حکومت نے  خوردنی تیل کی بڑھتی ہوئی قیمتوں   کو کم کرنے کے لئے  30  مارچ  2022  کو ایک مرکزی  آرڈر   نوٹی فائی کیا ہے۔اس میں  لائسنسنگ  ضرورتوں    ،  اسٹاک  حد   اور وضاحت کردہ  غذائی اشیا  ، حکم  نامہ  2016 کی آمدورفت پر  پابندی اور بتاریخ   3فروری  2022 کو جاری  اس کے مرکزی  آرڈر کو  تمام ریاستوں  /  مرکز کے زیر انتظام خطوں  کے لئے  31 دسمبر  2022 تک کی   مدت کے لئے  تمام  خوردنی تیلوں   اور تلہنوں کے لئے  اسٹاک حد  میں اضافہ کرتے ہوئے  ترمیم کیا  گیا  یہ حکم  نامہ   یکم اپریل 2022 سے  31دسمبر  2022 تک  موثر رہے  گا۔

اس سے قبل  حکومت نے  3فروری  2022  کو جاری اپنے حکم نامے کے تحت  خوردنی تیلوں اور تلہنوں  پر  30 جون  2022 تک  اسٹاک حد  مقدار مقرر کی تھی ،جسے اب  تازہ ترین  حکم نامے کے توسط سے  31 دسمبر  2022 تک  بڑھادیا گیا ہے۔ اس حکم نامے میں ایک دیگر اہم ترمیم یہ ہے کہ اترپردیش  ، ہماچل پردیش ،تلنگانہ ، راجستھان اور بہار  جیسی  6 ریاستوں   کو بھی ، جنہوں  نے  مرکزی حکم نامے کی عمل آوری میں   اپنا خود کا  کنٹرول آر ڈر جاری کیا تھا،  یکم اپریل  2022سے  نافذ  جدید حکم نامے کے دائرے میں  لایا گیا ہے۔

مذکور ہ فیصلہ دنیا بھر میں  موجودہ  جغرافیائی   -سیاسی  صورتحال کے سبب  تمام خوردنی تیلوں کی قیمتوں میں  اعلیٰ سطح  پر اضافے کی روش  پر  صلاح ومشورے کے بعد  لیا گیا ہے۔ یوکرین سے  سورج مکھی کے  تیل کی سپلائی  پر دباؤ  کا  انڈونیشیا کی برآمداتی  پالیسی  پر اثرپڑا ہے ،جس سے  پام کے تیل کی درآمد  بھی  اثر انداز ہوئی ہے۔اس کے علاوہ  یہ اثر  جنوبی امریکہ میں  فصلوں  کو ہوئے  نقصان سے   بھی  بڑ ھ  گیا ہے ،جس سے سویابین تیل کی سپلائی متاثر ہوئی اس کی وجہ سے سویابین تیل کی بین الاقوامی قیمتوں میں زبردست  اچھال کا رجحان دیکھا گیا ہے ۔سویابین تیل کی بین الاقوامی قیمتوں میں  مہینہ کے دوران  5.05  فیصد  اور  سال  کے دوران  42.22فیصد کا اضافہ ہوا۔ کچے  اور ریفائنڈ  دونوں طرح کے پام تیل  کی بین الاقوامی قیمتوں میں ہفتہ اور مہینے میں کمی دیکھی گئی ہے  لیکن جنوری  2022سے اس میں  بہت زیادہ اضافے کا رجحان دیکھا گیا ہے۔

خوردنی تیلوں  کے لئے خوردہ فروخت کاروں کے لئے  اسٹاک حد  30  کوئنٹل ،  تھوک فروخت کاروں  کے لئے  500 کوئنٹل ،  تھوک صارفین کے لئے خوردہ فروخت کاروں  یعنی  بڑی چین کے  فروخت کاروں اور دوکانوں کے  لئے  30  کوئنٹل اور اس کے ڈپو  کے لئے  1000 کوئنٹل کی اسٹاک حد ہوگی۔ خوردنی تیلوں کے  پروسیسر اپنی ذخیرہ اندوزی /  پیداواری صلاحیت کے  90  دنوں  کا  ذخیرہ کرسکیں  گے۔

خوردنی تلہن کے لئے  خورد ہ فروخت کاروں کے لئے اسٹاک  کی حد  100 کوئنٹل اور تھوک فروخت کاروں  کے لئے  2000 کوئنٹل ہوگی۔خوردنی تلہن کے پروسیسر   روزانہ  ان پٹ  پیداوار ی صلاحیت  کے مطابق  90 دنوں   کے  خوردنی تیلوں کی  پیداوار کا  اسٹاک کرسکیں گے۔ درآمد کار  اور برآمد کاروں  کو  بعض  انتباہ کے ساتھ  اس حکم نامے کے دائرے سے باہر رکھا گیا ہے۔

مذکورہ اقدمات سے بازار میں  جمع خوری  ،  کالابازاری   جیسے کسی  بھی  نامناسب  عمل پر پابندی  لگانے میں  مدد ملے گی اور اس سے   خوردنی تیلوں کی قیمتوں کو کنٹرول کرنے میں  بھی  مدد ملے گی۔اس سے اس بات کو بھی یقینی بنایاجاسکے گا کہ  ڈیوٹی  میں  کمی کا  زیادہ سے زیادہ  فائدہ  آخری صف  کے  صارفین تک  پہنچایا جاسکے ۔

*************

ش ح۔ج ق ۔رم

U-3618