( ایک تعارف )

صدر جمہوریہ ٔہند جناب رام ناتھ کووند 29 مارچ  ، 2022 ء کو نئی دلّی کے وگیان بھون میں تیسرے قومی آبی ایوارڈ کے فاتحین کی عزت افزائی  کریں گے۔ صدر ِ جمہوریہ تقریب کے دوران ’’ جل شکتی ابھیان: کیچ دا رین مہم 2022  ‘‘ کا بھی آغاز کریں گے ، جو 30 نومبر  ، 2022ء تک جاری رہے گی۔

جل شکتی کے مرکزی وزیر جناب گجیندر سنگھ شیخاوت،  جل شکتی کے وزیر مملکت جناب بشویشور توڈو اور جناب پرہلاد سنگھ پٹیل، آبی وسائل، دریائی ترقی اور گنگا کے احیاء کے محکمے میں سکریٹری جناب پنکج کمار اور پینے کے پانی اور صفائی ستھرائی کے محکمے کے سکریٹری  جناب وینی مہاجن بھی اس موقع  پر موجود ہوں گے ۔

         قومی آبی ایوارڈس کی ضرورت فریقین اور عوام کو آبی وسائل کے نظم و نسق کے حوالے سے جامع انداز اپنانے کی حوصلہ افزائی کے لئے محسوس کی گئی تھی ۔ یہ ایوارڈ عوام میں پانی کی اہمیت کے بارے میں بیداری پیدا کرنے اور پانی کے موثر انتظام میں بہترین طریقوں کو اپنانے کی ترغیب دینے کی بھی کوشش کرتا ہے۔

پہلا قومی آبی ایوارڈ  ، 2018 ء میں وزارت جل شکتی کی طرف سے شروع کیا گیا تھا۔  قومی آبی ایوارڈز نے اسٹارٹ اپس کے ساتھ ساتھ سرکردہ تنظیموں کو سینئر پالیسی سازوں کے ساتھ تعاون کرنے اور ان پر تبادلۂ خیال کرنے کا ایک اچھا موقع فراہم کیا ہے  کہ  بھارت میں کس طرح پانی کے وسائل کے انتظام کے بہترین طریقوں کو اپنایا جائے۔

آبی وسائل، دریاکی ترقی اور گنگا  کے احیاء کا محکمہ، جل شکتی کی وزارت ، ریاستوں، تنظیموں اور  افراد وغیرہ کو 11 مختلف زمروں میں 57 ایوارڈس دیتی ہے  ۔  ان زمروں میں بہترین ریاست، بہترین ضلع، بہترین گاؤں پنچایت، بہترین شہری بلدیاتی ادارہ، بہترین میڈیا (پرنٹ اور الیکٹرانک)، بہترین اسکول، بہترین ادارہ/ آر ڈبلیو اے /مذہبی تنظیم برائے کیمپس استعمال، بہترین صنعت، بہترین این جی او، بہترین واٹر یوزر ایسوسی ایشن اور  سی ایس آر سرگرمیوں کے لئے بہترین صنعت  شامل ہیں ۔  ان  زمروں میں ملک کے مختلف زون کے لئے ذیلی زمرے بھی ہیں ۔ مختلف زمروں میں ایوارڈ  پانے والوں کو ایک توصیف نامہ ، ٹرافی اور نقد انعام دیا جائے گا۔

         ریاست اتر پردیش، راجستھان اور تمل ناڈو  نے بہترین ریاست کے زمرے میں بالترتیب پہلا ، دوسرا اور تیسرا  ایوارڈ حاصل کیا ہے ۔ کچھ ایوارڈ پانے والوں نے آبی بندوبست کے شعبے میں مثالی کام  انجام دیئے  ہیں ۔  امید ہے کہ اِن ایوارڈز سے  بھارت کے عوام کے ذہنوں میں پانی کے بارے میں احساس پیدا ہوگا اور اُن کے رویے میں تبدیلی لانے میں مدد ملے گی۔

            این ڈبلیو اے کے ذریعے پورے ملک میں افراد اور تنظیموں کے  ذریعے کئے گئے اچھے کام اور کوششوں پر توجہ مرکوز  کی جاتی ہے تاکہ جل سمرِدھ بھارت کے حکومت کے ویژن کو حاصل کیا جا سکے ۔ یہ ایوارڈ تمام عوام اور تنظیموں کو آبی وسائل کے بندوبست کی سرگرمیوں میں زیادہ مضبوط ساجھیداری کرنے اور لوگوں کو شامل کرنے میں مدد فراہم کرتے ہیں ۔

