ಕೇಂದ್ರ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ನಾಗರಿಕ ಸರಬರಾಜು ಖಾತೆ ಸಹಾಯಕ ಸಚಿವೆ ಶ್ರೀಮತಿ ಸಾಧ್ವಿ ನಿರಂಜನ್ ಜ್ಯೋತಿ ಅವರು ಇಂದು ಲೋಕಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ನೀಡಿದ ಲಿಖಿತ ಉತ್ತರದಲ್ಲಿ, ʻರಾಷ್ಟ್ರೀಯ ಆಹಾರ ಭದ್ರತಾ ಕಾಯ್ದೆ-2013ʼರ (ಎನ್ಎಫ್ಎಸ್ಎ) ಅಡಿಯಲ್ಲಿ, ಫಲಾನುಭವಿಗಳನ್ನು ಸೇರಿಸುವುದು ಮತ್ತು ಹೊರಗಿಡುವುದು ಆಯಾ ರಾಜ್ಯ / ಕೇಂದ್ರಾಡಳಿತ ಪ್ರದೇಶಗಳ ಸರಕಾರಗಳ ಜವಾಬ್ದಾರಿಯಾಗಿದೆ ಎಂದು ಮಾಹಿತಿ ನೀಡಿದರು. ಇದಲ್ಲದೆ, ʻಎನ್ಎಫ್ಎಸ್ಎʼ ಅಡಿಯಲ್ಲಿ ಫಲಾನುಭವಿಗಳನ್ನು ಸೇರಿಸುವುದು ಮತ್ತು ಹೊರಗಿಡುವುದು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳು ಅಭಿವೃದ್ಧಿಪಡಿಸಿದ ಅರ್ಹತಾ ಮಾನದಂಡಗಳ ಪ್ರಕಾರ ನಡೆಯುತ್ತಿರುವ ಪ್ರಕ್ರಿಯೆಯಾಗಿದೆ. ಅದರಂತೆ, ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳು ʻಎನ್ಎಫ್ಎಸ್ಎʼ ಅಡಿಯಲ್ಲಿ ʻಉದ್ದೇಶಿತ ಸಾರ್ವಜನಿಕ ವಿತರಣಾ ವ್ಯವಸ್ಥೆʼ(ಟಿಪಿಡಿಎಸ್) ಸುಧಾರಣೆಗಳಿಗೆ ಮಾಹಿತಿ ತಂತ್ರಜ್ಞಾನದ ಅನುಷ್ಠಾನವನ್ನು ಬಳಸಿಕೊಳ್ಳುತ್ತಿವೆ. ಆ ಮೂಲಕ ಪಡಿತರ ಚೀಟಿಗಳು / ಫಲಾನುಭವಿಗಳ ಡೇಟಾವನ್ನು ಡಿಜಿಟಲೀಕರಣಗೊಳಿಸುವುದು, ನಕಲು ಮಾಡುವ ಪ್ರಕ್ರಿಯೆ ತಡೆ, ಶಾಶ್ವತ ವಲಸೆ, ಸಾವುಗಳು, ಅನರ್ಹ / ನಕಲಿ ಪಡಿತರ ಚೀಟಿಗಳ ಗುರುತಿಸುವಿಕೆ ಇತ್ಯಾದಿಗಳ ಕಾರಣಗಳಿಗಾಗಿ 2014ರಿಂದ 2021ರವರೆಗೆ ಸುಮಾರು 4.28 ಕೋಟಿ ಪಡಿತರ ಚೀಟಿಗಳನ್ನು ರದ್ದುಗೊಳಿಸಿರುವುದಾಗಿ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳು ವರದಿ ಮಾಡಿವೆ. ಆದಾಗ್ಯೂ, ಪಡಿತರ ಚೀಟಿಗಳೊಂದಿಗೆ ಆಧಾರ್ ಅನ್ನು ಲಿಂಕ್ ಮಾಡುವುದು ಅಥವಾ ಲಿಂಕ್ ಮಾಡದಿರುವುದು ʻಎನ್ಎಫ್ಎಸ್ಎʼ ಅಡಿಯಲ್ಲಿ ಪಡಿತರ ಚೀಟಿಗಳನ್ನು ತೆಗೆದುಹಾಕಲು / ರದ್ದುಗೊಳಿಸಲು ಮಾನದಂಡವಲ್ಲ. 2014ರಿಂದ 2021ರವರೆಗೆ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳು ರದ್ದುಗೊಳಿಸಿದ ಪಡಿತರ ಚೀಟಿಗಳ ಸಂಖ್ಯೆಯನ್ನು ರಾಜ್ಯ / ಕೇಂದ್ರಾಡಳಿತ ಪ್ರದೇಶವಾರು ಮತ್ತು ವರ್ಷವಾರು ಸೂಚಿಸುವ ಪಟ್ಟಿಯನ್ನು ಅನುಬಂಧದಲ್ಲಿ ನೀಡಲಾಗಿದೆ.

