“ভারতনা লৈবাক ১৫০ হেন্নদআ ভেক্সিনশিং সপ্লাই তৌদুনা অমসুং দবল্যু.ঐচ.ও.গী ভেক্সিন মথৌতারিবশিং অদুগী ৬৫-৭০% পীবা ঙম্লিবা মালেম অসিগী খ্বাইদগী চাউবা ভেক্সিন পুথোকপা ইন্দস্ত্রীশিংগী মনুংদা অমা ওইবনা, ভারতনা ব্রিক্স লৈবাকশিং (ব্রাজিল, রসিয়া, ইন্দিয়া, চাইনা অমসুং সাউথ অফ্রিকা)অমসুং মসিগা লোইন-লোইননা মালেম অসিগীদমক্তা ভেক্সিনশিং পুথোক্নবগীদমক্তা মশাগী চাউরবা ভেক্সিন মেন্যুফেকচরিং ইন্দস্ত্রী অসিবু কৎথোকপদা য়ানিংঙি।” কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী, দা. মন্সুখ মান্দৱিয়ানা ঙসি ভীদিও কনফরেন্সিংগী খুত্থাংদা ব্রিক্স ভেক্সিন আর. অমসুং দি. সেন্তর অমসুং ভেক্সিন কোওপরেশনগী মতাংদা ওইবা ৱার্কশোপ হৌদোকপা মতমদা হায়খি। 

দা. মান্দৱিয়ানা খঙহল্লকখি মদুদি “মসিগী সেন্তর অসিনা ভেক্সিন রিসর্চ অমসুং দেবেলপমেন্ততা ব্রিক্স লৈবাকশিংগী অপুনবা ওইবগী খুদোংচাবশিং অদুবু চুংশিন্নহনবদা মতেং পাংগনি অমসুং লৌনগনবা লাইনাশিংবু ঙকথোকপদা অমসুং লাকশিনবদা ব্রিক্স লৈবাকশিংগী কেপাসিতী অদুবু হেনগৎহনগনি অমসুং চাউখৎলক্লিবা অতোপ্পা লৈবাকশিংদা তঙাইফদবা মতমদা মতম চানা মতেং পাংবা ঙমগনি।” মসিনা তঙাইফদবা আর. অমসুং দি., প্রিক্লিনিকেল অমসুং ক্লিনিকেল স্তদীশিং পাংথোক্লগনি অমসুং ভেক্সিন কেন্দিদেতশিং তেস্ত তৌনবগীদমক্তা চাংবেংশিংশিং দেবলপ অমসুং স্তেন্দর্দাইজ তৌবদা ব্রিক্স লৈবাকশিংগী লেবোরেতরী কেপাসিতীশিং মপাঙ্গল কনখৎহনগনি। “সেন্তর অসিনা ভেক্সিনেশন রিসোর্সশিং স্ত্রীমলাইনিং তৌবদা মরু ওইবা থৌদাং লৌরগনি অমসুং খুদোংথিনিংঙাই ওইদবা অমসুং অফবা কোবিদ-১৯ ভেক্সিনশিং চপ মান্ননা ফংহনবদা মতেং পাংগনি” হায়না মহাক্না মখা তাখি।

কেন্দ্রগী হকশেল মন্ত্রীনা খঙহল্লকখি মদুদি “ব্রিক্স ভেক্সিন আর. অমসুং দি. সেন্তর অসি অতোপ্পা লৈবাকশিংগা খুৎশম্নদুনা থবক তৌবা, এক্সপরিয়েন্সশিং শিয়র তৌবা , মাইকৈ অনিমক্তা কান্ননবগীদমক্তা কোলাবোরেশনশিং শেমগৎপা অমসুং মীয়ামগী হকশেলদা মরু ওইবা ভেক্সিন পুথোকপদা খোংজেল য়াংখৎহন্নবা অনৌবা খোংথাং অমনি। মসিনা ব্রিক্স লৈবাকশিংগী প্রজাশিংদা অমসুং মালেম অসিগী মীয়ামগীদমক্তা শেনমিৎলোন ফগৎহন্নবগী মাইকৈদা ঐখোয়বু ইনখৎনবা পুনশিশিং অমসুং মখোয়গী হিংননবগী লম্বিশিং অদুবু কনবা ঙমহল্লগনি।”

