کامرس اور صنعت کی وزارتہ
بھارت متحدہ عرب امارات کے کاروباریوں کے لئے ایک منزل ہے: پیوش گوئل
ٹرسٹ ، بھارت- متحدہ عرب امارات تعلقات کی ترجمانی کرتا ہے
ہم کووڈ کے دوران ایک دوسرے کے لئے برادرانہ طور پر کام کر رہے ہیں
آئیں ہندوستان کا تجربہ کریں، جو مواقع کی سرزمین ہے
مشترکہ ویژن متحدہ عرب امارات میں انڈین انسٹی ٹیوٹ آف ٹیکنالوجی (آئی آئی ٹی) کے قیام کی راہ ہموار کریں گے
Posted On:
30 MAR 2022 10:49AM by PIB Delhi
کامرس و صنعت ، صارفین کے امور اور خوراک اور عوامی نظام تقسیم اور ٹیکسٹائل کے مرکزی وزیر جناب پیوش گوئل نے متحدہ عرب امارات کی کاروباری برادری کو مدعو کیا ہے کہ وہ آئیں اور کاروباری دوستانہ پالیسیوں اور مواقع فائدہ اٹھائیں، جو کہ ابھرتا ہوا ہندوستان عالمی کاروباریوں کے لئے فراہم کر رہا ہے۔ جناب گوئل نے کہا کہ ہندوستان، جو بھروسہ اور فائدہ اور لاگت کی پیش کش کرتا ہے، وہ ہندوستان میں سرمایہ کاری کے لئے ایک موقع ہے۔ ساجھیداروں کی حیثیت سے ہم ایک دوسرے کے معاشی مستقبل کو مستحکم کر سکتے ہیں اور کووڈ کے بعد کی دنیا میں اپنی ساجھیداری کو مستحکم کر سکتے ہیں۔
جناب گوئل دبئی میں ایکسپو -2020 میں ہندوستان کے اعزازی دن کی تقریبات میں اظہار خیال کر رہے تھے۔
انہوں نے کہا کہ میں سمجھتا ہوں کہ ہم اب آنے والے سالوں میں ترقی اور نشو ونما کے دوہرائے پر کھڑے ہیں ۔ بھارت ذہانت اور سرمایہ کار دوست پالیسیاں فراہم کرتا ہے۔ بیشتر شعبوں میں ایف ڈی آئی 100 فیصد کھلی ہے ۔ ہم نے بہت سی نئی پہل شروع کی ہیں تاکہ پیدا وار سے منسلک ترغیبی اسکیم اور میک ان انڈیا پالیسی جیسی صنعت کو فروغ دیا جاسکے۔ انہوں نے مزید کہا کہ ہماری کوشش ہے کہ کاروبار کو سب کے لئے آسان بنایا جائے، جس سے ہمارے لوگوں کے لئے زندگی کی آسانیاں پیدا ہوں گی۔
عالمی برادری کے لئے میں کہنا چاہوں گا کہ آئیں ہندوستان میں اور مواقع کی سرزمین کا تجربہ کریں۔ آئیے ہم سب ایک مل کر آگے بڑھیں اور ایک ساتھ تبدیلی لائیں۔ ہم ایک ساتھ رہ کر اپنے مقاصد حاصل کر سکتے ہیں اور اس حد تک اہداف حاصل کئے جاسکتے ہیں جس کا تصور بھی نہیں کیا جاسکتا۔
جناب گوئل نے کہا کہ نیا ہندوستان پراعتماد اور بے خوف ہے، جہاں ہم ہر ہندوستانی کی خوشحالی دیکھنے کے خواہش مند ہیں۔ انہوں نے کہا کہ ہندوستان میں اگلے 25 سال ایک مضبوط اور سب کی شمولیت والے بھارت کے لئے پیش خیمہ ہوگا۔
انہوں نے کہا کہ لفظ ٹرسٹ (بھروسہ) ہندوستان اور متحدہ عرب امارات کے تعلقات کی ترجمانی کرتا ہے۔ وزیر موصوف نے کہا کہ ہمارے تعلقات مضبوط اور درخشاں رہیں گے اور اس میں زیادہ سے زیادہ استحکام آئے گا۔