ಎಲ್ಲಾ ʻಎನ್ಎಫ್ಎಸ್ಎʼ ಫಲಾನುಭವಿಗಳು ತಮ್ಮ ʻಅಂತ್ಯೋದಯ ಅನ್ನ ಯೋಜನೆʼ (ಎಎವೈ) ಮತ್ತು ʻಆದ್ಯತಾ ಕುಟುಂಬʼ (ಪಿಎಚ್ಎಚ್) ಪಡಿತರ ಚೀಟಿಗಳ ಅರ್ಹತೆಗಳಿಗೆ ಅನುಗುಣವಾಗಿ ತಮ್ಮ ಮಾಸಿಕ ಆಹಾರ ಧಾನ್ಯಗಳನ್ನು ಪೂರ್ಣ ಪ್ರಮಾಣದಲ್ಲಿ ಸ್ವೀಕರಿಸುತ್ತಿದ್ದಾರೆ ಎಂಬುದನ್ನು ಖಾತರಿಪಡಿಸಿಕೊಳ್ಳಲು ಎಲ್ಲಾ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ ಸೂಚಿಸಲಾಗಿದೆ. ಕಾಲಕಾಲಕ್ಕೆ ಪತ್ರಗಳು, ಸಭೆಗಳು ಮತ್ತು ವೀಡಿಯೊ ಕಾನ್ಫರೆನ್ಸ್‌ಗಳ ಮುಖಾಂತರ ʻಪಾರದರ್ಶಕ ಎಲೆಕ್ಟ್ರಾನಿಕ್ ಪಾಯಿಂಟ್ ಆಫ್ ಸೇಲ್ʼ(ಇಪಿಒಎಸ್) ಸಾಧನ ವಹಿವಾಟುಗಳ ಮೂಲಕ ʻಎಫ್‌ಪಿಎಸ್‌ʼಗಳಲ್ಲಿ ಆಹಾರ ಧಾನ್ಯಗಳ ವಿತರಣೆಯಾಗುವುದನ್ನು ಖಾತರಿಪಡಿಸಿಕೊಳ್ಳಲು ಸೂಚಿಸಲಾಗಿದೆ. ಎಲ್ಲಾ ಫಲಾನುಭವಿಗಳಿಗೆ ಬಯೋಮೆಟ್ರಿಕ್ ದೃಢೀಕರಣದೊಂದಿಗೆ ಮತ್ತು ಸ್ಥಳೀಯ/ದ್ವಿಭಾಷೆಯಲ್ಲಿ ಫಲಾನುಭವಿಗಳಿಗೆ ಇಪಿಒಎಸ್ ಮುದ್ರಿತ ವಹಿವಾಟು ರಸೀದಿಗಳನ್ನು ಒದಗಿಸುವುದು.

 