ভর্চুৱল ওইনা হৌদোকখিবা অদুদা, দা. মনসুখ মান্দৱিয়ানা ব্রিক্স লৈবাকশিংদা ভেক্সিনশিং রিসর্চ তৌবা অমসুং পুথোকপগী মাইকৈদা সাইন্সকী ওইবা মওংদা পুন্না হোৎনমিন্নবগীদমক্তা মহাক্না তৌবীমল খঙবা উৎখি অমসুং থাগৎপা ফোংদোকখি। “মালেমগী লাইচৎ অসিগী মনুংদা, ঐহাক্না ব্রিক্সকীম প্রেসিদেন্সীবু মসিগী সেন্তর অসি হৌদোক্নবগীদমক খুৎশম্ননা থবক তৌমিন্নবগীদমক্তা থাগৎপা ফোংদোক্লি। মসি গ্লোবল পেন্দেমিক রেসপোন্সকী মাইকৈদা ব্রিক্স লৈবাকশিংগী কমিৎমেন্তকী খুদম-চাংদম্নি” হায়না মহাক্না হায়খি। কেন্দ্রগী হকশেল মন্ত্রী অসিনা ভেক্সিন রিসর্চ অমসুং দেবেলপমেন্তকীদমক্তা থবক তৌখিবশিংবু থাগৎপা ফোংদোক্লি। “লাইচৎ অসিনা হেক হৌরকপদগী হেল্থ সীস্তেম অমসুং ভেক্সিন দেবেলপমেন্তগী ঙাক্লৌ ওইদুনা থবক তৌরকখিবা হেল্থ প্রোফেস্নেলশিং, সাইন্তিস্তশিং, রিসর্চরশিং, দ্রগ রেগুলেতররী ওথোরিতীশিং, অমসুং লোকল অমসুং গ্লোবলগী পোলিসী মেকরশিংদা ঐহাক্না ঐহাক্কী তৌবীমল খঙবা উৎচরি অমসুং থাগৎচরি ”। কোবিদ-১৯ ভাইরস অসিনা হেক থোরক্লবা মতুংদগী চহি অমা ফাদনা কোবিদ-১৯গীদমক্তা খুদোংথিনিংঙাই ওইদবা অমসুং অফবা ভেক্সিনশিং পুথোকপা অমসুং অয়াবা ফংখিবা হায়বসি য়াম্নাশিংথংনিংঙাই ওইবা সাইন্তিফিক এচীবমেন্ত অমনি অমসুং মসিনা তুংদা ভেক্সিন দেবেলপমেন্ত তৌবদা করি ওইথোকপা য়াবগে হায়বগী মতাংদা ঐখোয়দা উৎলি হায়না মহাক্না মকাতানা হায়খি।

শ্রী মান্দৱিয়ানা হায়খি মদুদি দবল্যু.ঐচ.ও.গী আর. অমসুং দি. ব্লুপ্রিন্ত অমসুং ইন্তর্নেস্নেল হেল্থ রেগুলেশনশিংনা মসিগী সেন্তর অসিগী লামজিং-লমতাক্নবগী প্রিন্সিপলশিং ওইগদবনি অমসুং “দবল্যু.ঐচ.ও.না ২০২২গী ময়াই চল্লকপা ফাওবদা মালেম অসিগী মীশিংগী ৭০% কোবিদ-১৯গী ভেক্সিনশিং কাপথোক্নবগী থমখিবা তার্গেত অদুবু  ফংবা ঙম্নবা ব্রিক্স লৈবাকশিংনা অনৌবা থবকশিং খুদম ওইনা এ.সি.তি.-এ., কোভেক্স, সি.ই.পি.আই., নচিংবশিং অসিবু মতেং পাংনবা পুন্না থবক তৌমিন্নগদবনি” হায়না মহাক্না মখাতানা প্রোপোস তৌরকখি। “লাইচৎ অমসুং হেল্থ ইমর্জেন্সীশিং অসি নত্তনা, মোর্বিদিতী অমসুং মোর্তেলিতী য়াম্না ৱাংবা অদুবু ভেক্সিনশিংনা কনবা ঙম্বা লাইনাশিং অসিগী লমদা অমসুং হৌজিক-হৌজিক ভেক্সিনশিং লৈতবা লাইনাশিং খুদম ওইনা এদ্স, তিবিনচিংবশিং অসিগীদমক্তা লৈবাকশিংগী মরক্তা খুৎশম্নদুনা থবক তৌমিন্নবগী স্কোপ য়াম্না চাউনা লৈ” হায়না মহাক্না মখা তারকখি।

লৈবাক অসিগী মতিক অমসুং মালেম অসিগী খ্বাইদগী চাউবা ভেক্সিনেশন দ্রাইবকী মাইপাকপা অদুবু হায়রদুনা, দা. মান্দৱিয়ানা হায়খি মদুদি ভারতনা হৌজিক ফাওবদা ভেক্সিনেশন দোজ বিলিয়ন ১.৮ হেন্না কাপথোকখ্রে। হায়রিবশিং অসি লৈবাক অসিদা য়াম্না চাউরবা অমসুং ভেক্সিন আর. অমসুং দি.গী ফেবরেবল ওইবা ইকোসীস্তেম লৈরমদ্রবদি ওইথোকপা ঙম্লম্লোই হায়না মহাক্না হায়খি। “ভারতনা হৌজিক ফাওবদা ইমর্জেন্সীদা শিজিন্নবা কোবিদ-১৯গী ভেক্সিন ৯সু অয়াবা পীখ্রে। মসিদা লমদম অসিদা পুথোকচবা  অমসুং দবল্যু.ঐচ.ও. ত্রান্সফর তেক্নোলোজী প্রোগ্রামগী মপান্দা পুথোকখিবা মালেম অসিগী ওইনা মখল অসিগী ওইনা খ্বাইদগী অহানবা এম.-আর.এন.এ. ভেক্সিন জেনোভাসু য়াওরি”। মহাক্না হায়খি মদুদি ভারত্তা লৈবা ভেক্সিন ইন্দস্ত্রীনা দ্যুএল মোদতা মথৌ তৌই – দি-নোভো প্রোদক্ত দেবেলপমেন্ত হায়বদিলৈবাক অসিগী মনুংদা অমসুং লোকল-গ্লোবল পার্তনরশিপকী খুত্থাংদা তেক্নোলোজী ত্রান্সফর তৌবা। মহাক্না স্তেকহোল্দরশিংদা ভারতকা কোলাবোরেত তৌনবা হায়খি মরমদি “মালেমগী থাক্তা অমসুং মসিগা লোইন-লোইননা লোকলগী লাইনাশিংগিদমক্তা ভেক্সিন রিসর্চ তৌবা অমসুং পুথোকপগী থবক্তা মরু ওইবা পী”।

