نئی دہلی، 26 مارچ 2022:

ہنر مندی کی ترقی اور صنعت کاری اور الیکٹرانکس اور انفارمیشن ٹیکنالوجی کے مرکزی وزیر مملکت راجیو چندر شیکھر نے بھارت کے اختراعات اور کاروباری شعبے میں لچک اور ترقی کے بارے میں بات کی۔ آج حیدرآباد کے سی ای او کلبسسے خطاب کرتے ہوئے وزیر موصوف نے کہا کہ وزیر اعظم جناب نریندر مودی کا آتم نربھر بھارت کا وژن اپنے متحرک اسٹارٹ اپس، انٹرپرینیورشپ اور اب تک کے سب سے زیادہ ایف ڈی آئی کے ذریعے بھارت کی اسٹوری کی تشکیل کر رہا ہے۔ اس کے نتیجے میں بھارت اب دنیا کی سب سے تیزی سے ترقی کرنے والی معیشت بن چکا ہے جس نے کوویڈ کی وجہ سے پیدا ہونے والی رکاوٹوں کے باوجود اشیااور تجارتی سامان کی برآمدات میں نئے ریکارڈ قائم کیے ہیں۔ اس کی وجہ 2014 سے وزیر اعظم نریندر مودی کی بنائی گئی پالیسیاں ہیں۔ وزیر اعظم نریندر مودی کی قیادت میں بھارت نے آتم نربھر بھارت وژن کی قیادت میں وبا کے دوران اپنی موثر کوویڈ مینجمنٹ اور معیشت سے نمٹنے میں مہارت کی عالمی سطح پر پہچان حاصل کی ہے۔

عالمی فورمز پر بھارت کی اسٹوری پیش کرنے کی ضرورت پر روشنی ڈالتے ہوئے وزیر موصوف نے کہا کہ عالمی میدان میں بھارت کی کامیابی کو پیش کرنے کی ضرورت ہے کیونکہ یہ بھارتی ٹیک اسپیسکی کام یابی کا اہم موڑ ہے اور زیادہ سے زیادہ عالمی سرمایہ کاروں کو نئے بھارت کی ترقی کے بارے میں جاننا چاہیے۔ بھارت کی 'باؤنس بیک'—جیسا کہ دنیا اب اسے کہتی ہے، کی بڑی وجہ 2005 میں ڈیجیٹل انڈیا کے آغاز کے ساتھ ہمارے وزیر اعظم کے ذریعے ٹیکنالوجی کے شعبے میں کی گئی ابتدائی سرمایہ کاریاں ہیں۔

آتم نربھر بھارت کی اقتصادی سوچ نے بھارت کے لیے ایک مضبوط، لچکدار اور ابھرتی ہوئی قوم کے طور پر آنے کی راہ ہموار کی ہے۔ کوویڈ کی عالمی وبا کے دوران بھارت نے لچکدار معیشت، لچکدار حکومت اور لچکدار شہریوں کی تعمیر کے لیے ٹیکنالوجی سے فائدہ اٹھایا۔ وزیر اعظم کے وژن کی بدولت بھارت نہ صرف آر ڈی، ٹیک ڈویلپمنٹ اور اختراعات کے روایتی شعبوں میں ٹیکنالوجی کے استعمال میں دنیا کے اہم ممالک میں سے ایک بن گیا ہے بلکہ شہریوں کی زندگیوں کو بااختیار بنانے اور تبدیل کرنے کے لیے ٹیک کے استعمال میں بھی شامل ہے۔

وزیر موصوف نے اس بات کو بھی اجاگر  کیا کہ دنیا بھارت کو ٹیکنالوجی میں ایک سرکردہ کھلاڑی کے طور پر دیکھتی ہے۔ چونکہ نیا معمول ویب 3.0، انڈسٹری 4.0 اور پوری طرح کی رکاوٹوں کے ساتھ ڈیجیٹلائزیشن میں اضافہ کر رہا ہے، دنیا تیزی سے پورے پیراڈائم کو اگلا امکان پیدا کرنے کے لیے بھارت کی طرف دیکھ رہی ہے۔ انھوں نے مزید کہا کہ جلد ہی ہم عوامی خدمات کی فراہمی کو ایک نئی سطح پر لے جانے کے لیے حکمرانی میں ڈیجیٹلائزیشن کی اگلی لہر پیدا کرنے جارہے ہیں۔

وزیر موصوف نے سی ای او کلبس میں کہا کہ کس طرح کاروباری افراد اور حکومت کے درمیان ہم آہنگی، خاص طور پر حال ہی میں یونیکورن کلب میں شامل ہونے والے اسٹارٹ اپس کی تعداد کو دیکھتےہوئے، بھارت میں کھربوں ڈالر کی معیشت کو چلانے کا فارمولا ہوگا۔

09 فروری 2022 تک بھارت میں 88 یونیکورن تھے جن کی مجموعی مالیت 295.99 بلین ڈالر ہے جو اسٹارٹ اپس کو معیشت میں لچکدار اور مضبوط رہنے کو یقینی بنانے کے لیے حکومت کے فعال اقدامات کا نتیجہ ہے۔

انھوں نے صنعت، ٹیلی کام، ایم ایس ایم ای، لیبر، فنانس وغیرہ جیسے تمام شعبوں میں حکومت کی موثر ڈھانچہ جاتی اور اسٹریٹجک اصلاحات کے بارے میں بھی بات کی اور بتایا کہ اس سے بھارت کی زبردست ترقی اور لچک کس طرح ہوئی ہے۔

انھوں نے یہ بتاتے ہوئے اپنی بات ختم کی کہ کس طرح بھارت اپنے شہریوں کے لیے 5 ٹریلین ڈالر کی معیشت اور خوشحالی کے حصول کے عزم کے ساتھ دنیا کے سرکردہ ممالک میں سے ایک بن کر ابھرا ہے اور کس طرح ہماری معیشت، ڈیجیٹل معیشت اور مجموعی ایکو سسٹمایسے دور میں ترقی اور خوشحالی کا سلسلہ جاری رکھے ہوئے ہیں جب کہ پوری دنیا مصائب کا شکار ہے۔

سی ای او کلبس کے بارے میں

سی ای او کلب ایک انویٹیشن اونلی، کاروباری افراد، صنعت کاروں اور اعلیٰ عہدیداروں کی غیر منافع بخش ایسوسی ایشن ہے۔ اس میں 3 بنیادی ستونوں پر توجہ مرکوز کی گئی ہے: کارپوریٹ ویلبیئنگ، ذاتی بہبود اور سماجی بہبود۔ وہ ایک پیئر گروپ ہیں جو نیٹ ورکنگ سے آگے کی چیز ہیں اور جہاں باہمی خیال اور اشتراک ہوتا ہے۔

***

(ش ح – ع ا – ع ر)

 U. No. 3274