প্রধান মন্ত্রী শ্রী নরেন্দ্র মোদীগা লোয়ননা মহৈরোয়শিং, ওজাশিং অমসুং মমা-মপাশিংগা ৱারী ৱাতাই শাবগী অখন্নবা প্রোগ্রাম অমা ওইরিবা – পরিক্ষা পে চর্চা (পি.পি.সি.) -২০২২গী ৫শুবা তাঙ্কক অসি চহি অসিগী এপ্রিল ১, ২০২২দা নই দিল্লীদা অয়ুক্কী পুং ১১ তাবা মতমদা পাংথোক্নবা লেপখ্রে।   

মহৈরোয়শিং খন্নবা থৌওং অমা ওইনা ক্লাস ৯ দগী ১২ ফাওবগী মনুংদা তম্লিবা মহৈরোয়শিং, ওজাশিং অমসুং মমা মপাশিংগী ওইবা ওনলাইন কন্তেস্ত অমা পাংথোকখি। কম্পিতিসন অসি মাইগোভ প্লেৎফোর্মগী খুত্থাংদা দিসেম্বর ২৮, ২০২১ দগী ফেব্রুৱারী ৩, ২০২২ ফাওবা পাংথোকখি। ত্রাইবেল এফিয়র্স মন্ত্রালয়না মখোয়গী একলাভ্য মোদেল রেসিদেন্সিএল স্কুলশিং (ই.এম.আর.এস.শিং)দগী মহৈরোয়শিংনা থৱাই য়াওনা শরুক য়ানবা পুক্নীং থৌগৎখি। প্রোগ্রাম অসিদা শরুক য়ানবা ই.এম.আর.এস.শিংদগী মহৈরোয় লিশিং কয়ানা মখোয়গী ওজাশিংগা লোয়ননা রেজিস্তর তৌখ্রে।

স্কুল এজুকেসন অমসুং লিতরেসী ভিভাগ, এজুকেসন মন্ত্রালয়গী মসিগী অনৌবা খোঙথাং অসিদা প্রধান মন্ত্রী মহৈরোয়শিংগা ৱারী শাগদবা অমসুং একজামিনেসনগা মরী লৈনবা মখোয়গী ৱাহংশিংগী পাউখুম পীগনি। মীয়াম্না খৌরাংনা ঙাইনরিবা থৌরম অসি তি.ভি. চেনেলশিং অমসুং দিজিতেল মেদিয়াশিংদা অয়ুক্কী পুং ১১দা এয়র লাইভ থাগনি।  

****