వ్యసాయేతర రంగంలో సూక్ష్మ ఔత్సాహిక సంస్థల ఏర్పాటు ద్వారా స్వయం ఉపాధి అవకాశాలను కల్పించే లక్ష్యంతో, ప్రధానమంత్రి ఉపాధి కల్పనా కార్యక్రమాన్ని (పి.ఎం.ఇ.జి.పి.ని) దేశవ్యాప్తంగా అమలు చేస్తున్నారు. సూక్ష్మ, చిన్న మధ్య తరహా సంస్థల (ఎం.ఎస్.ఎం.ఇ.) మంత్రిత్వ శాఖ, ఖాదీ-గ్రామీణ పరిశ్రమల కమిషన్ (కె.వి.ఐ.సి.) కలసి ఉమ్మడిగా ఈ పి.ఎం.ఇ.జి.పి. కార్యక్రమాన్ని అమలు చేస్తున్నాయి.

  పి.ఎం.ఇ.జి.పి. కింద గత మూడేళ్లలో రాష్ట్రాలవారీగా, ఏర్పాటైన సూక్ష్మ సంస్థల సంఖ్య, వాటి ద్వారా జరిగిన ఉపాధి కల్పనపై అంచనా తదితర వివరాలు ఈ దిగువన ఇచ్చిన అనుబంధంలో పొందుపరచబడ్డాయి.

  దీనికి తోడుగా, దేశవ్యాప్తంగా ఉన్న గ్రామీణ, వెనుకబడిన ప్రాంతాల్లో స్వయం ఉపాధి కల్పనకోసం ఈ దిగువన పేర్కొన్న కార్యక్రమాలను కె.వి.ఐ.సి. ఆమలు చేస్తోంది.:

1.  హనీ మిషన్: ఈ కార్యక్రమం కింద తేనెటీగల పెట్టెలు, తేనెటీగలు, పెంకందార్లకు అవసరమైన వస్తుసామగ్రిని అందించడంతోపాటుగా తగిన శిక్షణను కూడా ఇస్తున్నారు. రైతులు, ఆదివాసీలు, గ్రామీణ ప్రాంతాల్లోని యువతకు తేనెటీగల పెంపకం దార్లుగా తగిన ప్రోత్సాహం అందించేందుకు ఈ పథకం అమలు చేస్తున్నారు.
2. కుమ్హర్ సశక్తికకారణ్ కార్యక్రమం: ఈ కార్యక్రమం కింద కుమ్మరులకు అవసరమైన సహాయం, సహకారం అందిస్తున్నారు. విద్యుత్తుతో పనిచేసే కొత్త తరహా కుమ్మరిసారెలను, పరికర సామగ్రిని అందించడంతోపాటుగా, కుమ్మరులకు తగిన శిక్షణను కూడా ఇస్తున్నారు.

  సూక్ష్మ చిన్నతరహా సంస్థల (ఎం.ఎస్.ఇ.ల)ను ప్రోత్సహించేందుకు కేంద్ర మంత్రిత్వ శాఖ ఈ దిగువ పథకాలను అమలుచేస్తూ వస్తోంది.:

1. సంప్రదాయ పరశ్రమల పునరుజ్జీవ నిధి పథకం (ఎస్.ఎఫ్.యు.ఆర్.టి.ఐ.): సంప్రదాయ పరిశ్రమలను, సదరు పరిశ్రమల కార్మికులను, పనివారిని ప్రోత్సహించేందుకు, మెరుగైన పరికర సామగ్రిని, ముడిపదార్థాలను సరఫరా చేసి, ఉమ్మడి సదుపాయ కేంద్రాలను ఏర్పాటు చేసి, శిక్షణను, నమూనాలను, మార్కెటింగ్ మద్దతును అందించడం ద్వారా  సుస్థిర ఉపాధిని కల్పించేందుకు ఈ పథకాన్ని అమలు చేస్తున్నారు.
2. సూక్ష్మ, చిన్న తరహా సంస్థలు-క్లస్టర్ అభివృద్ధి కార్యక్రమం (ఎం.ఎస్.ఇ.-సి.డి.పి.): విలువల వ్యవస్థ పరంగా సారూప్యంగా ఉండే ఒకే రకమైన 20 లేదా అంతకంటే ఎక్కువ సంస్థలను సమూహాలుగా (క్లస్టర్లుగా) నిర్వహించడం ద్వారా ఉమ్మడి సదుపాయ కేంద్రాలు, మౌలిక సదుపాయాల అభివృద్ధి, ఫ్యాక్టరీ సముదాయాల ఏర్పాటు లక్ష్యంగా ఈ పథకాన్ని అమలు చేస్తున్నారు.
3. ఇక, సూక్ష్మ, చిన్నతరహా సంస్థల రుణ హామీ పథకం (సి.జి.టి.ఎం.ఎస్.ఇ.), కింద కొలాటరల్ పూచీతో ప్రమేయం లేకుండానే రుణ సదుపాయం (టర్మ్ రుణాన్ని లేదా నిర్వహణాపరమైన మూలధనాన్ని) కల్పిస్తారు. ఈ పథకం కింద,..సూక్ష్మ, చిన్నతరహా సంస్థలను కొత్తగా స్థాపించేవారికి, ప్రస్తుత సంస్థల యజమానులకు రుణ సంస్థలు రుణసహాయాన్ని అందిస్తాయి. సి.జి.టి.ఎం.ఎస్. కింద గరిష్టంగా రూ. 2కోట్లదాకా రుణానికి 50-85శాతం వరకూ గ్యారంటీని వర్తింపజేస్తారు.

అనుబంధం

కేంద్ర సూక్ష్మ, చిన్న మధ్యతరహా సంస్థల సహాయ మంత్రి భాను ప్రతాప్ సింగ్ వర్మ రాజ్యసభలో ప్రశ్నోత్తరాల సమయంలో ఇచ్చిన లిఖిత పూర్వక సమాధానంలో ఈ వివరాలు తెలిపారు.

[సందేశం జతచేయబడింది] పూర్తి సందేశం కోసం క్లిక్ చేయండి.

****