ʻಆಧಾರ್ ಕಾಯ್ದೆ-2016ರ ʻಸೆಕ್ಷನ್-7ರ ಅನುಸಾರ ದಿನಾಂಕ 08/02/2017ರಂದು ಇಲಾಖೆ ಹೊರಡಿಸಿದ ಅಧಿಸೂಚನೆಯ (ಕಾಲಕಾಲಕ್ಕೆ ತಿದ್ದುಪಡಿ ಮಾಡಿದಂತೆ) ಅಡಿಯಲ್ಲಿ, ಫಲಾನುಭವಿಗಳ ಆಧಾರ್ ಸಂಖ್ಯೆಗಳನ್ನು ಅವರ ಪಡಿತರ ಚೀಟಿಗಳೊಂದಿಗೆ ಲಿಂಕ್ ಮಾಡಲು ಎಲ್ಲಾ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ ನೀಡಲಾದ ಕಾಲಮಿತಿಯನ್ನು 31/03/2022ರವರೆಗೆ ವಿಸ್ತರಿಸಲಾಗಿದೆ. ಅಲ್ಲಿಯವರೆಗೆ, ಅಸ್ತಿತ್ವದಲ್ಲಿರುವ ಇಲಾಖೆಯ ಸೂಚನೆಗಳ ಪ್ರಕಾರ, ಯಾವುದೇ ನೈಜ ʻಎನ್ಎಫ್ಎಸ್ಎʼ ಫಲಾನುಭವಿ / ಕುಟುಂಬಕ್ಕೆ ಆಧಾರ್ ಕೊರತೆಯ ಒಂದೇ ಕಾರಣಕ್ಕಾಗಿ ರಿಯಾಯಿತಿ ದರದಲ್ಲಿ ಆಹಾರ ಧಾನ್ಯಗಳ ಕೋಟಾವನ್ನು ನಿರಾಕರಿಸಬಾರದು ಎಂದು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ ದಿನಾಂಕ 24/10/2017 ಮತ್ತು 08/11/2018ರ ಪತ್ರಗಳ ಮೂಲಕ ಸೂಚಿಸಲಾಗಿದೆ. ಜೊತೆಗೆ ನೆಟ್‌ವರ್ಕ್‌/ ಸಂಪರ್ಕ/ ಲಿಂಕ್ ಸಂಬಂಧಿತ ಸಮಸ್ಯೆಗಳು, ಫಲಾನುಭವಿಯ ಬಯೋಮೆಟ್ರಿಕ್‌ ದೃಢೀಕರಣ ವೈಫಲ್ಯ ಅಥವಾ ಇತರ ಯಾವುದೇ ತಾಂತ್ರಿಕ ಕಾರಣಗಳಿಂದಾಗಿ ಪಡಿತರ ಸೌಲಭ್ಯ ತಡೆ ಹಿಡಿಯುವಂತಿಲ್ಲ ಎಂದೂ ಸೂಚಿಸಲಾಗಿದೆ.

 

ಆಹಾರ ಧಾನ್ಯಗಳ ವಿತರಣೆಯ ಸಮಯದಲ್ಲಿ ʻಎಫ್‌ಪಿಎಸ್‌ʼ ವಿತರಕರು ಸರಿಯಾದ ಮತ್ತು ಪಾರದರ್ಶಕ ತೂಕವನ್ನು ಖಚಿತಪಡಿಸಿಕೊಳ್ಳಲು ಎಲ್ಲಾ ʻಎಫ್‌ಪಿಎಸ್‌ʼಗಳಲ್ಲಿ ಎಲೆಕ್ಟ್ರಾನಿಕ್ ತೂಕದ ಯಂತ್ರಗಳು / ಮಾಪಕಗಳನ್ನು ʻಇಪಿಒಎಸ್ʼ ಸಾಧನಗಳೊಂದಿಗೆ ಸಂಯೋಜಿಸಲು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ ಸಲಹೆ ನೀಡಲಾಗಿದೆ. ಪ್ರಸ್ತುತ, ಇಲಾಖೆಯು ಹಂಚಿಕೆ ಮಾಡುವ ಮಾಸಿಕ ಆಹಾರ ಧಾನ್ಯಗಳಲ್ಲಿ ಸುಮಾರು 90% ಅನ್ನು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳು ʻಇಪಿಒಎಸ್ʼ ವಹಿವಾಟುಗಳ ಮೂಲಕ ವಿತರಿಸುತ್ತಿವೆ.

 

2014 ರಿಂದ 2021ರವರೆಗೆ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳು ರದ್ದುಪಡಿಸಿದ ರಾಜ್ಯವಾರು ಮತ್ತು ವರ್ಷವಾರು ಪಡಿತರ ರಚೀಟಿಗಳ ಸಂಖ್ಯೆಯನ್ನು ಕೆಳಗಿನ ಪಟ್ಟಿಯಲ್ಲಿ ನೀಡಲಾಗಿದೆ:

 

