‘স্পোর্তস’ অসি রাজ্য অমগী মরু ওইবা হীরম অমা ওইবনা খুঙ্গংগী থাক্তা শান্নবুংশিং শাবা, কোলেজশিংদা স্পোর্তসপু পুক্নিং থৌগৎপা, স্পোর্তস য়ুনিভর্সিতীশিং অমসুং কোলেজশিং লিংখৎপা, নাৎকী ওইবা মশান্নশোংদা মালেমগী থাক্তা শখখঙবা ঙমহন্নবা অমসুং মশান্না অসিবু মপুং ফানা চাউখৎপা ঙমহনবা প্রমোৎ তৌবা য়াওনা স্পোর্তসকী চাউখৎ-থৌরাংগী থৌদাং অসি মরী লৈনবা রাজ্য/য়ুনিয়ন রেরিতোরীগী সরকারশিংনা লৌরি। কেন্দ্র সরকারনা মখোয়দা লৈরিবা মরু ওইবা অৱাৎপশিং অদু মেনখৎনবা মখোয়গী খোঙথাংশিং অদুদা তেংবাং পীরি। অদুম ওইনমক খেলো ইন্দিয়া স্কিমগী কম্পোনেন্ত ওইরিবা “য়ুতিলাইজেসন এন্দ ক্রিএসন/অপগ্রেদেসন ওফ স্পোর্তস ইনফ্রাস্ত্রকচর”গী মখাদা মন্ত্রালয় অসিনা স্কুলশিং, কোলেজশিং অমসুং য়ুনিভর্সিতীশিং য়াওনা মতম মতমগী ওইনা রাজ্যশিং/য়ু.তি.শিংদগী ফংলকপা প্রপোজেলশিংদা য়ুম্ফম ওইরগা লৈবাক শিনবা থুংবদা কেতগোরী কয়ামরুমদা স্পোর্তস ইনফ্রাস্ত্রকচর প্রোজেক্ত ২৮৯ সেঙ্কসন তৌখি। মন্ত্রালয় অসিনসু অখন্নবা স্পোর্তসকী লমশিংগীদমক নেস্নেল ত্রেনিং সেন্তর ওইনা মথৌ তৌবগী মথক্তা স্পোর্তস সাইন্সেস, স্পোর্তস তেক্নোলোজী, স্পোর্তস কোচিংগী লমশিংদা মহৈ-মশিং তম্নবা প্রমোৎ তৌনবা য়ুনিভর্সিতী মখল অসিগী ওইনা অহানবা ওইনা মনিপুরগী ইম্ফালদা নেস্নেল স্পোর্তস য়ুনিভর্সিতী লিংখৎখি। নেস্নেল স্পোর্তস য়ুনিভর্সিতী অসিনা লৈবাক শিনবা থুংবদগী মহৈরোয়শিংদা খুদোংচাবা ফংহল্লগনি। মখা তানা খেলো ইন্দিয়া স্কিমগী মচাক অমা ওইরিবা “সপ্পোর্ত তু নেস্নেল/রিজনেল/স্তেৎ স্পোর্তস একাদেমীজ”কী মখাদা মন্ত্রালয় অসিনা লৈবাক শিনবা থুংবদা স্পোর্তস একাদেমী ২৪৭ এক্রেদিদেদ তৌখি।

খেলো ইন্দিয়া স্কিমগী কম্পোনেন্ত অমা ওইরিবা ‘প্রমোসন ওফ রুরেল এন্দ ইন্দিজিনস/ত্রাইবেল গেম’ অসি লৈবাক অসিদা লৈরিবা খুঙ্গং অমসুং ইন্দিজিনস/ত্রাইবেলগী মশান্নশিং চাউখৎহন্নবা অমসুং প্রমোৎ তৌনবা অখন্ননা শেমখি। কম্পোনেন্ত অসিগী মখাদা প্রমোসন তৌনবগীদমক মল্লাখম্ভ (মধ্য প্রদেশকী মরু ওইবা নাৎকী ওইবা মশান্না), কলরীপয়াততু, গতকা, থাং-থা, য়োগাসন অমসুং সিলম্বম হায়রিবা নাৎকী ওইবা মশান্নশিং অসি মশক খঙদোকখ্রে। কম্পোনেন্ত অসিগী মখাদা ইনফ্রাস্ত্রকচর দিবেলপমেন্ত, ইক্বিপমেন্ত সপ্পোর্ত, কোচশিং লৌনবা, কোচশিং ত্রেনিং পীনবা অমসুং স্কোলরশিপশিং পীনবা শেন্থংশিং সেঙ্কসন তৌখি। মখা তানা মন্ত্রালয় অসিনা মল্লাখম্ভ, কলরীপয়াততু, গতকা অমসুং থাং-তাগ মেদল ফংখ্রবা ২৩৮তা স্কোলরশিপশিং পীরি (শান্নরোয় অমদা থা অমদা লুপা ১০,০০০/-), মসিগী মনুংদা মল্লাখম্ভগী লমদা ৱিনর ৩১ (১০৪গী মনুংদা) অসিদি মধ্য প্রদেশতগী ওইরি। মসিগী মথক্তা মল্লাখম্ভ, কলরীপয়াততু, গতকা, থাং-থা, অমসুং  য়োগাসন অসি হরিয়ানাগী পঞ্চকুলাদা পাঙথোক্কদৌরিবা খেলো ইন্দিয়া য়ুথ গেম্সকী ইদিসন অসিদা য়াওহনখ্রে।

ই-পাউ অসি য়ুথ এফিয়র্স এন্দ স্পোর্তস মন্ত্রী শ্রী অনুরাগ থাকুরনা ঙসি লোক সভাদা অইবা পাউখুম অমা ওইনা পীখিবনি।

*****