దేశంలోని ఎంఎస్‌ఎంఈలతో పాటు చిన్న వ్యాపారాలపై కోవిడ్-19 యొక్క ప్రతికూల ప్రభావాన్ని తగ్గించడానికి ఆత్మ నిర్భర్ భారత్ అభియాన్ కింద ప్రభుత్వం అనేక కార్యక్రమాలు చేపట్టింది. వాటిలో కొన్ని:
 

1.   ఒత్తిడిలో ఉన్న ఎంఎస్‌ఎంఈలకు రూ.20,000 కోట్ల సబార్డినేట్ రుణం.
2.   ఎంఎస్‌ఎంఈలతో పాటు వ్యాపారాల కోసం రూ.3 లక్షల కోట్ల ఎమర్జెన్సీ క్రెడిట్ లైన్ గ్యారెంటీ స్కీమ్ (ఈసీఎల్‌జీఎస్).
3.   సెల్ఫ్ రిలయన్ట్ ఇండియా ఫండ్ ద్వారా రూ.50,000 కోట్ల ఈక్విటీ ఇన్ఫ్యూషన్.
4.   ఎంఎస్‌ఎంఈల వర్గీకరణకు కొత్తగా సవరించిన ప్రమాణాలు.
5.   ఈజ్ ఆఫ్ డూయింగ్ బిజినెస్ కోసం 'ఉద్యమ్ రిజిస్ట్రేషన్' ద్వారా ఎంఎస్‌ఎంఈల కొత్త రిజిస్ట్రేషన్.
6.   రూ. 200 కోట్ల వరకూ  గ్లోబల్ టెండర్లు లేవు.

ఎంఎస్‌ఎంఈలకు సహకారం మరియు అభివృద్ధి అనేది నిరంతర ప్రక్రియ. ఎంఎస్‌ఎంఈలు ఎదుర్కొంటున్న సమస్యలు మరియు సవాళ్లను అంచనా వేయడానికి భారత ప్రభుత్వం, సెమినార్లు, వీడియో కాన్ఫరెన్సింగ్, మీటింగ్ మొదలైన వాటి ద్వారా వాటాదారులు, పరిశ్రమల సంఘాలు, వ్యక్తిగత సంస్థలు, రాష్ట్ర ప్రభుత్వంతో క్రమం తప్పకుండా సంభాషిస్తుంది.ఎంఎస్‌ఎంఈ మంత్రిత్వ శాఖ ఎంఎస్‌ఎంఈల ప్రమోషన్ మరియు అభివృద్ధి కోసం వివిధ పథకాలు మరియు కార్యక్రమాలను అమలు చేస్తుంది. ఈ పథకాలు మరియు కార్యక్రమాలలో ప్రధానమంత్రి ఉపాధి కల్పన కార్యక్రమం (పిఎంఈజీపీ), సాంప్రదాయ పరిశ్రమల పునరుత్పత్తి కోసం నిధి పథకం (స్ఫూర్తి), ఆవిష్కరణలను ప్రోత్సహించే పథకం, గ్రామీణ పరిశ్రమ & వ్యవస్థాపకత (ఆస్పైర్), మైక్రో మరియు స్మాల్ కోసం క్రెడిట్ గ్యారెంటీ స్కీమ్ మైక్రో అండ్ స్మాల్ ఎంటర్‌ప్రైజెస్ క్లస్టర్ డెవలప్‌మెంట్ ప్రోగ్రామ్ (ఎంఎస్ఈ-సిడీపీ) మొదలైన కార్యక్రమాలు ఉన్నాయి.

ఎంఎస్‌ఎంఈలు సాంకేతికంగా ఎదగడానికి మరియు వారి పోటీతత్వాన్ని పెంపొందించడానికి సహాయం చేయడానికి, దేశవ్యాప్తంగా కొత్త టెక్నాలజీ సెంటర్లు (టీసీలు) మరియు ఎక్స్‌టెన్షన్ సెంటర్‌లను (ఈసీలు)ఎంఎస్‌ఎంఈ మంత్రిత్వ శాఖ ఏర్పాటు చేసింది. ఈ టీసీలు/ఈసీలు ఎంఎస్‌ఎంఈలు మరియు నైపుణ్యం కోరేవారికి సాంకేతికత మద్దతు, నైపుణ్యం, ఇంక్యుబేషన్ మరియు కన్సల్టెన్సీ వంటి వివిధ సేవలను అందిస్తాయి. నైపుణ్యం కోరేవారి ఉపాధిని మెరుగుపరచడం, ఎంఎస్‌ఎంఈల పోటీతత్వం మరియు దేశంలో కొత్త ఎంఎస్‌ఎంఈల సృష్టికి దారితీస్తాయి. దీనికి అదనంగా భారత ప్రభుత్వం దాని 18 సాంకేతిక కేంద్రాల ద్వారా  నిర్మాణాత్మకమైన మాడ్యులర్, ఆచరణాత్మకంగా ఆధారితమైన, విద్యావంతులైన యువత మరియు పరిశ్రమల సాంకేతిక నిపుణులకు శిక్షణ అందించడం ఆధారంగా వివిధ నైపుణ్యాభివృద్ధి శిక్షణా కార్యక్రమాలను నిర్వహిస్తుంది. ప్రపంచ సాంకేతిక పురోగమనాలకు అనుగుణంగా అన్ని కోర్సులు క్రమం తప్పకుండా నవీకరించబడతాయి. దీని ప్రకారం, 76 కోర్సులు నేషనల్ స్కిల్ క్వాలిఫికేషన్ ఫ్రేమ్ వర్క్ (ఎన్‌ఎస్‌క్యూఎఫ్‌), మినిస్ట్రీ ఆఫ్ స్కిల్ డెవలప్‌మెంట్ & ఎంటర్‌ప్రెన్యూర్‌షిప్‌కు అనుగుణంగా ఉన్నాయి.

 సూక్ష్మ చిన్న మరియు మధ్య తరహా పరిశ్రమల శాఖ సహాయ మంత్రి శ్రీ భాను ప్రతాప్ సింగ్ వర్మ రాజ్యసభలో లిఖితపూర్వక సమాధానంలో ఈ సమాధానం ఇచ్చారు.

 

****