ಕ್ರ.ಸಂಖ್ಯೆ	ರಾಜ್ಯ/ಕೇಂದ್ರಾಡಳಿತ ಪ್ರದೇಶ	2014	2015	2016	2017	2018	2019	2020	2021	ಒಟ್ಟು
1	ಆಂಧ್ರ ಪ್ರದೇಶ	5,45,987	1,29,202	4,75,023	5,449	15,209	12,762	24,523	13,128	12,21,283
2	ಅಂಡಮಾನ್ ಮತ್ತು ನಿಕೋಬಾರ್	-	37	7	6	47	421	431	-	949
3	ಅರುಣಾಚಲ ಪ್ರದೇಶ	1,059	115	4,396	56	-	-	-	-	5,626
4	ಅಸ್ಸಾಂ	-	-	1,08,681	42,077	1,35,250	22,412	21,291	11,120	3,40,831
5	ಬಿಹಾರ	21,712	16,401	6,291	-	2,18,051	3,92,713	99,404	-	7,54,572
6	ಚಂಡೀಗಢ	-	-	-	88	-	-	-	-	88
7	ಛತ್ತೀಸ್ ಗಢ	7,10,000	1,43,000	1,50,000	1,50,000	56,834	1,38,967	4,508	4,368	13,57,677
8	ಡಿಎನ್‌ಹೆಚ್‌ ಮತ್ತು ಡಿಯು-ಡಮನ್‌	-	262	650	272	4,898	577	5,840	1,410	13,909
9	ದೆಹಲಿ	-	38,496	22,696	3,969	2,56,987	381	518	-	3,23,047
10	ಗೋವಾ	93	1,45,471	10,115	6,146	1,130	888	148	59	1,64,050
11	ಗುಜರಾತ್	64,079	45,833	22,119	18,965	95,659	23,038	47,936	11,958	3,29,587
12	ಹರಿಯಾಣ	22,903	43,515	19,648	29,686	2,91,926	-	-	-	4,07,678
13	ಹಿಮಾಚಲ ಪ್ರದೇಶ	235	-	1,148	172	56,858	367	4,376	2,538	65,694
14	ಜಮ್ಮು ಮತ್ತು ಕಾಶ್ಮೀರ	640	3,325	50,709	664	3,428	13,869	13,224	NIL	85,859
15	ಜಾರ್ಖಂಡ್	19	7,914	4,46,025	3,59,793	82,394	60,333	65,234	-	10,21,712
16	ಕರ್ನಾಟಕ	6,64,755	7,61,326	1,44,432	3,26,382	73,675	1,09,312	31,753	42,558	21,54,193
17	ಕೇರಳ	57	-	-	-	3,314	2,543	52,475	1,04,511	1,62,900
18	ಲಡಾಖ್	ಆನ್	ಆನ್	ಆನ್	ಆನ್	ಆನ್	NIL	NIL	614	614
19	ಲಕ್ಷದ್ವೀಪ	76	872	442	-	5	6	7	33	1,441
20	ಮಧ್ಯ ಪ್ರದೇಶ	1,313	-	3,89,124	1,84,673	1,27,441	61,265	1,65,829	14,24,115	23,53,760
21	ಮಹಾರಾಷ್ಟ್ರ	85,160	8,20,780	11,55,908	-	12,81,922	6,53,677	1,31,986	36,119	41,65,552
22	ಮಣಿಪುರ	-	-	-	336	-	-	45,321	15,541	61,198
23	ಮೇಘಾಲಯ	-	-	-	-	2,568	10,525	16	-	13,109
24	ಮಿಜೋರಾಂ	47	53	101	559	107	156	1,443	1,637	4,103
25	ನಾಗಾಲ್ಯಾಂಡ್	3,247	-	-	8,521	7,723	18,552	7,304	-	45,347
26	ಒಡಿಶಾ	-	-	6,50,471	35,740	-	-	-	-	6,86,211
27	ಪುದುಚೇರಿ	10,629	56,121	9,886	3,290	3,533	2,093	1,881	1,731	89,164
28	ಪಂಜಾಬ್	93,267	-	-	69,945	34,972	94,031	1,79,837	3,305	4,75,357
29	ರಾಜಸ್ಥಾನ	-	26,329	13,71,230	73,110	8,016	72,276	5,80,241	1,35,283	22,66,485
30	ಸಿಕ್ಕಿಂ	-	-	11,714	1,126	3,377	5,622	6,981	-	28,820
31	ತಮಿಳುನಾಡು	96,406	1,14,175	84,470	9,089	-	-	-	-	3,04,140
32	ತೆಲಂಗಾಣ	11,71,354	83,048	5,21,790	41,194	3,101	40,684	12,154	NIL	18,73,325
33	ತ್ರಿಪುರಾ	11,814	66,236	92,728	-	18,874	552	1,099	490	1,91,793
34	ಉತ್ತರ ಪ್ರದೇಶ	19,117	2,33,847	25,86,541	44,41,748	43,72,491	41,52,273	8,54,025	4,15,259	1,70,75,301
35	ಉತ್ತರಾಖಂಡ್	-	1,11,367	89,984	3,18,718	1,26,268	-	-	-	6,46,337
36	ಪಶ್ಚಿಮ ಬಂಗಾಳ	16,77,311	21,84,152	-	-	88,593	1,00,151	59,666	-	41,09,873
	ಒಟ್ಟು	52,01,280	50,31,877	84,26,329	61,31,774	73,74,651	59,90,446	24,19,451	22,25,777	4,28,01,585

 

***

****

(Release ID: 1809024) Visitor Counter : 999