         2019 ء میں جل شکتی ابھیان کے کامیاب نفاذ کے بعد، جس میں ملک  کے پانی کی قلت والے 256 اضلاع  کے 1592 بلاکوں  میں پانی کے تحفظ اور بندوبست کی خاطر ایک عمومی اپیل کی گئی تھی ، جل شکتی ابھیان-II: کیچ دا رین ،  ویئر اِٹ فالس ، وین اِٹ فالس مہم کا آغاز وزیر اعظم جناب نریندر مودی نے 22 مارچ ، 2021 ء کو عالمی آبی دن کے موقع پر کیا تھا ،  جسے ملک کے تمام اضلاع (دیہی اور شہری علاقوں) میں مانسون سے پہلے اور مانسون کے دوران شروع کیا گیا  تھا یعنی مارچ ، 2021 ء سے 30 نومبر ، 2021 ء تک نافذ کیا گیا تھا  ۔ قومی آبی مشن  کے ذریعے چلائی  جانے والی اس مہم کا پورے ملک میں بہت اچھا ردعمل  حاصل ہوا ہے ۔ 22 مارچ ، 2021 ء کو آغاز کے بعد سے 31 دسمبر ، 2021 ء تک، شہری اور دیہی دونوں علاقوں  نے کل 46 لاکھ سے زیادہ پانی سے متعلق کاموں کو مکمل کیا ہے یا شروع کیا ہے اور اس کے علاوہ ، 36 کروڑ سے زیادہ شجرکاری  کی گئی ہے ، 43631 تربیتی پروگرام/کسان میلے لگائے گئے اور 306 جل شکتی کیندر قائم کئے گئے ہیں ۔  صرف ایم جی این آر ای جی ایس کے تحت  ہی 65000 کرو ڑروپئے سے زیادہ خرچ کئے گئے ۔ اس کے علاوہ  ، آبی تحفظ سے متعلق کام ، موجودہ آبی وسائل / ڈھانچوں کی نشاندہی کے لئے ریموٹ سینسنگ سیٹلائٹ اِمیجز اور جی آئی ایس میپنگ ٹیکنا لوجی کا استعمال کرکے آبی وسائل کی انوینٹری تشکیل دی گئی ہے ۔

         جل شکتی ابھیان: کیچ دا رین 2022 میں، کچھ نئی خصوصیات  کا بھی اضافہ کیا گیا ہے ، جن میں اسپرنگ شیڈ ڈیولپمنٹ، آبی طاس کے علاقوں کا تحفظ ، پانی کے سیکٹر میں جینڈر مین اسٹریمنگ شامل ہیں ۔ امید ہے کہ جینڈر مین اسٹریمنگ   سے پانی کی حکمرانی/ تحفظ اور بندوبست میں خواتین کے رول  میں اضافہ ہو گا۔ ریاستی حکومتیں اپنی ریاست کے ہر ضلع میں جل شکتی کیندر قائم کرنے کا کام مکمل کریں گی ، جو  معلومات کے ایک مرکز کے طور پر کرم کریں گے اور پانی سے متعلق تمام مسائل کے لئے  حل فراہم کریں گے اور  جتنی جلد ممکن ہو گا ، ضلع میں پانی کے تحفظ کا منصوبہ مرتب کریں گے ۔  اگر ملک کے تمام آبی وسائل کو ، اِس سال مہم میں شمار کر لیا جاتا ہے  تو یہ ایک بڑی کامیابی ہو گی ۔

            مہم کے آغاز کے دوران تمام سرپنچ خصوصی گرام سبھا ؤں کا انعقاد کریں گے اور گاؤں  میں لوگوں کو جل شپتھ  دلوائیں گے۔  ’’ جل شکتی ابھیان: کیچ دا رین ‘‘ مہم کا کامیاب نفاذ  بنیادی سطح پر مقامی لوگوں کی شرکت اور مقامی لوگوں کے واٹر واریئر بننے پر منحصر ہو گا   اور یہ پانی کے تحفظ کے کام اور پانی کے تحفظ سے متعلق اثاثوں کے مالک کے طور پر لوگوں کی شرکت سے پانی کی قلت کے معاملوں کو حل کیا جا سکے گا ۔ ضلع مجسٹریٹ اور گرام سرپنچ مقامی لوگوں کو ’’ مارگ درشک ‘‘ کے طور پر تحریک دینے اور پانی کے تحفظ میں ہر فرد کی فعال شرکت کے لئے ’’جن شکتی برائے جل شکتی ‘‘ کی خواہش کو پورا کرنے کے ساتھ مہم کی کامیابی کو یقینی بنانے میں اہم کردار ادا کریں گے۔

۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔ ۔۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔

( ش ح ۔ و ا ۔ ع ا   ) 

U. No. 3380