প্রধান মন্ত্রী শ্রী নরেন্দ্র মোদীনা ঙসি বিম্সতেক্কী হৌজিক চিয়র পাইরিবা শ্রী লঙ্কানা ভর্চুএল মোদ ওইনা শিনবা ৫শুবা বিম্সতেক (বে ওফ বেঙ্গল ইনিসিএতিব ফোর মল্তি-সেক্তোরেল তেক্নিকেল এন্দ ইকনোমিক কোওপরেসন) সমিত্তা শরুক য়াখ্রে।

Was happy to participate in the 5th BIMSTEC Summit hosted by Sri Lanka. We took several important decisions to further the BIMSTEC cooperation agenda. I commend the able leadership of @PresRajapaksa and extend my best wishes to the incoming chair @prayutofficial.

— Narendra Modi (@narendramodi) March 30, 2022

৫শুবা বিম্সতেক সমিতকী মাংওইননা হাইব্রিদ মোদতা মার্চ ২৮ অমসুং ২৯দা কোলম্বোদা মকোক থোংবা ওফিসিএলশিং অমসুং মপাল থৌরম পুবা মন্ত্রীশিংগী থাকশিংদা প্রিপরেতরী মীফমশিং পাঙথোকখি।

সমিতকী থীম ওইরিবা “তুৱার্দস এ রিজিলিএন্ত রিজন, প্রোসপেরস ইকনোমীজ, হেল্থী পিপল” হায়বা অসিনা মেম্বর স্তেৎশিংগী হৌজিক্কী ওইনা মরু ওইবা হীরমশিং অমসুং কোবিদ-১৯ লাইচৎনা শেন্মীৎলোন অমসুং চাউখৎ-থৌরাংদা থোকহনবা অকাইবশিং অসি লাকশিন্নবা মেম্বর স্তেৎশিংগী প্রোগ্রামশিংদা তেংবাং পীনবা কোওপরেসন এক্তিবিতীশিং শেমগৎনবা বিম্সতেক্না হোৎনরিবশিং অসিদা মীৎয়েং চংলি। সমিত অসিগী মপুং ওইবা ফলদি বে ওফ বেঙ্গোলগী শরুক ওইরিবা অমসুং মসিগী মীপাল তাংলিবা মেম্বর স্তেৎশিংনা শেম্বা সংস্থান অমদা কাংলুপ খাইদোকপা অসি ফোর্মেলাইজ তৌরিবা বিম্সতেক চার্তর শীজিন্নবা অমসুং খুৎয়েক পীনবা অসিনি।

সমিত অসিদা তুংলমচৎতা রিজন অসিগী কন্নেক্তবিতীগা মরী লৈনবা থবক-থৌরমশিংগী লমজিং লমতাক ওইগদবা ফ্রেমৱার্ক অমা পীরিবা লুচিংবশিংগী ‘মাস্তর প্লান ফোর ত্রান্সপোর্ত কন্নেক্তিবিতী’ অসি পাইখৎপগা লোয়ননা বিম্সতেক কন্নেক্তিবিতী এজেন্দা ফংনবা মাইকৈদা চাউনা খুমাং চাউশিনবা উবসু ফংখি।

মহাক্না ৱারোল পীবদা প্রধান মন্ত্রীনা বিম্সতেক রিজনেল কন্নেক্তিবিতী, কোওপরেসন অমসুং সেক্যুরিতী হেনগৎহনবগী মরু ওইবা অদু থমখি অমসুং হীরম অসিদা সজেসন কয়ামরুম পীখি। প্রধান মন্ত্রীণা লুচিংবা ওইরিবশিংদা বিম্সতেক-মেম্বর ওইরিবা লৈবাকশিংগী মরক্তা বে ওফ বঙ্গোল অসি কন্নেক্তিবিতী, চাউখৎপা অমসুং ঙাকশেলগী থোং অমা ওইন্নবগী অওনবা পুরক্নবা হোৎনমিন্নসি হায়না হায়খি।

অতোপ্পা লুচিংবশিংগা লোয়ননা প্রধান মন্ত্রী মোদীনা হৌজিক চত্থরিবা কোওপরেসনগী থবক-থৌরমশিং অসিদা খুমাং চাউশিল্লিবা অসি তাক্লিবা বিম্সতেক্কী য়ান্ন-ৱারোল অহুম খুৎয়েক পীনবা অদু য়েংখি: i) ক্রিমিনিএলগী ওইবা হীরমশিংদা মুচুএল লিগেল এসিস্তেন্স পীনবা বিম্সতেক্কী কনভেন্সন; (ii) দিপ্লোমেতিক ত্রেনিংগী লমদা মুচুএল কোওপরেসন পীনবা বিম্সতেক মেমোরেন্দম ওফ অন্দরস্তেন্দিং (iii) বিম্সতেক তেক্নোলোজী ত্রান্সফর ফেসিলিতী লিংখৎনবা মেমোরেন্দম ওফ এসোসিএসন।

***