ভারতনা য়ুক্রেনদা পন্দুনা লৈরিবা ভারতকী নাগরিকশিংবু লমদম অসিদা পুরক্নবগীদমক ‘ওপরেসন গঙ্গা’ হায়না মিংথোনবা অচৌবা মী কনবগী ওপরেসন অমা চত্থরি। এক্সতরনেল এফিয়ার্স মন্ত্রালয়না সিভিল এভিএসন মন্ত্রালয়গা খুৎশম্নদুনা ভারতকী মহৈরোইশিংবু খোংজেল য়াংনা ভারত্তা পুরক্নবা হোৎনবা য়াবা হোৎনরি। ইন্দিয়ান এয়রলাইন্সনা খোংজেল য়াংনা মী হোন্দোকপগী থৌওং অসিদা মখোয়গী রিসোর্সশিং শিজিন্নরি। কেন্দ্রগী মন্ত্রী মরি- শ্রী হরদীপ সিংহ পুরী, শ্রী জ্যোতিরাদিত্য এম সিনধিয়া, শ্রী কিরেন রিজিজু অমসুং জেন (রিতয়ার্দ) ভি.কে. সিংহনা ওপরেসন অসি তেংবাংনবা অমদি য়েংশিন্নবগীদমক য়ুক্রেনগা থংনবা লৈবাকশিংদা চৎখ্রি।  ইন্দিয়ান সিভিলিয়ান প্লেনশিংগা লোয়ননা ইন্দিয়ান এয়র ফোর্স প্লেনশিংনা চাং নায়না য়ুক্রেনবা পন্দুনা লৈরিবা ভারতকী মহৈরোইশিংবু ভারত্তা পুরক্লি।

ফেব্রুৱারী ২২দা হৌখিবা মী হোন্দোকপগী থৌওং অসিনা হৌজিক ফাওবদা মীওই ৬২০০ হেন্না ভারত্তা পুরকখ্রে, মদুদা অখন্নবা সিভিলিয়ান ফ্লাইত ১০গী খুত্থাংদা ঙসি লাকখিবা মীওই ২১৮৫ য়াওরি। ঙসিগী সিভিলিয়ান এয়রলাইনশিংদা বুচারেস্ততগী ৫, বুদাপেস্ততগী ২, কোসিসেদগী ১, অমসুং জেসজোদগী ফ্লাইত ২ য়াওরি। মসিগী মথক্তা আই.এ.এফ. ফ্লাইত ৩না ঙসি মার্চ ৩গী নুমিদাং পুং ১১ অমসুং মার্চ ৪গী অয়ুক অঙনবগী মরক্তা অহেনবা ভারত মচাশিং পুরক্লি। মার্চ ২গী অহিং নোংয়াই অমসুং মার্চ ৩গী অয়ুক অঙনবগী মরক্তা আই.এ.এফ. ফ্লাইত মরিনা ভারত মচা ৭৯৮ হান্ননা পুরকখ্রে। সিভিলিয়ান ফ্লাইতশিংগী মশিং মখা তানা হেনগৎহনখিগনি অমদি মথংগী নুমিৎ নিনিদা অখন্নবা ফ্লাইতশিংগী খুত্থাংদা মীওই ৭৪০০ পুরক্লবা য়ারি। হয়েং মীওই ৩৫০০ পুরক্লবা য়ারি অমদি মার্চ ৫দনা ৩৯০০ হেন্না পুরক্লবা য়ারি।

হয়েংগী ওইনা অখন্নবা ফ্লাইতশিংগী তেন্তেতিব সেদ্যুল মখাদা লৈরে:

ফ্লাইতশিংগী অপুনবা মশিং: ১৭

*****