جناب گوئل نے کہا کہ خصوصی ساجھیداری ، جو وزیراعظم جناب نریندر مودی اور عالی جناب شیخ محمد بن زائد النیہان نے ایک دوسرے سے مشترک کی ہیں، افسانوی ہیں۔ یہ ابدی دوستی کا ایک رشتہ ہے، جو بھروسے کی نشاندہی کرتا ہے اور ہم اپنی معیشتوں کی تکمیلی نوعیت کی وجہ سے قدرتی پاٹنر ہیں اور بڑھتی ہوئی تجارت ہمیشہ دونوں ملکوں کے درمیان ہمارے رشتوں کو مزید مستحکم کرے گی۔
وزیر موصوف نے کہا کہ ہمارے مشترکہ ویژن، جس نے نئی منزلیں کھول دی ہیں، ان میں سے ایک متحدہ عرب امارات میں انڈین انسٹی ٹیوٹ آف ٹیکنالوجی (آئی آئی ٹی) کے قیام کے تئیں عزم ہے۔
سرکاری تعاون پر جناب گوئل نے کہا کہ دونوں حکومتوں نے ایک دوسرے کی حمایت کی ہے اور ہم کووڈ کے دوران ایک دوسرے کے لئے برادرانہ سطح پر کام کر رہے ہیں۔
انہوں نے مزید کہا کہ جامع اقتصادی شراکت داری سمجھوتہ (سی ای پی اے) دونوں ملکوں کے عوام کی بھلائی کے لئے ہر لحاظ سے ایک مفید سمجھوتہ ہے۔
دوبئی ایکسپو کی شاندار کامیابی کے بارے میں وزیر موصوف نے کہا کہ ایکسپو – 2020 مصیبت پر حوصلے کی جیت ہے۔ ایکسپو ایک یادگار چیپٹر کے طور پر تاریخ میں یاد رکھی جائے گی، جہاں دو برادر ایک دوسرے کے قریب آئے۔ یہ ختم تو ہو جائے گی لیکن یادیں باقی رہیں گی۔ انڈین پویلین ایک مستقل ڈھانچہ بننے جا رہا ہے، اسے ختم نہیں کیا جائے گا۔ وزیر موصوف نے مزید کہا کہ یہ ہمارے دونوں ملکوں کے لئے ایک گواہی کےطور پر کھڑا رہے گا، جو ہمارے عوام کی اجتماعی بھلائی کے لئے کام کر رہا ہے۔
ایکسپو – 2020 دبئی میں ہندوستانی پویلین ایک سب سے بڑا اور سب سے مثالی پویلین رہا، جس میں 1.6 ملین سے زیادہ لوگ دیکھنے آئے اور یہ پچھلے سال یکم اکتوبر کو شروع ہوا تھا۔ ہندو ستانی پویلین کا افتتاح جناب پیوش گوئل نے کیا تھا۔
ایکسپو-2020 دبئی 31 مارچ کو اختتام پذیر ہو رہا ہے۔
ایکسپو -2020 دبئی میں ہندوستانی پویلین کے بارے میں مزید معلومات حاصل کرنے کے لئے برائے مہربانی وزٹ کریں:
ویب سائٹ: https://www.indiaexpo2020.com/
فیس بک: https://www.facebook.com/indiaatexpo2020/
انسٹاگرام: https://www.instagram.com/indiaatexpo2020/
ٹوئیٹر: https://twitter.com/IndiaExpo2020?s=09
لنکد اِن : https://www.linkedin.com/company/india-expo-2020/?viewAsMember=true
یو ٹیوب: https://www.youtube.com/channel/UC6uOcYsc4g_JWMfS_Dz4Fhg/featured
کو: https://www.kooapp.com/profile/IndiaExpo2020
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح-ح ا - ق ر)
U-3471
(Release ID: 1811278)
Visitor Counter : 172