ব্রিক্স লৈবাকশিংনা হীরম কয়া অমদা মখৌয়গী কোওপরেশন হেনগৎহন্নবগী মাইকৈদা ফিরেপ লৌখিবগা লোইননা, ভেক্সিন রিসর্চ অমসুং দেবেলপমেন্ততা অখন্নবা মিৎয়েং থমখি। মসিগা মরী লৈননা, ব্রিক্স ভেক্সিন আর. অমসুং দি. সেন্তর অসি ২০১৮গী জোহানেসবর্গ দেক্লেরেশনদা লিংখৎনবগী ৱাফম অসি থমখি। হৌখিবা চহিশিংদা অমসুং মরু ওইনা লাইচৎ অসিগী মনুংদা, মসিগী ৱাফম অসি থবক ওইনা পাংথোকখি অমসুং XIII ব্রিক্স সম্মিতকী ন্যু দিল্লী দিক্লেরেশনদা, লুচিংবশিংনা ভর্চুৱল ফোর্মেত্তা ব্রিক্স ভেক্সিন আর. অমসুং দি.  অসি য়াম্না য়াংনা হৌদোক্নবগী মাইকৈদা মখোয়গী ফিরেপ অদু অমুক হন্না ফোংদোকখি।

ব্রিক্স সরকারশিংদগী মতেংগা লোইননা, ব্রিক্স লৈবাক খুদিংমক্না মখোয়গী নেস্নেল সেন্তরশিংসু মশক খঙদোক্লে, মিং ওইনা পল্লবদা, ওস্বালদো ক্রুজ ফাউন্দেশনগী ইম্ম্যুনোলোজিকেল তেক্নোলোজী ইন্সতিত্যুত (বায়োমেঙ্গ্বিনোস), স্মোরোদিন্তসেব রিসর্চ ইন্সতিত্যুত ওফ ইনফ্লুএঞ্জা, ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), সিনোভেক লাইফ সাইন্সেস কো. লিমিতেদ, সাউথ অফ্রিকান মেদিকেল রিসর্চ কাউন্সিল।

থৌরম অদু পীপল্স রিপব্লিক ওফ চাইনাগী সাইন্স অমসুং তেক্নোলোজীগী মন্ত্রী, শ্রী ৱাঙ ঝিগাঙনা থৌবুরেল ওইখি, মআক্না লৈবাকশিংদা নিয়ম চুম্না অমসুং ভেক্সিনশিং চপ মান্ননা য়েন্থোকপা অসিবু প্রোমোত তৌবদা মিৎয়েং থম্নবা অমসুং মসিগী সেন্তর অমসুং অতোপ্পা অসিগুম্বা অনৌবা খোংথাংশিংগী খুত্থাংদা ব্রিক্স লৈবাকশিংগী মরক্তা খুৎশম্নদুনা থবক তৌবা অসিবু প্রোমোত তৌনবা হায়খি। ভেক্সিন আর. অমসুং দি. অমসুং কোবিদ-১৯ মেনেজমেন্ততা মখোয়গী এক্সপরিয়েন্সশিং অদুদা খুৎশম্নবদা নত্তনা পেনেল অদুনা ব্রিক্স লৈবাকশিংগী মরক্তা তুংদা থোরকপা লাইচৎশিংদা খুৎশম্নদুনা মায়োক্নমিন্নবগী মতাংদা লাল্লোংশিং খন্নখি।

মীফম অদু শ্রী মার্সেলো ক্বিরোগা (ব্রাজিলগী হকশেল মন্ত্রী), শ্রী মিখাইল মুরাস্কো (রসিয়াগী হকশেল মন্ত্রী), দা. ব্লেদ জিমান্দে (সাউথ আফ্রিকাগী হায়র এজুকেশন, সাইন্স অমসুং ইন্নোভেশনগী মন্ত্রী), ব্রিক্স লৈবাকশিংদগী দেলিগেতশিং, সেনিয়র রিপ্রেজেন্তেতিবশিং অমসুং রিসর্চ এক্সপর্তশিংনা শরুক য়াখি।

****