কোবিদ-১৯ লান্থেংনরিবা হেলথ কেয়র ৱার্করশিংগী প্রধান মন্ত্রী গরীব কল্যান পেক্কেজ (পি.এম.জি.কে.পি.) ইন্সুরেন্স স্কীম অসি হেলথ কেয়র প্রোভাইদরশিংদা মশাগী ওইবা খুদোংথিবা থোকপদা লুপা লাথ ৫০দগীনা লাখ ২২.১২গী খুদোংচাবা পীনবা অমসুং হায়রিবা অসি কোবিদ-১৯গী অনাবাশিং হকথেংননা চেকশিন-থৌরাং লৌরিবা অমসুং হীরম অসিদা অখন্নবা ফিভম খরা ফাওবা খুদোংথিনিংঙাইগী শাফু পীরিবা আশা লোয়ন-লোয়ননা আঙ্গনৱাদী ৱার্করশিংদসু পীনবগীদমক্তা হৌদোকখিবনি। রাজ্যশিং/য়ু.তি.শিংবু আশা লোয়ন-লোয়ননা আঙ্গনৱাদী ৱার্করশিংদা চেকশিন্নিঙাই ওইবা মচাকশিং হায়বদি মাস্ক, গ্লোবশিং, সাপোনশিং অমসুং সেনিতাইজরশিং পীনবা হায়রি।   

নেস্নেল হেলথ মিসনগী মখাদা, আশাশিংবু কম্ম্যুনিতী হেলথ ভোলুন্তিয়র ওইনা লৌরি অমসুং তাক্স/এক্তিবিতী য়ুম্ফম ওইবা ইন্সেন্তিবশিংগী মিং পীরি। অদুম ওইনমক, আশাশিংনা কোবিদ-১৯ লায়চৎকা মরী লৈননবা তৌরিবা থবক্কী শিংথানিংঙাই ওইবা থৌদাংশিং য়েংলগা, রাজ্যশিংদা কোবিদ-১৯গা মরী লৈননা থবক তৌরিবা আশাশিংদা কোবিদ-১৯ হেলথ সিস্তেম প্রিপিয়রনেস অমসুং ইমর্জেন্সী রেস্পোন্স পেকেজকী রিসোর্স শিজিন্নদুনা অহেনবা ইন্সেন্তিব ওইনা থা অমদা লুপা ১০০০/- পীনবা পাউতাক পীরি। আশাশিংগীদমক অহেনবা কোবিদ-১৯ ইন্সেন্তিবশিংগা লোয়ননা লায়চৎ মনুংদা তঙাইফদনা চংদবা য়াদবা হেলথ সর্বিসশিং পীননবা থা অমদা লুপা ২০০০ হান্নগী রুতিন অমসুং রিকরিং ইন্সেন্তিবকী মপুং ফাবা পেমেন্ত চৎথনবা প্রোভিজনশিংসু শেম্লি।    

পি.এম. পোশন (হান্না মিদ-দে মীল স্কীম হায়না খঙনরম্বা)গী মখাদা, কুক-কম-হেল্পরশিং (সি.সি.ঐচ.শিং)বু স্কুলশিংদা ফ্রোং-ফ্রোং শাবা চাক্লেন থোংনবা অমসুং পীজনবা থবকশিং পীরি। মখোয় অসি সমাজগী সেবা তৌনবা থোক্লকপা ইকাই খুম্ননিংঙাই ওইরবা ৱার্করশিংনি। মখোয়গী থবকশিং অসি শকখঙবিবা ওইনা,  সি.সি.ঐচ.শিংবু থা অমদা লুপা ১০০০/- ওনোরিয়ম ওইনা চহি অমদা থা ১০ পীরি। ওনোরিয়ম অসি সি.সি.ঐচ.শিংদা রাজ্য সরকারনা নোতিফাইদ তৌবা কালেন মতমদা ইকং থোকপা মফমশিংগী ইলিমেন্তরী স্কুলশিংদা ফ্রোং-ফ্রোং শাবা চাক্লেন থোংবা অমসুং পীজবগী থবক তৌরিবশিংদসু পীরি। ওনোরিয়মগী এক্সপেন্দিচর অসি সেন্ত্রেল সরকার অমসুং রাজ্য/য়ু.তি.শিংগী মরক্তা অয়াবা পীরবা শিয়রিং পেত্তর্নগী মতুং ইন্না শিয়র তৌবনি। রাজ্য সরকারশিং অমসুং য়ু.তি. এদমিনিস্ত্রেসনশিং খরদি মখোয়গী মশাগী রিসোর্সতগী অহেনবা ফন্দ পীদুনা ওনোরিয়মদা হাপ্লি। 

হৌখিবা চহি মঙাগী মনুংদা আই.সি.দি.এস.গী পীখিবা চহি খায়বা মরীক চুম্বা মখাদা পীরি: 

 

পীখিবা বজেত অসি বেনিফিসরী পুম্বদা অহেনবা ন্যুত্রিসন পীবা অমসুং স্কীম ৱার্করশিংদা ইন্সুরেন্সকী কান্নবা পীবসু কোন্নরি।

মসিগী পাউ অসি ৱুমেন অমসুং চাইল্দ দিবলপমেন্তগী কেন্দ্রগী মন্ত্রী, শ্রীমতি শ্মৃতি জুবিন ইরানিনা ঙসি রাজ্য সভাদা অইবা ওইনা পাউখুম পীখিবনি।  

 

*****

(Release ID: 1811516) Visitor Counter : 138