کی جانے والی پیش رفت کاجائزہ لینےاور اس پر قریبی نظر رکھنےکے لئے ایک با اختیار ادارہ سے صلاح و مشورہ کیا۔

 

 

*************

 

 

ش ح- ا س– ف ر

 

U. No.3890

(Release ID: 1813980) Visitor Counter : 104