• লৈবাক পুম্বগী ভেক্সিনেসন দ্রাইবকী মখাদা হৌজিক ফাওবদা ভেক্সিন দোজ করোর ১৮৪.৮৭ কাপথোকখ্রে
• ভারতকী এক্তিব কেসলোদ হৌজিক ১২,০৫৪লৈরি
• এক্তিব কেসশিং ০.০৩%দা লৈরি
• হৌজিক ওইরিবা ফগৎলকপগী চাং ৯৮.৭৬%দা লৈরি
• হৌখিবা পুং ২৪দা ১,২৮০ ফগৎলক্তুনা অপুনবা ফগৎলকপা ৪,২৪,৯৬,৩৬৯দা হেনগৎলে
• হৌখিবা পুং ২৪দা অনৌবা কেসশিং ৭৯৫ লাক্লি
• নোংমগী ওইবা পোজিতিবিতী রেত (০.১৭% )নি
• চয়োলগী পোজিতিবিতী রেত (০.২২%)নি
• হৌজিক ফাওবদা অপুনবা তেস্ত করোর ৭৯.১৫ তৌখ্রে; হৌখিবা পুং ২৪দা তেস্ত ৪,৬৬,৩৩২ তৌখ্রে

#Unite2FightCorona #IndiaFightsCorona

প্রেস ইনফোর্মেসন ব্যুরো

ইনফোর্মেসন অমসুং ব্রোদকাস্তিং মন্ত্রালয়

ভারত সরকার

*****

ভারতকী অপুনবা কোবিদ-১৯ ভেক্সিনেসন কভরেজ অসি করোর ১৮৪.৮৭ লানখ্রে

চহি কাংলুপ ১২-১৪গী ওইনা ভেক্সিন দোজ করোর ১.৯২গী মথক্তা কাপখ্রে

ভারতকী এক্তিব কেসলোদ হৌজিক ১২,০৫৪দা লৈরি

হৌখিবা পুং ২৪গী মনুংদা অনৌবা কেস ৭৯৫ রিপোর্ত তৌরক্লি

অনাবা ফগৎলকপগী চাং হৌজিক ৯৮.৭৬%দা লৈরি

লেঙদবা চয়োলগী পোজিতিবিতী চাং হৌজিক ০.২২দা লৈরি
 

ভারতকী কোবিদ-১৯ ভেক্সিনেসন কবরেজ অসি ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না করোর ১৮৪.৮৭ (১,৮৪,৮৭,৩৩,০৮১) হেনখ্রে। মসি সেসন ২,২২,১৫,২১৩গী খুত্থাংদা য়ৌবা ঙমখি।

চহি কাংলুপ১২-১৪গী কোবিদ-১৯ ভেক্সিনেসন অসি মার্চ ১৬, ২০২২দগী হৌখি। হৌজিক ফাওবদা নহা ওইরিবা মীওইই ১.৯২ (১,৯২,১৮,০৯৯) দা কোবিদ-১৯ ভেক্সিনগী অহানবা দোজ কাপখ্রে।

ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না অপুনবা মশিংগী ব্রেক-অপতা পীরিবশিং অসি য়াওরি:

মখা তানা অদুমক হান্থরকপগী ত্রেন্দ অসি তুং ইল্লদুনা, ভারতকী এক্তিব কেসলোদ অসি মখা তানা ঙসি ১২,০৫৪ দা হন্থখ্রে, লৈবাক্কী অপুনবা পোজিতিব কেসশিং ০.০৩%দা লৈরি।

মসিনা মরম ওইরগা ভারতকী রিকবরী রেৎ অসি ৯৮.৭৬%তা লৈরি। হৌখিবা পুং ২৪দা মীওই ১,২৮০ নাবা ফগৎখি অমসুং নাবা ফগৎখিবা মীওইশিংগী অপুনবা মশিং (লাইচৎনা হৌরকপদগী) অসি হৌজিক ৪,২৪,৯৬,৩৬৯ শুখ্রে।

হৌখিবা পুং ২৪দা অনৌবা কেস ৭৯৫ রিপোর্ত তৌরকখি।

হৌখিবা পুং ২৪দা পুন্না কোবিদ-১৯গী তেস্ত ৪,৬৬,৩৩২ তৌখি। ভারতনা হৌজিক ফাওবদা অপুনবা তেস্ত করোর ৭৯.১৫ (৭৯,১৫,৪৬,০৩৮) হেন্না তৌখ্রে।

চয়োলগী অমসুং নুমিৎ খুদিংগী ওইবা পোজিতিবিতী রেৎশিংদসু চাউনা হন্থরকখি। লৈবাক্কী ওইনা হৌজিক চয়োলগী ওইবা পোজিতিবিতী রেৎ অসি ০.২২% অমসুং নোংমগী ওইবা পোজিতিবিতী রেৎ অসি ০.১৭% ওইরি হায়না রিপোর্ত তৌরকখি।

https://pib.gov.in/PressReleasePage.aspx?PRID=1813454

স্তেত/য়ু.তি.শিংদা লৈরিবা কোবিদ-১৯ ভেক্সিন অপদেৎ

স্তেত/য়ু.তি.শিংদা ভোক্সিন দোজ করোর ১৮৫.৫৩ হেন্না ফংহনখ্রে

স্তেত/য়ু.তি.শিংদা লেমহৌবা অমদি শীজিন্নদ্রিবা ভেক্সিন দোজ করোর ১৫.৭০ হেন্না হৌজিক লৈরি
 

কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙখৎহনবা অমদি মীৎয়েং পাকথোক চাউথোকহন্নবা ফিরেপ লৌরি‍। মীপুম খুদিংদা ভেক্সিন ফংহনবগী অনৌবা তাঙ্কক অসি ২০২১গী জনুৱারী ১৬তগী হৌখিবনি‍। কোবিদ-১৯ ভেক্সিনেসনগী য়ুনিভর্সলাইজেসনগী অনৌবা ফেজ অসি ২০২১গী জুন ২১দগী হৌখ্রে। স্তেত অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে‍।

লৈবাক পুমবগী ওইবা ভেক্সিনেসন দ্রাইব অসিগী শরুক অমা ওইনা ভারত লৈঙাক্না স্তেত অমসুং য়ু.তি.শিংদা কোবিদ ভেক্সিন লেম্না পীদুনা ঙাক্লৌ পীরি‍। মীপুম খুদিং কোবিদ-১৯ ভেক্সিন ফংহনবগী অনৌবা তাঙ্ককসিদা কেন্দ্র লৈঙাক্না লৈবাকসিদা লৈরিবা ভেক্সিন পুথোক্লিবা কম্পেনীশিংনা পুথোকপা ভেক্সিনগী ৭৫% লৈদুনা স্তেত অমসুং য়ু.তি.শিংদা (লেম্না)পীগনি ‍।

ভারত সরকারগী লৈঙাক্কী (মমল লৌদবা চেনেলদা) অমদি দাইরেক্ত স্তেত প্রোক্যুরমেন্ত কাঙলুপকী থোংদা হৌজিক ফাওবদা রাজ্যশিং/য়ু.তি.শিংদা ভেক্সিন দোজ করোর ১৮৫.৫৩ (১,৮৫,৫৩,৪৪,৪৯৫) হেন্না ফংহনখ্রে‍।

রাজ্যশিং/য়ু.তি.শিংদা কাপ্ননবা লেমহৌরিবা অমদি শীজিন্নদ্রিবা কোবিদ ভেক্সিন দোজ করোর ১৫.৭০ (১৫,৭০,৭৯,০০৬) হেন্না লৈরি‍।

https://pib.gov.in/PressReleasePage.aspx?PRID=1813448

কোবিদ-১৯গী মতুংগী মতমশিংদা মেন্তেল হেল্থকী শিংনবশিংগী লাইওং খঙদোকপা
 

লান্সেত পব্লিক হেল্থতা ফোঙখিবা “কোবিদ-১৯ লাইচৎনা মরম ওইদুনা ইং ২০২০দা লৈবাক অমসুং তেরিতোরী ২০৪দা দিপ্রেসন অমসুং এংজাইতী দিসওর্দরনা মালেমদা মরাং কায়না লৈহনবা অৱাবা” হায়বসিগী স্তদী অসিনা কোবিদ-১৯ লাইচৎকী মনুংদা ভারত্তা হায়রিবা শিংনবা অসিদা চাউরাক্না ৩৫%গী চাংদা হেনগৎখি হায়না পানরি।

শেল য়াম্না চঙদবা অমসুং লায়না ফংবা য়াবা হেল্থকেয়র ফেসিলতী পীনবগীদমক্তা সরকারনা লৈবাক অসিদা নেস্নেল মেন্তেল হেল্থ প্রোগ্রাম (এন.এম.ঐচ.পি.) পায়খৎলি। দিস্ত্রিক্ত মেন্তেল হেল্থ প্রোগ্রাম (দি.এম.ঐচ.পি.) অসি এন.এম.ঐচ.পি.গী শরুক অমনি অমসুং নেস্নেল হেল্থ মিসনগী খুত্থাংদা রাজ্য/য়ু.তি.শিংদা তেংবাংদুনা জিলা ৭০৪দা পায়খৎনবগীদমক্তা অয়াবা পীখ্রবনি। দি.এম.ঐচ.পি.গী মখাদা কম্ম্যুনিতী হেল্থ সেন্তর (সি.ঐচ.সি.) অমসুং প্রাইমরী হেল্থ সেন্তর (পি.ঐচ.সি.)দা ফংলিবা ফেসিলিতীশিংগী মনুংদা আউতপেসেন্ত সর্ভিস, এসেসমেন্ত, কাউন্সেল্লিং/সাইকো-সোসিএল ইনত্তভেন্সন, কেয়র অমসুং মেন্তেল দিসওর্দরনা শাথীনা নারবা মীওইশিংদা তেংবাংবা, হিদাক, আউতরীচ সর্ভিস, এব্যুলেন্স সর্ভিস য়াওরি। মসিগী মথক্তা, জিলাগী থাকশিংদা ফমুং ১০ লৈবা ইন-পেসেন্ত হোস্পিতালসু য়াওরি।

অকুপ্পা ৱারোলগীদমক:-

https://www.pib.gov.in/PressReleasePage.aspx?PRID=1813665

****