ভারতকী রিন্যুএবল ইনর্জীগী খ্বাইদগী চাউবা খোঙফম চেৎপা লেন্দর ওইরিবা ইন্দিয়ন রিন্যুএবল ইনর্জী দিভেলপমেন্ত এজেন্সী লিমিতেদ (আই.আর.ই.দি.এ.)না এফ.ৱাই. ২০২১-২২বু মখোয়গী ঙসি ফাওবগী মথৌ খ্বাইদগী নীংথিনা পাংথোক্তুনা লোইশিনখি। আই.আর.ই.দি.এ.না চাউরাকপা লুপা করোর ২৩৯২১.০৬কী শেনফমগী লোনগী অয়াবা পীখি অমসুং লুপা করোর ১৬০৭০.৮২গী লোনগী শেনফম য়েন্থোকখি। আই.আর.ই.দি.এ.গী চেয়রমেন অমসুং মেনেজিং দাইরেক্তর (সি.এম.দি.), শ্রী প্রদীপ কুমার দাসনা থৌরম অসিদা ইমপ্লোয়ী খুদিংদা পুক্নিং থৌগৎপগী ৱারোল থমখি।

আই.আর.ই.দি.এ.গী সি.এম.দি.না অসুম্না ফোংদোকখি, “ইং ২০২১-২২না কোবিদ-১৯ লাইচৎকী অনিশুবা অমসুং অহুমশুবা ৱেবকা লোয়ননা মালেমগী ওইবা নুংশা-থিনীংঙাই ওইবা থৌদোক কয়া থেংনখ্রবসু, আই.আর.ই.দি.এ.না চহি অসিদা মশক থোকপা মায় পাকপা ফংবা ঙমখি। প্রধান মন্ত্রীগী ইং ২০৩০ ফাওবদা লৈবাক্কী ইনর্জীগী তঙাই ফদবগী ৫০%গী শরুকপু আর.ই. সোর্সকী খুত্থাংদা শিজিন্নবা অমসুং মান্নবা মতমগী মনুংদা ভারতকী নন-ফোসিল ফুএলদা য়ুম্ফম ওইবা  ইনর্জী কেপাসিতীবু জি.দবল্যু. ৫০০ হেনগৎপা য়াওনা ‘পাঞ্চঅমৃতা’ কোপ২৬কী পান্দম ফংবগী মাইকৈদা আই.আর.ই.দি.এ.না খোঙফম চেৎনা লেপ্লি। কেন্দ্রগী শেল-থুম মন্ত্রী, শ্রীমতি নির্মলা সিতারামন্না বজেৎ ৱারোল ২০২২দা লাউথোকখিবগুম্না হাই-ইফিসিএন্সী সোলর মোদ্যুল শাবগী পি.এল.আই. স্কিমগীদমক্তা অহেনবা লুপা করোর ১৯,৫০০ খাইদোকপগী ইমপ্লিমেন্তিং এজেন্সী অমা ওইনা মথৌ পাংথোক্নবা আই.আর.ই.দি.এ.দা মতিক চানা শেম শারে”।

মখাদা পীরিবশিং অসি আই.আর.ই.দি.এ.না শেনবা চহি ২০২১-২২দা পাংথোকখিবা থৌওংশিংগী মরু ওইবা ৱারোলশিংনি (প্রোভিজনেল):

• লোনগী অয়াবা পীবাঃ এফ.ৱাই. ২০২০-২১গী লুপা করোর ১১,০০১গা চাংদম্নবদা এফ.ৱাই. ২০২১-২২দা খ্বাইদগী য়াম্বা ওইনা লুপা করোর ২৩,৯২১ (১১৭%কী শাহৌ লৌবা)
• লোনগী শেনফম য়েন্থোকপাঃ এফ.ৱাই. ২০২০-২১গী লুপা করোর ৮,৮২৭কা চাংদম্নবদা এফ.ৱাই. ২০২১-২২দা খ্বাইদগী য়াম্বা ওইনা লুপা করোর ১৬,০৭১ (৮২%গী শাহৌ লৌবা)
• এন.পি.এ.: অপুনবা এন.পি.এ.না এফ.ৱাই. ২০২০-২১দা ৫.৬১% ওইরম্বদগী এফ.ৱাই. ২০২১-২২দা ৩.২৯%দা হন্থখি (চাউরাক্না ৪১%গী চাংদা হন্থখিবা)
• অপুনবা মমলঃ এফ.ৱাই. ২০২০-২১গী অরোইবদা ওইরম্বা লুপা করোর ২৯৯৫দগী এফ.ৱাই. ২০২১-২২গী অরোইবদা লুপা করোর ৪৯৮৯দা হেনগৎখিবা (৬৭%কী চাং হেনগৎপা)
• লোন বুকঃ  এফ.ৱাই. ২০২০-২১গী অরোইবদা ওইরম্বা লুপা করোর ২৭,৮৫৪দগী এফ.ৱাই. ২০২১-২২গী অরোইবদা লুপা করোর ৩৪,০০০দা হেনগৎখিবা (২২%গী চাং হেনগৎপা)

থৌরম অসিদা আই.আর.ই.দি.এ.গী সি.এম.দি.না পি.এম.ও., সি.সি.ই.এ., ভারত সরকার, নিতি আয়োগ অমসুং এম.ও.এফ.কী মফমদা মখোয়বু লমজীংবা অমসুং থেংখাং খুদিংদা শৌগৎপীবগী, মরু ওইনা, মতম কয়াদগী ঙাইরক্লবা ইক্বিতী ইনফ্যুসন পাংথোকপীবা, থমোই শেংনা তৌবীমল খঙবা উৎখি। মহাক্না মহাক্কী আই.আর.ই.দি.এ.গী অপুনবা তীমগী মফমদা য়াইফ পাউজেল পীবগা লোয়ননা রেকোর্দ ওইরবা মায় পাকপা অসিবু ফংনবগীদমক্তা লেপ্পা লৈতনা হোৎনখিবা, খাঙবা কনবা অমসুং খোঙফম চেৎখিবগীদমক্তা থাগৎপসু ফোংদোকখি। আই.আর.ই.দি.এ.না মমাংগী শেনবা চহি অনিগী ক্বার্তরগী ওইবা ফাইনেন্সিএল রিজল্তশিংদা লেপ্তনা ফগৎলক্তুনা লাকখিবনা ইং ২০২২-২৩গী থৌওংশিংদা হেন্না ৱাংবা থৌওং পাংথোক্নবা শেম শাদুনা লৈরি।

শ্রী দাসনা অসুম্নসু পনখি, “আই.আর.ই.দি.এ.না নুং-পান ফাওনা উবা, অফবা লৈঙাক অমসুং থবক তৌবদা পুক্নিং চঙনা অমসুং থৱাই য়াওবগী থৌওংবু পুক্নিং থৌগৎলি। কম্পেনী অসিগী মায় পাকপসি ইমপ্লোয়ীশিংগী হোৎনজমন্না পুরকপনি। হৌজিক্কী মতম অসিদি অনৌবা থৌওং, তেংবাংমিন্নবা অমসুং মার্কেত দাইমেন্সনগা লোয়ননা কারবার চাউথোকপা, মখল য়ামখৎহনবা অমসুং তুং কোইনা শাহৌ লৌনবা থবক তৌমিন্নবগী মতম্নি। ক্লীন অমসুং গ্রীন ইনর্জীগী হেন্না চাউবা পান্দম অমগা লোয়ননা মিৎয়েং চঙবা, ঐখোয়গী খুদোংচাবগী মতুং ইন্না কাংলোন শেমদোকপা অমসুং ঐখোয়গী কস্তমরশিংগী সেবা তৌনবা নীংথিনা থৌরাং য়াৎপা থৌওং ইন্দুনা ঐখোয় ময়াম পুন্দুনা লাক্লিবা চহি অসি হৌদোক্লসি। আই.আর.ই.দি.এ.গী থবক খুদিংগী মনুং চল্লিবা ভেল্যু চেন অপুনববু নুংঙাইহনবা অমসুং “আই.আর.ই.দি.এ. অমুক ওইখ্রবদি, মতম পুম্বদা আই.আর.ই.দি.এ. ওইবা” হায়বা ৱাখল্লোন অসি মখোয়দা শোইদনা চেলহনবা হায়বসি ঐখোয়না পাম্লি”।

***